לתוכן העניינים
להגיב

En kiu ordo aperas lingohelpantoj?

של limako, 9 בספטמבר 2013

הודעות: 7

שפה: Esperanto

limako (הצגת פרופיל) 9 בספטמבר 2013, 21:04:00

Mi notas lastatempe ke mi ricevas multajn novajn studentojn kaj, ial, mi aperas unue en la listo de lingvohelpantoj. En kiu ordo estas tiu listo? Ĉu eble estus plej taŭge hazardigi la ordon de la listo? Aŭ prezenti ĝin per Veraj Nomoj™ anstataŭ uzantonomoj? Eble oni jam ie pridiskutis tion, sed mi ne trovis…

Chainy (הצגת פרופיל) 14 בספטמבר 2013, 06:06:41

Mi ne povas respondi vian demandon, sed se vi ricevas tro da mesaĝoj vi povas simple ŝanĝi vian staton en la lingvohelpantejo al 'malaktiva' por kelke da tempo.

erinja (הצגת פרופיל) 15 בספטמבר 2013, 13:20:50

Vi ankaŭ povas indiki en via profilo maksimuman kvanton de mesaĝoj -- ekzemple, ke ne pli ol 5 mesaĝoj samtempe estu en via kesto.

limako (הצגת פרופיל) 15 בספטמבר 2013, 22:20:48

Jes, mi komprenas pri la eblecoj pri la nuna sistemo, sed, eble ĉar mi estas mem programisto, mi scivolas pri la programa tavolo. Mi scivolas precipe pri la ordo de la lingvohelpantoj: ĉu oni pripensis la ordon kaj ordigis ilin pro iu kialo? Kaj ĉu eble indas ordigi la liston aliiel. Ĉu eblas pridiskuti tion?

pbrewer (הצגת פרופיל) 15 בספטמבר 2013, 22:29:01

Mi konjektas, ke limako demandis pri ĉi tio, ĉar mi estas nova lingvohelpanto dum semajno, sed ricevis neniom da lecionoj de studentoj. Samtempe, li ricevis multe.

Eble, per la ordo de la lingvohelpantoj, oni povus ebenigi la laborkvanton.

limako (הצגת פרופיל) 16 בספטמבר 2013, 01:39:44

Por klarigi, mi ricevis 33 lecionojn dum la pasinta semajno. Kaj ankoraŭ ne estas la noktomezo. Mi ricevis jam 11 nur hodiaŭ.

ruth3209 (הצגת פרופיל) 5 ביוני 2014, 14:45:41

Pasintsemajne, ankaŭ mi ricevis grandan nombron da mesaĝoj (ĝis 10 en unu tago!). Post kiam mi malaktivigis mian konton dum tri tagoj pro ferio, la nombro kaj frekvenco da mesaĝoj malpliiĝis. Mi suspektas, ke lernantoj elektas lingvohelpantojn laŭ iliaj respondotempoj, kiuj videblas en la listo. Do, ju pli rapide vi respondas, des pli multe viaj mesaĝoj.

לראש הדף