Andreo Jankovskij:Li renkontiĝis kun Putin, ricevis de Moskvo monon por pro-moskva agado... Medvedĉuk preparis buldozon kaj provis ataki policon....Oni filmis kiel buldozo provas forigi iom da policanoj, barintajn la straton... Kaj tiu malgranda akcidento devis doni permeson al Janukoviĉ forigi homojn el Placo de Sendependeco...

Nu jes, Janukoviĉ mem sendis la policon, poste mem atakis la policon per buldozo, kaj poste mem ja punis la policon.
Verŝajne li mem organizis kaj la tutan Majdanon, ĉu? Kaj je ĉio tio kompreneble kulpas Moskvo, kiel kutime.

Andreo Jankovskij:...kiun Rusio malmultekoste aĉetas de Kazaĥio kaj poste revendas al Ukrainio kontraŭ altega prezo (antaŭe ni rekte aĉetis gason de Kazaĥio kaj ĉio estis perfekte)

Ĉiu sendependa lando ĉiam zorgas pri siaj propraj interesoj. Krom Rusio, kiu, laŭ vi, devas cedi sian monon al Ukrainio. Vi ja estas sendependaj, do zorgu mem pri viaj gazprezoj, kaj ni zorgos pri la niaj.

Kaj ne forgesu, ke tiun aferon kun altegaj gazprezoj aranĝis neniu alia, sed Timoŝenko, kiu pro tio estas prizonigita de Janukoviĉ (tiun prizonigadon Rusio malaprobis, se vi memoras). Kial la majdananoj postulas ŝin liberigi -- por ke ŝi povu altigi la prezojn eĉ pli? Aŭ simple ĉar iliaj eŭropaj majstroj tion postulas?

Andreo Jankovskij:
, aŭ tiuj fi-ideoj de sklaveco Ĉu iu ruso aŭ eĉ iu altpostena ruso vere pensas ke mi, ekzemple Andreo, estas iusence sklavo de Janukoviĉ, aŭ de iu Moskva opinio, aŭ ne donu Dio de Putino?!? )))

Kiam mi pensas pri sklaveco, mi ĉiam rememoras ne pri Putin, sed pri senrajtaj ukrainaj gastaj laboristoj en Rusio kaj en Eŭropo.

Jen miaj pensoj pri la afero.
Vi ukrainanoj plu estas ege naivaj kaj trompeblaj, ĝuste kiel sovetiaj homoj en la tempo de la disfalo de Sovetunio.

Rememoru, Ukraina Respubliko en la finaj tagoj de Sovetunio estis unu el la plej progresigitaj partoj de la lando. Ĝi havis fortan industrion kaj popolon kiu nombriĝis je pli ol 52 milionoj da homoj.
Oni diris al vi, ke vi povus vivi multe pli bone, ĉar tutan vian produktaĵon senpage forprenas la rusaj "moskaloj". Kaj se vi liberiĝus de la pigraj kaj ebriaj moskaloj, vi tuj ekvivus tiel bone kiel homoj vivas en Francio kaj Germanio. Kaj jen, la Sovetunio disfalis, vi ricevis liberon kaj iĝis sendependa lando.

Nun via pokapa MEP estas triono de la rusia. Simila estas la situacio pri vivnivelo. La popolnombro malkreskis ĝis 45 milionoj da homoj, minus 7 milionoj! En Rusio la popolnombro ankaŭ malkreskis, sed nur je 5 milionoj (de 148 milionoj ĝis 143 milionoj), kaj nun estas kreskanta. En Ukrainio la malkresko daŭras plu, vi simple estas perdantaj vian popolon.
Jes, vi diros, ke en Rusio estas multe da nafto kaj gazo. Bone, sed kial vi ukrainanoj preferis ilin aĉeti de ni, sed ne vendi kune kun ni, estante unu granda lando? Ja nur kelkaj rusiaj regionoj estas riĉaj de nafto, sed la profiton de tio ricevas ĉiuj rusianoj. Se vi restis kun ni, via vivnivelo sendube estus ne pli malbona ol nia. Ĝi estus eĉ pli bona, kaj la vivnivelo de ĉiuj rusianoj ankaŭ estus pli bona ol la nuna, ĉar granda forta lando havas pli da eblecoj defendi siajn interesojn, ol du malpli grandaj kaj malpli fortaj.
Ĉu vi havas pli da libero ol la rusianoj havas? Mi ne scias, kiajn liberojn havas vi ukrainano sed ne havas mi rusiano. Diru al mi, se vi scias tion.

Do, ĉu vi estis trompitaj pri la profito de via sendependiĝo? Laŭ mi, evidente ke jes.

