Tute ne, kaj la sekso ne estas "speciala" temo. Ni devas trakti ĝin kiel ĉiujn aliajn krimojn.

vidas vandenis:

cellus:Stupro estas seksumado kie forto, violenco estas uzata por ke la stupristo povu seksumi.

Kion oni scias pri la ses arestitaj stupristoj? Ĉu oni scias ion pri la socia medio el kiu ili venas?

Cellus

Laŭ mesaĝo de Demian 552 al mi klaras, ke medio kaj la vivkondiĉo de murdistoj estas sufiĉe normala, egala, eĉ pli bona nek de multo da homoj de Indujo. Mi jam suspektas, ke Cellus volas aludi malfacilan infanecon, junecon de la murdistoj. En Hindujo multo da homoj vivas pli malbone, sed ne agas tie. Tial tiuj malhomoj bezonas esti forigitaj el la socio. Per kia modo, mi ne scias. Plej simple- pendigi. Sed se estus mia volo, mi proponus similajn personojn, sendiulojn (ateistojn, eblas se ili absolvas tiujn agojn), ekzili sur neloĝatan insulon, kaj lasi montri ilian senkulpon per siaj dentoj.

Kiel oni montras senkulpecon per siaj dentoj mi ne komprenas.

Cetere, kiam mi legis la mesaĝon de Demian mi ne sciis ion pri la krimuloj. Mi aŭdis pli poste ke ili estis ebriaj kaj ŝtelis buson. En tiun buson hazarde trafis la juna paro.

Multaj virinoj de pli malaltaj kastoj abu klasoj estas perfortitaj, kaj certe estos necesa ŝanĝo de la pensmaniero en Barato. Estas longa kaj malfacila laboro kiun devos fari la popolo.

La aferon pri la ateistoj mi ankaŭ ne komprenas.

vidas vandenis:Ho vi- la bonkoraj defendantoj de murdistoj kaj de stupristoj!
Jen ree terura stupro kaj poste pendumo de viktimo en Barato. Mi proponas al vi pli rapide komenci vian humanajn, klerigadajn,
aŭ similan laborjon, ke tiaj krimoj ĉesus. Kiom da tempo vi bezonas? 100 aŭ 1000 jarojn? Kiom da monoj? Kiom da edukistoj? Sed memoru, ke tiaj homoj kutime estas malkuraĝuloj kaj ilin plej bone edukas timo, kaj scio kio ilin atendas por ilia ago.

Murdistoj k stupristoj antaŭ ĉio estas homoj, k homajn rajtojn ankaŭ ili ĝuu, eĉ se ili perfortis tiujn de aliaj. Puno, notinde mortopuno, eble kontentigos koleran senton de iuj, sed tio ne fortimigas aliajn eblajn murdistojn k stupristojn. Mortopuno ekzistas de ege multa tempo, estis tre serioze pristudata ties efiko (statistike ktp), interalie en Francio kie ĝi estis abolita nur antaŭ 30 jaroj, k evidentiĝis ke ekzisto de plej severaj punoj ne influas la nombron de abomenaj krimoj en malpliiga direkto.
Por ke tiaj krimoj ĉesu (kiom eble plej malplioftiĝu, almenaŭ), necesas ja multa tempo, mono, edukistoj.
Ĉu ne estas malkuraĝe flanke de la socio punmortigi homon, ĉar li murdis? Ĉu ne estus pli kuraĝe klopodi, ke tiajn homojn kiuj krimis, oni ekzemplodone traktu tiel homece k juste, nu malkrime, kiel ĝuste oni atendis de ili? Se la socio mem murdas murdintojn pretekste de "justo", mi ne vidas ke tio montras vojon al malpli da perforto.
Mian klerigan laboron por ke tiaj krimoj povu ĉesi mi jam faradas de jaroj, interalie sine de la asocio SAT, kies eldonkooperativo aperigis en 2007 libron titolitan: Mortopuno, faktoj k dokumentoj:
http://www.satesperanto.org/eldonkooperativo/spip....
Mi invitas interesatojn kritike legi ĝin por fari al si propran opinion studinte la elementojn de ties enhavo.
Plej amike, Vito

vidas vandenis: .. ke vere kredanta al Dio homo tian krimon fari ne povas.

Ni eble citu kiel parolis Moseo, kiu supozeble kvalifikiĝas kiel 'vere kredanta al Dio':

NOM 31-17/18:
17 Kaj nun mortigu ĉiun virseksan infanon; kaj ĉiun virinon, kiu
ekkonis viron sur kuŝejo de viro, mortigu. 18 Sed ĉiun infanon
virinseksan, kiu ne ekkonis kuŝejon de viro, lasu viva por vi.

Li riproĉas al siaj militestroj ke ili lasis vivi la virinojn de Midjan. Anstataŭe ili mortigu ĉiujn krom ĉiun virinan infanon kiun ili 'lasu viva por vi'. Ŝajnas esti klare kio laŭ li okazu kun tiuj...

vidas vandenis:

NOM 31-17/18:
17 Kaj nun mortigu ĉiun virseksan infanon; kaj ĉiun virinon, kiu
ekkonis viron sur kuŝejo de viro, mortigu. 18 Sed ĉiun infanon
virinseksan, kiu ne ekkonis kuŝejon de viro, lasu viva por vi.

