Al la enhavo
Respondi

Ĉu ni atingos "finan venkon"?

de LLZamenhofo, 2013-julio-26

Mesaĝoj: 21

Lingvo: Esperanto

LLZamenhofo (Montri la profilon) 2013-julio-26 13:21:22

Eble ne tuj, sed post 10, 100, 1 000, 10 000 jaroj. Mi voĉdonis NE.

raffadalbo (Montri la profilon) 2013-julio-26 14:49:32

Ho! Via demando ne estas la unua pri tiu temo (kiam la serĉilo funkcios, eblos trovi la unuan... ridulo.gif ).

Mi respondis "mi ne scias", sed mi ŝatus respondi: "laŭ mi ne gravas".

Kiam Kristoforo Kolombo marveturis direkte al Hindujo, li malkovris la Amerikon. Eble nia klopodado pri Esperanto ne kondukos nin al la fina venko sed al alia progreso. Tamen estos progreso: pli bona progreso ol rezigni al la nejusta stato de la internaciaj lingvoj.

Martinbr (Montri la profilon) 2013-julio-26 18:12:47

Mi resopndos "Mi ne scias". Por mi "venko" ne estas la plej grava afero. Laŭ mi plej gravas iom-post-ioma plidiskonigo kaj plidisvastigo, kaj bonŝance tio ja povas konduki al iaspeca "venko", kvankam eble nur post jarcentoj.

fajrkapo (Montri la profilon) 2013-julio-26 18:36:12

Martinbr:Mi resopndos "Mi ne scias". Por mi "venko" ne estas la plej grava afero. Laŭ mi plej gravas iom-post-ioma plidiskonigo kaj plidisvastigo, kaj bonŝance tio ja povas konduki al iaspeca "venko", kvankam eble nur post jarcentoj.
Jes, jam estas venko ke artefarita lingvo estas ankoraŭ tutmonde post 126 jaroj, kaj ĉiufoje pli kaj pli matura kun unu sufiĉe plena literaturo, kaj tute disvolvigita gramatiko, kursoj, vikipedio, ktp, sen ia apogo el iu nacio, ŝtato, aŭ lando (male, ĝi estis malhelpita pro ekonomiaj kialoj), nur per la intereso kaj la strebo de volontuloj.

LLZamenhofo (Montri la profilon) 2013-julio-26 19:26:37

Esperanto kiel lingvo certe sukcesis. Esperanto kiel ideo ankoraŭ ne.

codesito (Montri la profilon) 2013-julio-26 20:04:23

Mi kredas ke mi eĉ ne volas la finan venkon. Fina venko ankaŭ estos la fino de nia movado, mi estas komforta parolante ĉi tiun lingveton senespera, mi ne volas paroli ĝin kun la tuta mondo.

Altebrilas (Montri la profilon) 2013-julio-26 20:40:13

Fina venko = Venka fino! malgajo.gif

LLZamenhofo (Montri la profilon) 2013-julio-27 07:25:59

codesito:mi ne volas paroli ĝin kun la tuta mondo.
Sed komuna lingvo por la mondo estus utila aĵo? Se ne Esperanto do kiu alia lingvo?

codesito (Montri la profilon) 2013-julio-27 07:53:22

LLZamenhofo:
codesito:mi ne volas paroli ĝin kun la tuta mondo.
Sed komuna lingvo por la mondo estus utila aĵo? Se ne Esperanto do kiu alia lingvo?
Mi ne diras ke ne esperanto, mi diras ke ne estas mia problemo. Estas la mondo kiu havas la problemon pri komunikado ne mi, mi ja parolas kelkajn lingvojn kaj vojaĝas malmulte. Do se la mondo ne volas solvi sian problemon, mi ankaŭ ne.

Stefano888 (Montri la profilon) 2013-julio-27 14:58:08

Esperanto estas tre utila kiel pontlingvo inter parolantoj de multaj diversaj lingvoj. Mi ne komprenas kial la EU-registraro ne uzas ĝin anstataŭ dungi tiel multajn tradukistojn. El ĉiuj de la artefaritaj lingvoj, Esperanton uzas pli da personoj. Eble 400 jaroj de nun, la plejparto de la mondo uzos ĝin.

Reen al la supro