Skip to the content
Reply

Malsameco inter esti kaj farti

by kjbutler, July 14, 2013

Messages: 7

Language: Esperanto

kjbutler (User's profile) July 14, 2013, 2:50:32 PM

Ĉu ĉi tiuj vortoj same signifas? Ekzemple, devas mi diri "mi estas laca," "mi fartas laca," aŭ ĉu estas ambaŭ korektaj?

Oijos (User's profile) July 14, 2013, 3:27:40 PM

farti: Esti en bona aŭ malbona stato, rilate al la funkcioj de l' organismo: kiel vi fartas?

esti: 1. Ekzisti 2. Troviĝi 3. Havi tiun econ, havi tiun identecon, esti de tiu speco, kiun esprimas la predikativo 4. Stati (= fari aŭ ricevi agon) tiel, kiel esprimas la predikativa participo 5. Stati tiel, kiel esprimas la adverba predikativo (uzata en sensubjektaj frazoj por esprimi ies impreson)

Francestral (User's profile) July 14, 2013, 4:15:30 PM

Farti kaj esti ne estas samsignifaj. "Mi fartas bone" ne signifas "mi estas bone", sed signifas "mi estas sana".

"Mi estas laca" ja estas senerara.

Mi ne scias, ĉu ankaŭ "mi fartas laca" estas senerara. Mi neniam legis tia uzo de "farti". Mi nur legis "farti bone" kaj "farti malbone".

Chainy (User's profile) July 14, 2013, 4:47:58 PM

Francestral:"Mi estas laca" ja estas senerara.
Jes, sed mi sugestus uzi la vorton 'ĝusta' anstataŭ la iom nebelan 'senerara', se vi nepre volas eviti 'korekta'.

Francestral:
Mi ne scias, ĉu ankaŭ "mi fartas laca" estas senerara. Mi neniam legis tia uzo de "farti". Mi nur legis "farti bone" kaj "farti malbone".
Jes, vi pravas, ke ne estas ĝuste diri 'Mi fartas laca'.

Jen la ĝustaj variantoj:

Mi fartas bone = Al mi estas bone = Mi sentas min bone.

- sed mi pensas, ke estas malgranda nuanca diferenco inter 'farti' kaj 'senti sin', t.e. ke 'farti' temas pri ies ĝenerala stato lastatempe, dum 'senti sin' rilatas ĉefe al la nuna stato.

Chainy (User's profile) July 14, 2013, 4:54:25 PM

kjbutler: "mi estas laca,"
= Mi sentas min laca.

yyaann (User's profile) July 14, 2013, 6:25:37 PM

(Parenteze, mi ne taksas la vorton "senerara" malbela. Plie, ĝi ne efikas miskomprenige.)

pdenisowski (User's profile) July 20, 2013, 12:26:56 AM

Chainy:Mi fartas bone = Al mi estas bone = Mi sentas min bone.
Aŭ simple "Mi bonfartas". Analoge, oni povas diri "Mi lacas"

Amike,

Paul

Back to the top