Sinjoro MIHIL, (verŝajne NIHIListo)! Vi citas Biblion? Sed vi mem ne kredas al ĝi kaj ĝiaj asertoj. Tial apogiĝi per bibliaj asertoj por vi estas simple nekorekte.

Mi ne apogiĝas per la cito, mi nur montras ke mi dubas pri boneco de la fonto de via kredo.

vidas vandenis:Eĉ hontinde. Des pli, vi citas nur fragmenton el konteksto.

Ĉu mi bone komprenas ke dependas de la kunteksto ĉu stupro estas permesinde aŭ ne? Kiu kunteksto ĉi tie mankas kiu povis justigi stupron?

vidas vandenis:Kial vi ne citas historion de naskiĝo de mem Moseo? Historion de naskiĝo kaj morto Jesuo Kristo?

Ĉar tiuj historoj ne rilatas al stupro, la temo de ĉi tiu fadeno.

vidas vandenis:Tiutempaj homoj havis iom malsimilan vidpunkton nek ni al vivo kaj moralo.

Mi samopinias ke moralon faras homoj, ne biblio, nek religio, nek dio. Kaj mi pensas ke stupro estas malbona, kiel espereble ankaŭ vi. Ke homoj tiuepoke eble ne tiel opiniis ĉiusituacie estis eraro, kaj kiel utilas via religio, se ĝi tiun evidentan moralon preterlasis instrui je ĉi tiu konvena okazo? Kial la historio ne rakontas ke la judoj estis punitaj pro siaj militokrimoj?

Eble mi estas malvarma homo, sed ĉie okazas (kaj ĉiam okazis) tiaj sensencaĵoj. La plej bonaj argumentoj kontraŭ la mortpuno estas ke: (1) oni neniam tute scias ĉu la akuzitoj ja faris la krimon, (2) la celo de la ŝtato estas antaŭhalti mortigon kaj certe puni ĝin kiam ĝi okazas, sed ne FARI ĝin, kaj (3) nur senpekulo rajtas apliki tian punon (krome, laŭ kristanoj, la senpekulo ne emis). Kiel ŝanĝas tion la grado de la krimo?

Vere kiun sencon havas diversaj (malliberejaj, monaj, mortaj, ...) punoj?

Miaopinie ili ne havu sencon de venĝo. Venĝemo ne ŝajnas al mi sento, kiu decidigu nin. Ili havu ĉefe sencon de malhelpo:

• ili celu antaŭmalhelpi, ke homo krimu, se tiu timas la punon
  
• ili celu malhelpi iun, kiu tamen krimis, fari pliajn krimojn ĝis adekvata resociigo kaj mensa resanigo

Por neniu el ambaŭ celoj la mortpuno estas bona ilo. Miaopinie, se iu faris krimon kutime puneblan per morto, kiel ekz. murdon, tiu devas jam havi mensan problemon kaj ne estos malhelpita pro ebla puno. Tiaj krimoj ja, male al ekzemple ŝtelado, malofte estas kaŭzitaj de la nura instinkto de postvivado, ne-malsatmortado ...

vidas vandenis:

cellus:Stupro estas seksumado kie forto, violenco estas uzata por ke la stupristo povu seksumi.

Kion oni scias pri la ses arestitaj stupristoj? Ĉu oni scias ion pri la socia medio el kiu ili venas?

Cellus

Laŭ mesaĝo de Demian 552 al mi klaras, ke medio kaj la vivkondiĉo de murdistoj estas sufiĉe normala, egala, eĉ pli bona nek de multo da homoj de Indujo. Mi jam suspektas, ke Cellus volas aludi malfacilan infanecon, junecon de la murdistoj.

Mi estis interesita pri la stupristoj kaj havis neniajn antaŭajn ideojn.

Intertempe mi aŭdis reportaĵon en la sveda radio, kie la ĵurnalisto parolis kun la familio de unu el la stupristoj, kaj montriĝis ke tiu homo estis bona junulo, kiu bone kondutis sin. Ŝajnas ke la kaŭzo de la agado estis ke ili drinkis tro multe da alkoholo.

Cetere la molestado de virinoj estas tre ĝenerala en Barato, speciale se la virtinoj estas malaltkastaj aŭ malriĉaj.

vidas vandenis:Verŝajne en liberejoj de USA ferias anĝeloj?

Mallibereja puno estas ĉesigebla kaj kompensebla, se okazis eraro. Mortpuno ne.

Cetere mi opinias, ke, se ni opinias, ke estas morale ne ĝuste mortigi homon, tiam tio devas validi por ĉiu homo. Socio ĉiam rajtas sin defendi, sed defendo implicas, ke uziĝas nur tiaj defendmanieroj, kiuj estas fakte necesaj, kaj ne pliaj. Alie ne temas pri defendo.

Ekzemple do ne estas malĝuste, kaj preskaŭ ĉie ne estas kontraŭleĝe, por individua persono uzi forton por defendi sin kontraŭ atako. Se ne eblas pli malforta defendo, eĉ mortigan.

En Brazilo, la ĝenerala societo konsentas kun mortpuno pro stupro, murdo, pedofilio ktp. sed mi ne konsentas tion. Mi pensas ke la ŝtato ne devas mortigi iun.