Nu bone, oni diris al vi ke je ĉio tio kulpas fiaj politikistoj ŝtelintaj potencon de la popolo. Bone, vi okazigis surstratan ribelegon kaj aranĝis la Oranĝan Revolucion por forpeli fipolitikistojn kaj enpostigi "verajn demokratiistojn" subtenatajn de la Okcidento.

Per kio ĉio finiĝis? "La veraj demokratiistoj" regis la landon tiom malbone, ke post kelkaj jaroj ili tute perdis sian popularecon. Vi denove reelektis ĝuste tiun "fipolitikiston" Janukoviĉ'on, kiun vi tiom pompe forpelis dum la tagoj de la Oranĝa Revolucio.

Ĉu la Oranĝa Revolucio estis granda trompo de la popolo? Laŭ mi, evidente ke jes.

Nun vi denove ribeladas surstrate, tute ne kompranante, kion vi deziras. Ĉu vi deziras iri en EU'n, kaj veturi Eŭropen sen vizoj? Pri tio tute ne temas, senvizan veturadon vi ne ricevos. Ĉu vi deziras ankoraŭfoje forpeli Janukoviĉ'on? Sed per kiu lin anstataŭigi? Vi ne scias, ĉar vi malrespektas ankaŭ la opozicion.

Do laŭ mi nun vi ribelas por ke Santa Klaus venu kaj solvu viajn problemojn. Sed anstataŭ tio via lando estas krevonta je du partoj.
Jen pri kio vi devus zorgi

Dankon pro via opinio Fuzzy!

Kaj ĉu vi pensas ke Janukoviĉ estas vere bona elekto por Ukrainio?

Por kiom da jaroj vi ŝatus ke tiu ulo estu prezidanto de Ukrainio?

Kaj ĉu vi pensas ke Rusio estas tiom bon-eg-eg-eg-a lando, ke de ĝi ni ege pli lernos ol de malamika EU? )))

--------------------------------------

+ Kelkaj rimarkoj.

Vivo apud/kun rusaj diktatoroj estis ĉiam malfeliĉa por Ukrainio, konstantaj militoj pro Ukraina tereno, ĉiu 10 loĝanto de okcidenta Ukrainio estis sendita al Siberio, miloj da homoj mortis pro malsato, kaj fine la plej prospera parto de Moskva Unio en 1991 j. havis minimuman salajron 1 dolaro, kaj en nacia trezorejo estis 0 dolaroj. Sed la plej malĝoje estis vidi en 1991 j. malsanan kaj preskaŭ nemoviĝantan socion.

Pri resursoj: mi ne pensas ke Rusio havas multe da gaso kaj nafto, kaj verdire en la mondo ankaŭ ne estas multe da tiu resurso, do post kelkdek jaroj oni komencos foriri de nafto-kaj-gaso-brulado. Por Ukrainio estus bone aĉeti resursojn de diversajn landoj por ke ne plu estu politika ŝantaĝo. Do ni faru ĝuste tiel kiel oni faras en aliaj eŭropaj landoj.

Pri demokratio: Mi pensas ke en demokratiaj landoj homoj ne sidas longe po 20-40 j. sur la trono. Ja en demokratiaj landoj estas veraj reelektoj, forestas uzurpo-korupto-postenoj, kaj ĉio ŝanĝiĝas, kaj ĉio travideblas, kaj ĉio evoluas. Sinjoro Janukoviĉ ricevante monon de Moskvo, bone komprenas ke lin vere malbone pritaksos la popolo dum sekvaj reelektoj: kaj verer neniu 10-20% aldonaĵo al salajro de burokratoj, kaj neniu kavanto da elpensitaj malamikoj, kaj neniu kvanto de reklamiloj - savos lin dum tiu nigra tago.

Kaj tiuj bonegaj vortoj: libero, honesto kaj respekto por mi estas ege-ege-ege pli grava ol iu mono de Putino kun altrudaĉo de putinaj politikaj interesoj.

P.S. Mi tre ŝatas vivi en aktiva socio, kie multegaj homoj partoprenas en kreado de komuna estonteco.

Andreo Jankovskij:Dankon pro via opinio Fuzzy!
Kaj ĉu vi pensas ke Janukoviĉ estas vere bona elekto por Ukrainio?

Mi ne scias, kaj tio ne estas mia afero, elekti ukrainan estron.
Mi nur scias ke li estas laŭleĝe elektita prezidanto, do la plejmulto de la ukrainanoj decidis ke li pli taŭgas ol la aliaj.

