إلى المحتويات
رد

Negroj

من Nile, 29 أكتوبر، 2013

المشاركات: 10

لغة: Esperanto

Nile (عرض الملف الشخصي) 29 أكتوبر، 2013 4:48:32 ص

En mia lando, personoj kiu devenas de afrikanaj prauloj nomiĝas "black" aŭ "black people".
En Esperanto, "black" laŭlitera signifas "nigra", kaj "people" estas "personoj".

En Usono, la vorto "negro" estis la norma vorto por tiuj personoj, sed nun estas antikvamoda kaj povas esti ofensiva.
Nu, Esperanto estis kreata en la deknaŭa jarcento. Ĝia vorto por tiuj personoj estas "negro".

Mi demandos: Kio afrikanojn ni devas nomi?

Tjeri (عرض الملف الشخصي) 29 أكتوبر، 2013 5:54:50 ص

Afrikanoj

Terran (عرض الملف الشخصي) 29 أكتوبر، 2013 6:37:05 ص

Mi supozas ke vi parolas pri homoj de Afrika deveno, kiuj ne persone el Afriko. Vi povas simple esti priskriba (helbruna, malhelbruna, ktp).

sudanglo (عرض الملف الشخصي) 29 أكتوبر، 2013 10:36:46 ص

Vi ankaŭ povus diri 'nigrulo'. Sed ĉu tio estas malpli aŭ pli ofenda ol 'negro' mi ne scius. Mi ne ofendiĝus se iu nomus min blankulo. Alia ebleco estas nigra-haŭtulo.

Plej neutrala eble estus 'afrikdevena usonano'. Eĉ vi povus experimenti per 'afro-amerikano', ĉar tiel oni diras en via lando, laŭ mia kompreno, por paroli ĝentile.

Ĝenerale ne estas malestimaj vortoj en Esperanto por personoj de certa raso aŭ origino.

Kontraste en la angla estas (ekz.) almenaŭ 4 malestimaj esprimoj por germanoj - jerry, kraut, hun, bosch.

Iam oni kritikis min ĉar mi uzis la esprimon 'fremduloj' por paroli pri alilandanoj, sed mi persone ne trovas la vorton ofenda.

Efike insulti iun en Esperanto estas arto. Ni ne havas grandan stokon da malestimaj vortoj.

fajrkapo (عرض الملف الشخصي) 29 أكتوبر، 2013 11:01:39 ص

Tjeri:Afrikanoj
Afrikidoj ridulo.gif, (por uzi alian vorton ke ne estu afrikanoj, ĉar ne ĉiuj nunaj afrikanoj estas nigrahaŭtaj, sed idoj de Afriko ŝajnas ke jes).

Nile (عرض الملف الشخصي) 29 أكتوبر، 2013 1:50:23 م

Lerta, fajrkapo! Mi ŝatas vian vorton.

fajrkapo (عرض الملف الشخصي) 29 أكتوبر، 2013 3:12:46 م

Nile:Lerta, fajrkapo! Mi ŝatas vian vorton.
ridulo.gif dankon

erinja (عرض الملف الشخصي) 29 أكتوبر، 2013 4:43:31 م

Neniu en moderna Esperantujo uzas la vorton "negro", laŭ mia sperto. La uzata vorto estas "nigrulo".

"afrikidoj" vere ne funkcias; ankaŭ blankulo kiu naskiĝis en Afriko estas afrikano, kaj se blankulo havas gepatrojn kiuj naskiĝis en Afriko, tiu blankulo ankaŭ estas "afrikido".

.... por ne diri la memevidentan aferon, ke ĉiuj en la mondo, la tuta homaro, teknike estas afrikidoj.

asdfghjk (عرض الملف الشخصي) 5 نوفمبر، 2013 7:23:02 م

Nigrulo aŭ afrikulo. Mi ne kredas, ke nomi al iu afrikulon ne estas rasista, ĉar tiel estas liaj/ŝiaj haŭta koloro. Nomi al iu blankulon ne estas rasista, tiam, kial, kiam oni nomas al iu nigrulon povas esti ĝi? Pensi, ke pro nomi al iu nigrulon vi estas rasista estas stunta afero. Fakte, pensi ĝin certe povus esti iom rasista, ĉar ĝi estas, kiel se vi pensus, ke diri al iu tion estas mokinsulti aŭ malsuperigi. Se mi estus nigra, ke iu dirus al mi nigrulon ne gravus al mi

cxevino (عرض الملف الشخصي) 5 نوفمبر، 2013 9:31:21 م

Nigruloj estas ne nur en Afriko (ankaŭ en Hindio, Oceanio...) kaj ne ĉiuj afrikanoj estas nigruloj (ekz. araboj, berberoj...)

Ĉi tie en Brazilo, Pernambuco, kiam oni priparolas iun ajn per "negro", tio estas ĝenerale rasiste aŭ almenaŭ malafable, sed se oni alparolas lin (ankaŭ blankulon) tiel, per formo "nego" (sen la r), estas tute male ameme.

Oni adoptis en Brazilo la usonan "pozitivan diskriminacion", tiel ke nigrulo povas eniri universitaton laŭprocente. Ĉar rasismo estas krimo, oni devas atendi ke la profitulo sin deklaru nigra (eĉ se li blankhaŭtas!)...

عودة للاعلى