Mergi la conținut
Răspunde

En kiu ordo aperas lingohelpantoj?

de limako, 9 septembrie 2013

Contribuții/Mesaje: 7

Limbă: Esperanto

limako (Arată profil) 9 septembrie 2013, 21:04:00

Mi notas lastatempe ke mi ricevas multajn novajn studentojn kaj, ial, mi aperas unue en la listo de lingvohelpantoj. En kiu ordo estas tiu listo? Ĉu eble estus plej taŭge hazardigi la ordon de la listo? Aŭ prezenti ĝin per Veraj Nomoj™ anstataŭ uzantonomoj? Eble oni jam ie pridiskutis tion, sed mi ne trovis…

Chainy (Arată profil) 14 septembrie 2013, 06:06:41

Mi ne povas respondi vian demandon, sed se vi ricevas tro da mesaĝoj vi povas simple ŝanĝi vian staton en la lingvohelpantejo al 'malaktiva' por kelke da tempo.

erinja (Arată profil) 15 septembrie 2013, 13:20:50

Vi ankaŭ povas indiki en via profilo maksimuman kvanton de mesaĝoj -- ekzemple, ke ne pli ol 5 mesaĝoj samtempe estu en via kesto.

limako (Arată profil) 15 septembrie 2013, 22:20:48

Jes, mi komprenas pri la eblecoj pri la nuna sistemo, sed, eble ĉar mi estas mem programisto, mi scivolas pri la programa tavolo. Mi scivolas precipe pri la ordo de la lingvohelpantoj: ĉu oni pripensis la ordon kaj ordigis ilin pro iu kialo? Kaj ĉu eble indas ordigi la liston aliiel. Ĉu eblas pridiskuti tion?

pbrewer (Arată profil) 15 septembrie 2013, 22:29:01

Mi konjektas, ke limako demandis pri ĉi tio, ĉar mi estas nova lingvohelpanto dum semajno, sed ricevis neniom da lecionoj de studentoj. Samtempe, li ricevis multe.

Eble, per la ordo de la lingvohelpantoj, oni povus ebenigi la laborkvanton.

limako (Arată profil) 16 septembrie 2013, 01:39:44

Por klarigi, mi ricevis 33 lecionojn dum la pasinta semajno. Kaj ankoraŭ ne estas la noktomezo. Mi ricevis jam 11 nur hodiaŭ.

ruth3209 (Arată profil) 5 iunie 2014, 14:45:41

Pasintsemajne, ankaŭ mi ricevis grandan nombron da mesaĝoj (ĝis 10 en unu tago!). Post kiam mi malaktivigis mian konton dum tri tagoj pro ferio, la nombro kaj frekvenco da mesaĝoj malpliiĝis. Mi suspektas, ke lernantoj elektas lingvohelpantojn laŭ iliaj respondotempoj, kiuj videblas en la listo. Do, ju pli rapide vi respondas, des pli multe viaj mesaĝoj.

Înapoi mai sus