Повідомлення: 15
Мова: Esperanto
darkweasel (Переглянути профіль) 17 серпня 2012 р. 12:55:22
Al mi tio ĉi ŝajnas sama kiel arĥivi = arĥivigi (aŭ iuj preferas skribi arkiv-).
sudanglo (Переглянути профіль) 17 серпня 2012 р. 20:24:06
zan (Переглянути профіль) 19 серпня 2012 р. 09:58:42
Sed kial "veneni" ne estas "esti venena", dum "ruĝi" estas "esti ruĝa"?
Mi konfuziĝis, kiam mi vidis la uzon "venenigi ion", ĉu "veneni" estas ntr-verbo.
Mi nun pensas, ke iom kulpas la kutimo i-igi a-vortojn.
Tiu sistemo estas tute logika kaj utila sed ne ĉiam aplikebla.
Troa alkutimiĝo al tiu sistemo miskomprenigis min.
sudanglo (Переглянути профіль) 19 серпня 2012 р. 16:39:36
'Veneni' ja aperas en la vortaro kiel transitiva, sed oni povas uzi ĝin, kiel supre, sen gramatika objekto, kaj tiam, se vi volas, vi povas ĝin interpreti kiel 'esti veneno'
Kiam la kapvorto estas adjektivo kiel ruĝa, kutime, eĉ devige, oni aldonas 'ig' por ricevi verbon en la senco doni tiun kvaliton al io.
Kiam la kapvorto estas substantivo, oni ofte kreas verbon sen 'ig' - sed ne ĉiam.
La ago nature ligita al o-vorto povas neniel enhavi igan ideon - Martelo/Marteli. Pri la ĝusta senco de Marteligi, mi lasos al vi grati la kapon.
Kio estas Acidigi? Ĉu fari acidon, ĉu fari acida? Ĉu gravas?
zan (Переглянути профіль) 20 серпня 2012 р. 10:06:03
sudanglo:La diferenco inter tiu planto venenas kaj tiu planto estas venena estas preskaŭ ne rimarkebla, ĉu ne?Tr-verbo nemalofte uziĝas sen objekto tamen tenante sian tr-signifon.
'Veneni' ja aperas en la vortaro kiel transitiva, sed oni povas uzi ĝin, kiel supre, sen gramatika objekto, kaj tiam, se vi volas, vi povas ĝin interpreti kiel 'esti veneno'
Homo manĝas. = Homo manĝas (ion).
La signifoj de la du "mangi" ne estas malsamaj.
Ankaŭ kaze de "veneni" oni povas pensi, ke "tiu planto venenas = tiu planto venenas (ion)", laŭ tr-signifo.
Sed "veneni" havas ankaŭ alian trajton.
Tiu planto venenas. = Tiu planto estas venena. (ntr-signifo)
Venena planto ne nur havas en si venenon sed ankaŭ povas doni al io alia sian venenon, do, ĝi havas povon veneni ion.
veneni => esti venena => havi povon veneni ion => ĉiam eblas veneni ion => veneni (ion)
Ntr-a "veneni" preskaŭ same signifas kiel tr-a "veneni".
Mi sentas tion tre stranga, sed tio estas lingva fakto.