У садржају
Одговорити

Dufraza Novaĵo kaj Vetero el Via Vilaĝo

од eric_vandenburg, 25. август 2013.

Поруке: 46

Језик: Esperanto

eric_vandenburg (Погледати профил) 25. август 2013. 04.20.26

Kialo: Ludeto por ekzerci la skribadon, kaj lerni pri aliaj lokoj. Gramatikaj korektoj estas bonvenaj.

Metodo: Skribu unu koncizan frazon pri iu ajn novaĵero el via urbeto hodiaŭ, kaj skribu plian frazon pri la nuntempa vetero. ( kaj fotu la veteron, se oportune ).

Jene,
Hodiaŭ en Aŭklando, Novzelando, dimanĉon la 25-an de Aŭgusto 2013

Novaĵo: Plano por nova lernejo de helikoptera piloto ĉe Whenuapai flughaveno estas nuligita.

Vetero: Je la unua horo, posttagmeze, la malfrue vintra ĉialo estas nuba, venteta, kun iom da pluvetoj, kaj dek kvin gradoj celsiaj. foto
Aŭ io simpla, kiel:
Aŭklando

Novaĵo: Ŝafoj blekas.
Vetero: Iom da pluvo.

agarrido18 (Погледати профил) 25. август 2013. 05.51.20

Hodiaŭ en la urbo Valenzŭela, Filipinoj, la 25-an de Aŭgusto, 2013 (Dimanĉo)

La ĉi-subaj informaĵoj estas rilataj al vetero tie ĉi en Filipinoj, ĉar nun estas gravega afero la vetero; jen:

Novaĵo: Mortoj pro la pasinta musono, kiun kunportis la tifono nomita 'Maring', plimultiĝis al 21; sabate la nacia konsilataro por katastrofoj diris ke 30 estis vunditaj, dum 4 ankoraŭ mankas. La musono trafis pli ol 2 milionoj da popoloj en 35 urboj kaj urbetoj en la ĉefa insulo, Luzon.

Vetero: La suno nun jam brilas, espereble, tamen la ĉielo estas griza pro multaj nuboj, avertante pri ebla venonta pluvo.

eric_vandenburg (Погледати профил) 25. август 2013. 21.59.58

Aŭcklando, Novzelando. Lundo la 26-a de Aŭgusto, 2013.

Novaĵo: Sesdek fajrobrigadoj kontraŭbatalas fajregon en manĝaĵo pakita fabriko.

Vetero: Ĉi matene, la ĉielo estas trankvila sed nebula, kaj ĝi havas dek gradojn celsiajn. foto

eric_vandenburg (Погледати профил) 27. август 2013. 01.48.43

Aŭklando, Novzelando. Mardo la 27-a de Aŭgusto, 2013

Novaĵo: NZ Poŝta Korporacio Elportas Tridek Procenta Malplikariĝo da Profito Ĉijare. angla

Vetero: Ĉi tagmeze -- agrabla, okcidenta zefiro blovas, kaj la sun' brilas tra parte nuba ĉielo je 15 gradoj celsioj. Printempo ja venas. bildo

Mustelvulpo (Погледати профил) 27. август 2013. 13.02.44

Detroito, Miĉigano, Usono Mardo 27 aŭgusto 2013

Novajo- Laboro komencas pri la malkonstruado de pli ol 78,000 forlasitaj domoj en la urbo.

Vetero- Varma, nuba, iom da pluvo. Plej alta temperaturo estos 88 F. (31 C)

eric_vandenburg (Погледати профил) 28. август 2013. 07.30.42

Aŭklando, Novzelando. Merkredo la 28-a de Aŭgusto, 2013

Novaĵo: "Unu-Arba Monteto" baldaŭ povus akiri novan arbon. angla
Vetero: Je la vespera krepusko, la ĉielo estas trankvila, malvarmeta, kun iom da nuboj. aĉa foto

eric_vandenburg (Погледати профил) 28. август 2013. 22.23.30

Aŭklando, Novzelando. Ĵaŭdo la 29-a de Aŭgusto

Novaĵo: Laŭ la gazeto The Economist, Aŭklando rangas kiel la deka 'plej vivebla' urbo.
Vetero: Male al ĉi tiu novaĵero, hodiaŭ havas nenion sed fridan, mizeran pluvegon.

shmurk (Погледати профил) 29. август 2013. 08.54.55

Montmorency-o (urbo apud Parizo), Francio. Ĵaŭdon la 29-an tagon de Aŭgusto

Novaĵoj : Nenia novaĵo.

Vetero : Je tiu mateno, la ĉielo estas blua, ĝi havas kelkajn tre maldikajn nubojn. La temperaturo estas 17°C-a.

eric_vandenburg (Погледати профил) 29. август 2013. 10.45.21

shmurk:Montmorency-o (urbo apud Parizo), Francio. Ĵaŭdon la 29-an tagon de Aŭgusto

Novaĵoj : Nenia novaĵo.

Vetero : Je tiu mateno, la ĉielo estas blua, ĝi havas kelkajn tre maldikajn nubojn. La temperaturo estas 17°C-a.
Ah Francujo! Mi verŝajne neniam vidos ĝin. Ekzilite al eta, fore hemisfera lando, mi revas pri Eŭropo. Fakte, estas tial mi provas lerni Esperanton.

agarrido18 (Погледати профил) 29. август 2013. 11.24.33

Valenzŭelo, Filipinoj, la 29-a de Aŭgusto, 2013 (Ĵaudo)

Novaĵo: Janet Napoles, la cerbo malantaŭ de la plej granda priponaĵo en la lando nun, ĵus kapitulacis hieraŭ je 21:37 al la Prezidento de Filipinoj. Ŝi kaj ŝiaj kun-konspirantoj malversaciis 10 miliardojn da Filipinaj Pezoj (PhP) el la nacia kaso al trompaj neregistaraj organizaĵoj. Multe da politikistoj estas suspektataj pro fiuzi tiujn kasojn por siaj personaj interesoj.

Vetero: Ne plu pluvas, ĉar la musono kunportita de la pasintaj tifonoj 'Maring' kaj 'Nando' jam forfandis.

Вратите се горе