Naar de inhoud
Reageren

Franca politiko

door Altebrilas, 30 november 2012

Berichten: 4

Taal: Esperanto

Altebrilas (Profiel tonen) 30 november 2012 16:43:18

Mi trovis tiun skemon kiu klarigas la nuna krizo en la franca dekstra ĉefpartio. Bedaŭrinde, ĝi estas en la franca, kaj iuj el vi ne komprenos. Ne gravas, ne plie komprenas la francoj.
https://twitter.com/custinda/status/27390039657612...

MoutOp (Profiel tonen) 2 december 2012 08:00:10

Mi tre ŝatas "Xavier Bertrand propose son aide. Aucune réaction." (Xavier Bertrand proponas sian helpon. Neniu reakcio.) ridego.gif

cellus (Profiel tonen) 2 december 2012 18:17:32

Se vi francoj ne komprenas vian politikon, do ne miru ke ni ne-francoj komprenas ankoraŭ malpli! ridulo.gif

Ekzemple kion mi tute ne komprenas estas ke Francio postulas ke la financa apogo al la agrikulturo restu por ili. Francio havas multe pli bonan teron, multe pli bonan klimaton ol ekzemple Svedio. Se mi bone memoras Estonio havis neniajn subvenciojn de la agrikulturo kiam ĝi eniries en la EU:n!

Jes, kaj mi ne komprenas kial la Eŭropa parlamento devas komuti inter Strasburgo kaj Bruselo je astronomia kosto, kiun pagas ni EU-anoj! Sufiĉas ke ĝi estas en Bruselo, ĉu ne?

Altebrilas (Profiel tonen) 2 december 2012 21:46:29

Tio estas la rezulto de la kompromisoj. Tio ne estas konforma al la tradicia franca kulturo, kie oni preferas akordiĝi pri la principoj, kaj poste eltiri la konsekvencojn.

Tial Francoj havas problemojn pri Eŭropunio kaj Financa Tutmondiĝo, ĉar multaj homoj en Francio ne kapablas diri (kaj mi mem ne estas escepto) ĉu ili estas ega oportuneco por ni aŭ ĉu ili estas la fonto de ĉiuj niaj nunaj problemoj.

La loko de la parlamento kaj la agrikultura politiko estas lamaj solvoj, sed ili rezultas de kompromiso. Estu pli bone demandi kian Eŭropunion ni deziras, kial, kaj kiel plej rapide atingi ĝin. Sed por la eŭrokratoj, la popoloj estas danĝeraj kaj ofendiĝemaj frenezuloj, kaj prefere oni decidu kaŝe por eviti fari "ondojn".

Terug naar boven