До змісту
Відповісти

Dio donacas tri lingvojn al vi.

від baibaibibi, 14 вересня 2012 р.

Повідомлення: 38

Мова: Esperanto

baibaibibi (Переглянути профіль) 14 вересня 2012 р. 13:11:38

Ĉu estas iuj lingvoj kiujn vi volus lerni sed vi ne havas tempon, monon, kapablon, aŭ simple vi estas tro ripozema homo? Trankvila, senproblemoj, hodiaŭ Dio donacas tri lingvojn al vi. Kiujn tri lingvojn vi elektas?

efilzeo (Переглянути профіль) 14 вересня 2012 р. 14:07:52

Se Fortuno donacus al mi tri lingvojn, mi ŝatus ricevi latinan, maljunan grekan kaj rusan.

darkweasel (Переглянути профіль) 14 вересня 2012 р. 14:35:17

Por mi tio estas la itala, la slovaka, kaj por la tria lingvo mi ne povas decidi inter la nederlanda kaj la hungara. Eble pli la hungara, ĉar ĝi estas unue pli malfacila por normala lernado kaj due geografie multege pli proksima.

hebda999 (Переглянути профіль) 14 вересня 2012 р. 14:45:57

la germanan, la japanan kaj la ĉinan.

nigra_rivereto (Переглянути профіль) 14 вересня 2012 р. 16:17:46

Mi elektus la anglan pro ĝia utileco, la italan pro ĝia beleco kaj eble la hindian pro ĝia ekzoteco kaj ĝia bela alfabeto.

Yakunin (Переглянути профіль) 14 вересня 2012 р. 16:42:27

baibaibibi:Ĉu estas iuj lingvoj kiujn vi volus lerni sed vi ne havas tempon, monon, kapablon, aŭ simple vi estas tro ripozema homo? Trankvila, senproblemoj, hodiaŭ Dio donacas tri lingvojn al vi. Kiujn tri lingvojn vi elektas?
Tri lingvojn krom la gepatra? Se jes mi elektus la anglan, la esperanton kaj la ukrainian. La angla por paroli en la reala mondo, la esperanto por paroli en la reto kaj la ukrainia por paroli en la Ukrainio ĉar mia edzino devenas de ĉi tie kaj mi preskaŭ ĉiujare ripozas en tiu lando.

whysea (Переглянути профіль) 14 вересня 2012 р. 16:52:28

La japanan - Interesega lingvo laŭ mi, sed kia studadenda skribsistemo! Mi volus tuj lerni ĝin anstataŭ studadi dum jaroj.

La sanskritan - Ĝi estas la plej antikva hindeŭropa lingvo ankoraŭ parolata en la mondo...Kial ne lerni ĝin?

La naŭatlan - La plej parolata indiĝena lingvo en Meksiko. Plue, klasika naŭatla estis la lingvo de la azteka imperio. Jen, eĉ kelkaj esperantvortoj venas al ni el la naŭatla: ĉokolado, kojoto, avokado, tomato, oceloto, kaj Meksiko mem.

Yakunin (Переглянути профіль) 14 вересня 2012 р. 17:49:03

vidas vandenis:Mi volus kompreni lingvon de abeloj, lingvon de delfenoj kaj lingvon de infana koro...
ridulo.gif ... kaj de virina koro!

brodicius (Переглянути профіль) 14 вересня 2012 р. 18:21:58

Mia celo de vivo estas lerni multajn lingvojn. Kvankam kelkaj ŝajnas tro malfacila por mia kapablo, ekzemple la araba, la mongola, la kartvela, la loĵbana ktp. kiujn mi tre ŝatus lerni, tamen mi preferus pasi tempon lernante de aliaj lingvoj.

creedelambard (Переглянути профіль) 14 вересня 2012 р. 19:01:56

Aparte de la angla kaj la esperanta, mi ŝatus lerni la germanan pli bone ol kion mi nun scias, kaj ankaŭ la ĉinan, la japanan, la hispanan, kaj eble hindan, araban, svahilan . . . tro multon da lingvoj kal tro malmulton da tempo.

Назад до початку