Andreo Jankovskij:
Por kiom da jaroj vi ŝatus ke tiu ulo estu prezidanto de Ukrainio?

Por sia plena prezidanto periodo, kaj poste lin anstataŭigu alia laŭleĝe elektita persono.
Al mi pleje plaĉus ke en Ukrainio regu leĝoj, sed ne kelkaj miloj da sovaĝuloj surstrate, kiuj trudas sian stultan vidpunkton al la tuta nacio. Ja ne estas demokratio tio, kiam pravas tiu, kiu plej laŭte kriaĉas.

Andreo Jankovskij:
Kaj ĉu vi pensas ke Rusio estas tiom bon-eg-eg-eg-a lando, ke de ĝi ni ege pli lernos ol de malamika EU? )))

Jes, mi pensas ke Rusio estas bonega lando. Mi ŝatas vivi en ĝi.

Tion, kion Ukrainio povas lerni de ĝi, estas tio, ke Rusio estas la sola vera amiko de Ukrainio.

Vidu mem, por savi vian landon de bankrotiĝo Janukoviĉ almozpetegis ĉiujn, kaj EU'n, kaj eĉ Ĉinion. Sed kion li ricevis? Nur vortojn. Belajn vortojn pri libero, demokratio, la eŭropaj moralaj valoraĵoj. Eĉ pri solidareco. Sed la monon donis neniu.

Krom unusola Rusio, kiu diris malmulte da bonegaj vortoj, sed donis monon, multege da mono, 15 miliardoj dolaroj, kaj ankaŭ gazprezan rabaton, grandan rabaton, nun via gazprezo estas malpli granda ol la germana. Via premiero Azarov diris ke sen tio Ukrainio estus tuj bankrotiĝonta.
Kaj Rusio ne postulas de Ukrainio malaltigi salajrojn kaj plialtigi prezojn por la loĝantaro (ankaŭ por vi persone, Andreo, se vi mem loĝas en Ukrainio), kiel tion postulas de Ukrainio IMF.

Sed tiu novaĵo tre kolerigas la Majdanon! Kial? Ĉu la estroj de la opozicio dezirus ke Ukrainio bankrotiĝu?

Sed por vi ja vortoj signifas pli multe, ol materiaj aferoj...

Andreo Jankovskij:
Vivo apud/kun rusaj diktatoroj estis ĉiam malfeliĉa por Ukrainio, konstantaj militoj pro Ukraina tereno, ĉiu 10 loĝanto de okcidenta Ukrainio estis sendita al Siberio, miloj da homoj mortis pro malsato

Kaj ne forgesu ke unu el la maldemokrataj rusaj diktatoroj estis ukrainano Ĥruŝĉov, kiu estis tiom sangavida, ke donacis al Ukrainio tutan regionon Krimeon, jen kia krualaĵo! Ĉu vi ne deziras ĵeti en la vizaĝon de la lasta rusa diktatoro Putin tiun fidonacon kaj redoni Krimeon al Rusio?

Andreo Jankovskij:
kaj fine la plej prospera parto de Moskva Unio en 1991 j. havis minimuman salajron 1 dolaro, kaj en nacia trezorejo estis 0 dolaroj. Sed la plej malĝoje estis vidi en 1991 j. malsanan kaj preskaŭ nemoviĝantan socion.

Jes, tio estis tre malfacila tempo ne nur por Ukrainio, sed por la tuta lando. Disfalo de lando ĉiam tute ne estas feliĉa tempo...
Sed -- ĉu vi vivis per 1 dolaro por monato, sed plej malĝoje por vi estis vidi nenian tumulton surstrate? Do vi preferus morti pro malsato dum revolucio, ol vivi longe, sed en "preskaŭ nemoviĝanta socio"?
Tio bone klarigas, kial dum regado de kruelaj rusaj diktatoroj popolnombro de ukrainanoj konstante plimultiĝis, sed tuj post la sendependiĝo la popolnombro ekis senĉesan malkreskon -- kiam vi ricevis liberon, vi anstataŭ trankvile vivi preferas firibeladi mizeriĝante kaj formortante.

Andreo Jankovskij:
Pri resursoj: mi ne pensas ke Rusio havas multe da gaso kaj nafto

Hmm, tio veras, sed en tiu kazo mi ne komprenas kiel vi klarigas al vi mem, kial Rusio prosperas tiom pli bone ol Ukrainio? Ja en Rusio laŭ vi mankas libero kaj demokratio, kiuj laŭ vi estas tre necesaj por prosperigado de lando? Se ne nafto kaj gazo, do kio estas la kialo?

