Sadržaj
Odgovori

Kiu estas patrujo de Zamenhof?

od RUSTICUSVULGARIS, 23. lipnja 2012.

Poruke: 5

Jezik: Esperanto

RUSTICUSVULGARIS (Prikaz profila) 23. lipnja 2012. 09:08:10

Mi ofte legas, ke patrujo de Zamenhof estas Pollando, sed laŭ mi patrujo de Zamenhof povas esti Litovio.

En sia parolado en 1907 j. en Londono Zamenhof diris tion.
„Vi staras nun antaŭ miaj okuloj, mia kara Litovujo, mia malfeliĉa patrujo, kiun mi neniam povas forgesi, kvankam mi forlasis vin kiel juna knabo. Vi, kiun mi ofte vidas en miaj sonĝoj, vi, kiun nenia alia parto de tero iam povos anstataŭi en mia koro, vi atestu, kiu vin pli multe, pli kore kaj pli sincere amas [...]“

En letero de Josifo (onklo de Zamenfof) al Zamenhof. Onklo Josifo nomas sian nevon (Zamenhofon) kiel judo de Litovio. La letero estis skribita 1876 j. marto 16.

En letero al loka kongresa komitato en Krakovo Zamenhof skribas " Mi estas hebreo kaj naskiĝis en Litovio".

Do eble patrujo de Zamenhof estas Litovio.

Sunjo (Prikaz profila) 23. lipnja 2012. 09:29:51

laŭ vikipedio L.L.Zamenhof
Zamenhof naskiĝis en la Ulica Zielona 6 en la urbo Bjalistoko, kiu situis tiam en la Rusa Imperio (nun en Pollando). Lia naskiĝtago estis la 3-a de decembro laŭ la julia kalendaro, la 15-a de decembro laŭ la gregoria kalendaro kaj la 19-a de kislevo laŭ la juda.

Li estis filo de lingvoinstruisto Mordeĥaj Zamenhof (kiu ruse preferis Marko) kaj Rozalio (naskita Sofer). Lia familio estis judoj el la Granda Duklando de Litovio, sed ne konsideris sin litovlingvanoj. Liadire, li estis "ruslanda hebreo".

RUSTICUSVULGARIS (Prikaz profila) 23. lipnja 2012. 11:16:43

Zamenhof nomis sin Ruslanda hebreo, sed tio ne estas preciza, ĉar en Rusa imperio loĝis kelkaj grupoj de judoj (litvakaj, kaŭkazaj, krimeaj, buĥaraj...). Kaj Zamenhof estis litvako (judo de Litovio).
Jes familio de Zamenhof ne konsideris sin litovlingvanoj, sed tio ne estas grave. Ekzemple, en nuna Litovio loĝas multe da poloj, kiuj denaske parolas pole, sed ili konsideras, ke ilia patrujo estas Litovio.

alonsososo (Prikaz profila) 25. lipnja 2012. 19:40:42

Interesa fadeno. Mi scivolas kiel ĝi kontinuos.

antoniomoya (Prikaz profila) 25. lipnja 2012. 20:46:27

Pardonu, sed mi opinias ke la patrujo de Zamenhof estas la Tero (tute certe kiel ĝi estas la via kaj la mia).
Zamenhof esti terano, kaj li laboris tutvive por la bono de siaj sam-monduloj, ĉu ne vere?
Naskiĝi en iu eta parteto de la Tero aŭ en iu alia, kial tiom gravas?
Tio kio vere gravas estas KION vi faras por la homaro.
Zamenhof estis homarano, terano, kaj hodiaŭ li certe prifajfus ĉu li naskiĝis en Pollando, Ruslando, Litovalando aŭ Usonalando.

Almenaŭ tion mi pensas...

Amike.

Natrag na vrh