Към съдържанието
Отговор

Malsameco inter esti kaj farti

от kjbutler, 14 юли 2013

Съобщения: 8

Език: Esperanto

kjbutler (Покажи профила) 14 юли 2013, 14:50:32

Ĉu ĉi tiuj vortoj same signifas? Ekzemple, devas mi diri "mi estas laca," "mi fartas laca," aŭ ĉu estas ambaŭ korektaj?

Oijos (Покажи профила) 14 юли 2013, 15:27:40

farti: Esti en bona aŭ malbona stato, rilate al la funkcioj de l' organismo: kiel vi fartas?

esti: 1. Ekzisti 2. Troviĝi 3. Havi tiun econ, havi tiun identecon, esti de tiu speco, kiun esprimas la predikativo 4. Stati (= fari aŭ ricevi agon) tiel, kiel esprimas la predikativa participo 5. Stati tiel, kiel esprimas la adverba predikativo (uzata en sensubjektaj frazoj por esprimi ies impreson)

Francestral (Покажи профила) 14 юли 2013, 16:15:30

Farti kaj esti ne estas samsignifaj. "Mi fartas bone" ne signifas "mi estas bone", sed signifas "mi estas sana".

"Mi estas laca" ja estas senerara.

Mi ne scias, ĉu ankaŭ "mi fartas laca" estas senerara. Mi neniam legis tia uzo de "farti". Mi nur legis "farti bone" kaj "farti malbone".

Chainy (Покажи профила) 14 юли 2013, 16:47:58

Francestral:"Mi estas laca" ja estas senerara.
Jes, sed mi sugestus uzi la vorton 'ĝusta' anstataŭ la iom nebelan 'senerara', se vi nepre volas eviti 'korekta'.

Francestral:
Mi ne scias, ĉu ankaŭ "mi fartas laca" estas senerara. Mi neniam legis tia uzo de "farti". Mi nur legis "farti bone" kaj "farti malbone".
Jes, vi pravas, ke ne estas ĝuste diri 'Mi fartas laca'.

Jen la ĝustaj variantoj:

Mi fartas bone = Al mi estas bone = Mi sentas min bone.

- sed mi pensas, ke estas malgranda nuanca diferenco inter 'farti' kaj 'senti sin', t.e. ke 'farti' temas pri ies ĝenerala stato lastatempe, dum 'senti sin' rilatas ĉefe al la nuna stato.

Chainy (Покажи профила) 14 юли 2013, 16:54:25

kjbutler: "mi estas laca,"
= Mi sentas min laca.

yyaann (Покажи профила) 14 юли 2013, 18:25:37

(Parenteze, mi ne taksas la vorton "senerara" malbela. Plie, ĝi ne efikas miskomprenige.)

vidas vandenis (Покажи профила) 14 юли 2013, 18:48:41

Mi pensas, ke se iu ulo fartas sana,li ne ĉiam estas sana.

pdenisowski (Покажи профила) 20 юли 2013, 00:26:56

Chainy:Mi fartas bone = Al mi estas bone = Mi sentas min bone.
Aŭ simple "Mi bonfartas". Analoge, oni povas diri "Mi lacas"

Amike,

Paul

Обратно нагоре