До змісту
Відповісти

Kiu nacia lingvo plej similas gramatike al esperanto?

від Kurawiri, 30 листопада 2012 р.

Повідомлення: 20

Мова: Esperanto

Kurawiri (Переглянути профіль) 30 листопада 2012 р. 17:24:50

Ni ĉiuj scias, ke esperanto estas eksterordinara ĉar ĝi estas tre fleksebla lingvo kiu al ni permesas estigi senlime kaj laŭregule multajn vortojn per nura kunmetado. Tiamaniere oni eblas diri elde la radiko *muzik- --> muziko, muziki, mi muzikas, muzika, muzike, muzikisto, muzikema, muzikejo, muzikulo, muzikigi, ktp... Do oni eblas nomigi, adjektivigi, verbigi, adverbigi preskaŭ ĉiujn radikojn.

Mia demando estas jena : ĉu ekzistas naciaj lingvoj tute flekseblaj kaj vortkunmetemaj kiel esperanto? Iam instruisto pri la germana lingvo diris al mi, ke en tiu ĉi oni eblas inventi vortojn per kunmetado kiel en esperanto. Sed mi dubas pri tio, laŭ mia sperto tiu eblo de la germana lingvo ne estas sistema kaj laŭregula. Ĉu estas aliaj kandidatoj?

futbalemulo (Переглянути профіль) 30 листопада 2012 р. 18:01:39

Ĉiu lingvo kaj neniu.

Eble kelkaj alglutinaj lingvoj kiel la ĉina, la sŭahila...estas tre regulaj. Kaj el la fleksiaj lingvoj eble la hispana gramatiko estas la plej regula... sed neniu povas kunmeti kiel e-o.

fajrkapo (Переглянути профіль) 30 листопада 2012 р. 18:28:30

Mi dubas ke ekzistas lingvo tiel fleksebla kaj regula kiel Eo, ĉar oni inventis Eon ĝuste por tio.
Ĉiel, mi ne konas nek azianaj lingvoj, nek araba aŭ aliaj afrikanaj, sed mi ege dubas pri tiaj regulegaj kaj flekseblegaj sistemoj en tiuj naciaj lingvoj...

Kaj FUTBALEMULO: dankon por via opinio pri la hispaniana, sed se ĉi tiu havas la plej regulan gramatiko, kompatindaj lernantoj de lingvoj...

darkweasel (Переглянути профіль) 30 листопада 2012 р. 18:30:13

fajrkapo:
Kaj FUTBALEMULO: dankon por via opinio pri la hispaniana, sed se ĉi tiu havas la plej regulan gramatiko, kompatindaj lernantoj de lingvoj...
Nu, fakte kompare al multaj aliaj naciaj lingvoj la hispana vere estas relative facile lernebla, miasperte.

efilzeo (Переглянути профіль) 30 листопада 2012 р. 19:35:07

Interesa demando, mi ankaŭ scivolas tion.

Kurawiri (Переглянути профіль) 30 листопада 2012 р. 22:29:20

Mi ankaŭ aŭdis, ke la turka estas sufiĉe regula en sia vortkunmetado.
Pri la hispana (mi instruas ĝin) : certe ĝi estas la plej facile lernebla latinida lingvo, ĝi estas relative regula sed ne tiom, kiom esperanto. Miaj gekursanoj spertas malfacilaĵojn por lerni la konjugaciojn de la hispana, tamen ili agnoskas, ke ili estas pli facile lerneblaj ol tiuj de sia denaska franca lingvo, nekredeble ĉu ne?

Demian (Переглянути профіль) 1 грудня 2012 р. 03:16:30

En kelkaj dialektoj de panĝaba oni faras multajn adjektivojn pere de sonfino '-a' kaj adverbojn pere de fina sono '-e.'

Ekz.

Esperanto - Panĝaba (gurumuĥa, ŝahamuĥa)
mola - pola (ਪੋਲਾ, پولا)
mole - pole (ਪੋਲੇ, پولے)
malrapida - hola (ਹੌਲਾ, ہولا)
malrapide - hole (ਹੌਲੇ, ہولے)

Sahaquiel (Переглянути профіль) 1 грудня 2012 р. 17:51:44

Laŭ folio pri la venonta UK en Islandio, En la Islanda la vortfarado ankaŭ estas per la enmeto de radikoj aŭ vortoj.

vincas (Переглянути профіль) 1 грудня 2012 р. 18:47:53

Mi ie legis, ke ia lingvisto de Kroatio (D. Brozoviĉ) pensas, ke sistemo de participo de Esperanto estas pure litova :]

baibaibibi (Переглянути профіль) 1 грудня 2012 р. 19:00:25

La ĉina estas tre regula kaj facila, aldone ĝi estas monosilaba kio ege faciligas la kunmetojn, laŭ mi la ĉina ŝajnas artefarita pro ĝia facila gramatiko.
Mi ŝatus koni la opinion de aliaj kiuj konas la ĉinan pli bone ol mi...

Назад до початку