Kiel ĉu unu persono komprenas la diferenco inter "de" kaj "da"?

--- Ankaŭ, mi estas unu komencanto de Esperanto kaj ankoraŭ lernanta la structurojn de la lingvon.

Vidu ĉi tion. Konsultu sekciojn 12.3.3 kaj 12.3.2.

Se vi vere estas komencanto, legi kaj kompreni PMEG-on povas esti malfacile al vi.

Ĉar "de" estas uzata tre vaste, kaj "da" uzatas malvaste, vidi ekzemplojn pri "da" estos pli helpe al vi (12.3.3.1 en PMEG).

Se la unua vorto havas kvantan sencon, uzu "da", se ne havas tian signifon, uzu "de". Tio estas ofte ĝusta, sed ne ĉiam. Tamen praktike ĝi multe helpos vin.

Oni uzas "da" nur kiam oni parolas pri kvanto. Se vi ne parolas pri kvanto, ne uzu "da".

"de" estas multe pli ĝenerala vorto. Ĝi povas paroli pri posedo, enhavo, ktp.

Kelkfoje oni povas elekti 'de' aŭ 'da' kaj havi malsaman signifon:
glaso da akvo = akvo en la kvanto de unu glaso
glaso de akvo = glaso kies enhavo estas akvo

Kelkfoje nur "de" estas ĝusta, aŭ nur "da":

tri kilogramoj da faruno = faruno en la kvanto de tri kilogramoj
tri kilogramoj *de faruno = tri kilogramoj kies enhavo estas faruno? Tio ne havas multan sencon. "da" estas la ĝusta elekto ĉi tie, "de" estas malĝusta

la domo de mia fratino = la domo apartenas al mia fratino
la domo *da mia fratino = mia fratino, en la kvanto de unu domo (tio ne havas sencon!)
"de" estas la ĝusta elekto ĉi tie, "da" estas malĝusta.