去目錄頁
回应

Kunmeti?

从 Aaron94, 2012年12月4日

讯息： 7

语言: Esperanto

Aaron94 (显示个人资料) 2012年12月4日上午1:41:47

Ĉu povas oni diras: Mi kunmetis la kristnaskan arbon, post tio, mi dekoris ĝin.

Mi ne scias kiel klarigas ke mi igis la arbon stari.

darkweasel (显示个人资料) 2012年12月4日上午6:17:40

Kial ne starigis aŭ instalis? Kunmetis sonas, kvazaŭ la kristnaskarbo antaŭe konsistus el diversaj partoj, kiujn vi kunmetis.

RiotNrrd (显示个人资料) 2012年12月4日上午7:33:59

Mia kristnaskarbo ja konsistas el diversaj partoj, kiujn mi kunmetas. Ĝi estas tute artefarita, kaj plejtempe enskatolas dispece.

Mi aĉetis ĝin iam dum la fruaj '90oj, kaj ankoraŭ uzas ĝin. Artefaritaj arboj nur malofte eluziĝas.

Ondo (显示个人资料) 2012年12月4日上午10:42:52

Aaron94:Ĉu povas oni diras: Mi kunmetis la kristnaskan arbon, post tio, mi dekoris ĝin.
Jes, vi povas tiel diri, se vi vere muntas la arbon kunmetante el pecoj. Se estas vera arbo, mi ne dirus "kunmetis", sed simple "Mi starigis la Kristnaskan arbon kaj ornamis ĝin."

Mi mem kutime unue forsegas pecon de la trunko por ke la arbo pli facile trinku tra la freŝa surfaco kaj pli longe bonfartu. Poste mi enportas la frostan arbon (abion) en la domon, metas ĝin en vazoforman stablon kun akvo kaj starigas la tuton sur la planko de nia sidĉambro. Mi lasas la froston degeli kelkan tempon kaj ornamas la branĉojn per kandeloj kaj aliaj brilaĵoj.

Aaron94 (显示个人资料) 2012年12月4日下午2:47:30

Ĉu estas ĝusta: Mi kunmetis la kristnaskan arbon, starigis ĝin, kaj ornamis/dekoris ĝin.

Mia arbo estas tute artefarita ankaŭ, do mi devas kunmeti ĝin.

darkweasel (显示个人资料) 2012年12月4日下午4:16:11

Aaron94:Ĉu estas ĝusta: Mi kunmetis la kristnaskan arbon, starigis ĝin, kaj ornamis/dekoris ĝin.

Mia arbo estas tute artefarita ankaŭ, do mi devas kunmeti ĝin.
Nu jes, se kunmeti vere estas la celata ideo, tio estas tute ĝusta.

orthohawk (显示个人资料) 2012年12月5日下午9:42:29

Aaron94:Ĉu povas oni diras: Mi kunmetis la kristnaskan arbon, post tio, mi dekoris ĝin.

Mi ne scias kiel klarigas ke mi igis la arbon stari.
Ĝuste: Ĉu oni povas diri....ktp.

Kaj, se vi ne deziras vidi la "kontraŭ-neologism-ist-ojn" timkaŭri, uzu "ornami" anstataŭ "dekori."

Je alia punkto: ĉu ĝustas la esprimo supre? "vidi la kontraŭneologismistojN timkaŭrI? Rusregule, oni dirus: ....vidi "kiel la kontraŭneolisimistoj timkaŭras..."

回到上端