Mesaĝoj: 21
Lingvo: Esperanto
Uralo (Montri la profilon) 2012-marto-07 10:31:48
Kial ne estas unu kaj la sama regulo por nomoj de landoj kaj landanoj?
Ekzample:
Nederlandano nomiĝas tiel, ĉar li loĝas en Nederlando. Kaj Kanadano nomiĝas tiel, ĉar li loĝas en Kanado.
Sed:
Britio (aŭ Britujo) nomiĝas tiel, ĉar Britoj loĝas tie. Kaj Germanio (aŭ Germanujo) nomiĝas tiel, ĉar Germanoj loĝas tie.
oxymor (Montri la profilon) 2012-marto-07 11:02:12
Tion mi ankaŭ iom bedaŭras. Sed kiel diras Bertilo W. en PMEG, se vi volus ŝanĝi tion, vi ŝanĝu ankaŭ nekredeble multe da aferoj ne tute logikaj en Esperanto.
Finfine vi havus lingvon eble pli logika sed malpli proksima ol la aliaj lingvoj.
Mi pensas ke Esperanto devas esti ie inter la plej logika lingvo, kaj la plej natura lingvo por homoj (kiuj kompreneble jam parolas alian lingvon). Do, Esperanto ne estu plej logika kiel eble.
Pri la landoj, mi do, se mi estus Z., ja uzus pli regulan sistemon, kiel vi proponas. Sed ne tiom ĝenas min ke li elektis sistemon pli proksima al tiu de naciaj lingvoj, ĉar en aliaj okazoj, mi taksis ĉi tiun elekton bona.
Vi certe legu http://bertilow.com/pmeg/gramatiko/propraj_nomoj/l...
Jen interesa parto :
"Ekzistas do du grupoj de landonomoj: sensufiksaj kaj sufikshavaj. La divido estas tute arbitra kaj senscienca. Plej multaj landonomoj estas sensufiksaj, sed kelkaj, precipe Eŭropaj kaj Aziaj, estas faritaj el popolnomo per sufikso. La divido diras absolute nenion pri la landoj aŭ pri la popoloj en la landoj. Ĉu ekzistas aŭ ne ekzistas aparta vorto por grupo de homoj, neniel montras, ĉu tiuj homoj estas unueca gento aŭ ne. En multaj landoj kun sensufiksaj nomoj loĝas pli-malpli unuecaj gentoj, ekz. Irano, Kamboĝo, Nederlando, Islando k.a. Estas tute normala afero, ke ekzistas tia arbitra divido en du kategorioj. Oni komparu kun ekz. instrumentoj: broso, aŭto, gitaro (sensufiksaj), kombilo, aviadilo, tajpilo (sufiksaj). Tio estas same arbitra kiel la divido de landonomoj. Same estas pri istoj, uloj kaj multaj aliaj grupoj de vortoj."
La afero estis ankaŭ multe priparolata en ĉi tiu forumo.
antoniomoya (Montri la profilon) 2012-marto-07 11:09:13
Uralo:Bonan matenon!Bonan matenon!
Kial ne estas unu kaj la sama regulo por nomoj de landoj kaj landanoj?
Kion vi pensas pri tiu sugesto?:
Landnomoj: Ni formu simplan adjetivon kaj aldonu „lando”. Do: Finnalando, Rusalando, Korealando, Usonalando, Svisalando, Egiptalando, Aŭstralalando, Britalando. Ĉi-maniere la komencanto ne plu devus lerni diversajn finaĵojn.
Vidu: http://ilei.info/ipr/lingvo-simpligo.htm
Do, la nomoj de la loĝantoj estus: finnano, rusano, koreano, usonano, svisano, egiptano, aŭstralano, britano, ktp.
Amike.
Uralo (Montri la profilon) 2012-marto-07 11:11:22
oxymor:Mi pensas ke Esperanto devas esti ie inter la plej logika lingvo, kaj la plej natura lingvo por homoj (kiuj kompreneble jam parolas alian lingvon). Do, Esperanto ne estu plej logika kiel eble.Bone, ĝi ŝajnas logika respondo. Dankon por tio.
Pri la landoj, mi do, se mi estus Z., ja uzus pli regulan sistemon, kiel vi proponas. Sed ne tiom ĝenas min ke li elektis sistemon pli proksima al tiu de naciaj lingvoj, ĉar en aliaj okazoj, mi taksis ĉi tiun elekton bona.
Uralo (Montri la profilon) 2012-marto-07 11:14:00
antoniomoya:Kion vi pensas pri tiu sugesto?Mi sugestas nenion, mi nur demandas 'kial?'
marcuscf (Montri la profilon) 2012-marto-07 14:34:41
Britio – britiano (aŭ Britujo – Britujano)
Germanio – germaniano (aŭ Germanujo – germanujano).
Do, simple uzi tiajn formojn.
darkweasel (Montri la profilon) 2012-marto-07 15:23:34
La demando de la enketo estas strangega. La dukategorieco estas ja lingva fakto; kion oni "preferu" tie?!
marcuscf (Montri la profilon) 2012-marto-19 17:52:08
darkweasel:Kial tio ĉi entute estas problemo? Ni ankaŭ diras judo (-> judismo), sed islamano (<- islamo) - ĉu ankaŭ tio estas iel ajn pliboniginda? Ial pri tio oni neniam legas, sed ĉe landnomo la sama afero estas problema.Mi ne parolas pri tiuj temoj sufiĉe ofte por rimarki la malsimetrion. Eble simila afero okazas al aliaj personoj.
darkweasel (Montri la profilon) 2012-marto-19 18:15:01
marcuscf:Do eble vi jam iam parolis pri redaktoro kaj instruisto. Aŭ pri universitato kaj lernejo.darkweasel:Kial tio ĉi entute estas problemo? Ni ankaŭ diras judo (-> judismo), sed islamano (<- islamo) - ĉu ankaŭ tio estas iel ajn pliboniginda? Ial pri tio oni neniam legas, sed ĉe landnomo la sama afero estas problema.Mi ne parolas pri tiuj temoj sufiĉe ofte por rimarki la malsimetrion. Eble simila afero okazas al aliaj personoj.
Hyperboreus (Montri la profilon) 2012-marto-19 18:25:18