去目錄頁
回应

Per kiu kanto prezenti Esperanton?

从 Kokcineleto, 2012年10月30日

讯息： 9

语言: Esperanto

Kokcineleto (显示个人资料) 2012年10月30日下午3:16:58

Saluton!

En Novjara tendaro mi povos dum du horoj prezenti Esperanton al studentoj (tiuj, kiuj ekinteresiĝos ĝuste pri ĉi tiu temo) kaj doni al ili eblecon praktiki iomete.
Mi pensas, ke estus interese montri al ili iun videon (kanton aŭ eble animacian filmeton) en nia lingvo, plej bone kun subskriboj (vortoj de la kanto en Esperanto). Povas esti iu fama tradukita aŭ originala esperanta aĵo. Do, mi dezirus konsilon.

Kiu estas via ŝatata esperanta kanto, trovebla en Youtube aŭ similaj retejoj?

darkweasel (显示个人资料) 2012年10月30日下午3:20:30

Kiel lernejano, mi dufoje faris prelegojn al la resto de la klaso pri Esperanto (ni rajtis elekti ajnan temon). En ambaŭ mi prezentis kantaĵojn de Persone - en la unua, "Liza pentras bildojn" (almenaŭ tiam trovebla en la lernu!-biblioteko), kaj en la dua, "Je la leviĝo de la lun'" sur iu albumo elŝutebla en la retpaĝaro de Persone.

dobri (显示个人资料) 2012年10月30日下午3:28:34

Vi povus uzi ekzemple Tintilar'.
http://www.youtube.com/watch?v=Mk1bUIV4iEw&lis...

Kokcineleto (显示个人资料) 2012年10月30日下午3:37:18

dobri:Vi povus uzi ekzemple Tintilar'.
http://www.youtube.com/watch?v=Mk1bUIV4iEw&lis...
ridego.gif Amuze! Mi ne sciis, ke ankaŭ tiu kanto estas tradukita. Sed eble ankaŭ ion alian plu mi volus...

Kokcineleto (显示个人资料) 2012年10月30日下午4:52:46

darkweasel:Kiel lernejano, mi dufoje faris prelegojn al la resto de la klaso pri Esperanto (ni rajtis elekti ajnan temon). En ambaŭ mi prezentis kantaĵojn de Persone - en la unua, "Liza pentras bildojn" (almenaŭ tiam trovebla en la lernu!-biblioteko).
Dankon! "Liza pentras bildojn" vere sonas bone. Pri kio temas la kanto? Mi ŝajne ne havas tiom bonan fantazion por kompreni...

diogotux (显示个人资料) 2012年11月1日下午4:47:44

En lernu mem, estas video "Esperanto estas lingvo kun multaj trajtoj", estas interesa video. Kvankam ĝi temas nur pri Esperanto kaj ties movado.
Mi konsilas doni kanton de Kaj Tiel Plu, la Esperanto de la kantistoj ne estas la plej bona tamen la muzikoj estas belegaj.

Ankaŭ mi konsilus prezenti kanton de Persone, mi opinias la plej bonajn:
de Persone: mondo aŭ mi, se la cerbo volas, mia knabino kaj la leviĝo de la lun'

de Kajto: en la fronto de gandesa (tradukita), la pasero, procesio multkolora kaj ran-kvarteto.

Mi scias neniun muzikon pri kristnasko kaj novjaro krom la jam citita de Ralph Glomp

dombola (显示个人资料) 2012年11月2日下午2:43:21

Jen sugesto: priskribo per kanto en video pri Esperanto en ago en la bieno Bona Espero, kiu estas lernejo kaj loĝejo por malriĉaj infanoj en Brazilo. La bieno funkcias precipe pro la malavara monhelpo de esperantistoj el multaj landoj. Tie oni akceptas esperantistojn el la tuta mondo por vola laborado dum kelkaj tagoj aŭ semajnoj.
Mi pensas tion, ke estas projekto priparolinda en foiro kiel tiu, kiun vi intencas partopreni.
Bonvolu rakonti al ni, venontjare, vian sperton en la foiro.

Makinary (显示个人资料) 2012年11月12日下午1:39:15

Mi ŝatas ĉi tiujn muzikaĵojn:

- Dormu Milde (Kajto): http://www.youtube.com/watch?v=tiuErzIQkhg
- Tragedio (Tutmonda Muziko): http://www.youtube.com/watch?v=_MqFk5hV1Fs
- Himno de esperhe (Dolchamar): http://www.youtube.com/watch?v=MTKoMATSlwo

Regis_Castro (显示个人资料) 2012年11月18日上午6:54:23

Mi konas ĉiujn muzikaĵojn, kiujn oni konsilis al vi sed mi preferas montri aktualaĵojn.
En esperantujo troviĝas aĵoj, kiuj ŝajnas tre malnovaj (kelkaj vere estas, hehe).

Mi ŝatas la muzikaĵon "La malnova balancilo" de Kajto ĉar la prononco de la kantistino estas tre klara kaj la ritmo estas malrapida.

Se vi ne tiel zorgas pri la prononco: http://www.youtube.com/watch?v=gWiH8BlpU0U
Brazilaj junuloj ĝenerale ŝatas ĝin ĉar ĝi similas pli al la muzikaĵoj, kiujn ili ĝenerale aŭskultas.
Mi trovis nenie la muziktekston sed se vi volas vi mem povas noti ĝin ĉar estas facile rekoni la vortojn.

Sukceson!

回到上端