Til indholdet
Svare

Kie kaj kiel

af cxevino, 30. okt. 2012

Meddelelser: 12

Sprog: Esperanto

cxevino (Vise profilen) 30. okt. 2012 21.46.31

Kial kie estas kiel kaj kiel ne estas kie?

antoniomoya (Vise profilen) 30. okt. 2012 21.52.05

cxevino:Kial kie estas kiel kaj kiel ne estas kie?
Ĉu temas pri vort-ludo?

Amike.

darkweasel (Vise profilen) 30. okt. 2012 21.56.44

Ĉar al la tabelvorto por loko necesas povi aldoni N-finaĵon por montri direkton. Miascie origine la projekto de Zamenhof ja havis kie por maniero kaj kiej (devene de la sufikso -ej) por loko, sed al tiu lasta evidente elparole maloportunas aldoni N-finaĵon.

cxevino (Vise profilen) 1. nov. 2012 01.13.03

Mi jam supozis tiun kialon... Do, krom naŭdekprocente balastan akuzativon, oni havas eternan konfuzon pri ie, kie, tie, ĉie, nenie / alie = alimaniere kaj ne aliloke...

Foje nekonstruitaj lingvoj estas plibone konstruitaj...

Hyperboreus (Vise profilen) 1. nov. 2012 01.19.11

Forigite

darkweasel (Vise profilen) 1. nov. 2012 08.49.57

cxevino:oni havas eternan konfuzon pri ie, kie, tie, ĉie, nenie / alie = alimaniere kaj ne aliloke...
Kiu, krom vi, estas de tio "eterne konfuzita"? senkulpa.gif

Kirilo81 (Vise profilen) 1. nov. 2012 09.03.12

Hyperboreus:Nek pripensante ke la origina ideo de Onklo Zam estis uzi "ian, kian, tian" anstataŭ "iam, kiam, tiam", sed Kobe konvinkis lin uzi alian finaĵon (-am)...
Kiu estas Kobe? Ĉu Kabe? Miascie estis Edgar de Wahl (jes, la posta inventinto de Okcidentalo), kiu iniciatis en 1888 (89?) tiun ununuran morfologian ŝanĝon (parenteze tre bonan) en E-o.

HaleBopp (Vise profilen) 1. nov. 2012 09.23.42

Ne konfuzu adverbojn kaj tabelvortojn. La finaĵa regulo ne estas absoluta. Ĉu estas eterna konfuzo se "mi, vi, li..." ne estas infinitivoj??

Hyperboreus (Vise profilen) 1. nov. 2012 17.23.44

Forigite

Rangel_Castro (Vise profilen) 4. nov. 2012 15.14.24

Mi iam pensis pri tio.

Kia li estas? Li estas bela. (la finaĵoj egalas)

Kiel li kuras? Li kuras rapide. (la finaĵoj ne egalas)

Povus esti:

"Kie li kuras? Li kuras rapide."

"Kiel li kuras? Li kuras en parko." kaj "Kielen li kuras? Li kuras en parkon."

Mi ĵus elpensis tion. ridego.gif

Tilbage til start