Andreo Jankovskij:
Por Ukrainio estus bone aĉeti resursojn de diversajn landoj por ke ne plu estu politika ŝantaĝo. Do ni faru ĝuste tiel kiel oni faras en aliaj eŭropaj landoj.

Ĝuste tiel, kiel oni faras ekzemple en Grekujo? Kaj kiel eblas iĝi pli riĉa, elspezante pli multe da mono?

Andreo Jankovskij:
...
Kaj tiuj bonegaj vortoj: libero, honesto kaj respekto por mi estas ege-ege-ege pli grava ol iu mono de Putino kun altrudaĉo de putinaj politikaj interesoj.

Jen tio estas laŭ mi la ĉefa kialo, kial ukrainanoj multnombre vagadas ekster sia propra lando serĉante eĉ plej mizerajn vivrimedojn. Vi opinias abstraktaĵojn pli gravaj ol materiaĵoj...
Pro tio fiaskis kaj Sovetunio, kiu faris ĉion por feliĉo de abstrakta "tutmonda laborista frataro", kaj samtempe mizerigis sian propran loĝantaron...

Fuzzy:

Andreo Jankovskij:Dankon pro via opinio Fuzzy!
Kaj ĉu vi pensas ke Janukoviĉ estas vere bona elekto por Ukrainio?

Mi ne scias, kaj tio ne estas mia afero, elekti ukrainan estron.
Mi nur scias ke li estas laŭleĝe elektita prezidanto, do la plejmulto de la ukrainanoj decidis ke li pli taŭgas ol la aliaj.

Andreo Jankovskij:
Por kiom da jaroj vi ŝatus ke tiu ulo estu prezidanto de Ukrainio?

Por sia plena prezidanto periodo, kaj poste lin anstataŭigu alia laŭleĝe elektita persono.
Al mi pleje ŝatus ke en Ukrainio regu leĝoj, sed ne kelkaj miloj da sovaĝuloj surstrate, kiuj trudas sian stultan vidpunkton al la tuta nacio. Ja ne estas demokratio tio, kiam pravas tiu, kiu plej laŭte kriaĉas.

Laŭ mia opinio demokratia popolo rajtas ribeli se elektita prezidanto fuŝegas kaj pli bona alternativo ekzistas. Do kun la celo ke okazu novaj balotoj. Alikaze ja ne estus demokratio sed prezidanta diktaturo. Mi ne scias ĉu la plejmultaj Ukrainoj vere dezirus alian prezidanton. Sed ankaŭ tio plej facile eltroveblas per demokratiaj balotoj.

Fuzzy:Tion, kion Ukrainio povas lerni de ĝi, estas tio, ke Rusio estas la sola vera amiko de Ukrainio.

Ŝtatoj ne havas amikojn, ŝtatoj havas interesojn. Pri Ukrainio kaj EU kaj Rusio havas sendube ekonomikajn interesojn.
Se ankaŭ por la Ukrainoj nur gravus ekonomiko ili laŭ mia opinio apenaŭ havus kialon por ribeli. Mi opinias ke Janukoviĉ tre ruze agas per paroli kaj kun EU kaj kun Rusio. Se ne estus la ribelantoj estus tute certa ke gajnus tiu kiu pagas/promesas pli al Ukrainio. Kaj pro la konkurenco unu flanko eble eĉ pagus pli ol sen la konkurenco.

Fuzzy:Vidu mem, por savi vian landon de bankrotiĝo Janukoviĉ almozpetegis ĉiujn, kaj EU'n, kaj eĉ Ĉinion. Sed kion li ricevis? Nur vortojn. Belajn vortojn pri libero, demokratio, la eŭropaj moralaj valoraĵoj. Eĉ pri solidareco. Sed la monon donis neniu.

Kompreneble tiun tekston oni skribis en Rusio.
Janukoviĉ kaj ĉefministro ĉiam parolis pri kresko de ekonomio kaj nivelo de vivo en Ukrainio, sed post ilia subaĉeto oni komencis deklari ke ili estas idiotoj, kaj nun la lando vere iris al bankrotiĝo... ))) Tre amuze, ĉu ne?

Mi malamegas kiam Moskvo subaĉetas ukrainajn burokratojn. Kaj venis taŭga preteksto momento por fini tiun fiaferon.

Fuzzy:Kaj ne forgesu ke unu el la maldemokrataj rusaj diktatoroj estis ukrainano Ĥruŝĉov, kiu estis tiom sangavida, ke donacis al Ukrainio tutan regionon Krimeon, jen kia krualaĵo! Ĉu vi ne deziras ĵeti en la vizaĝon de la lasta rusa diktatoro Putin tiun fidonacon kaj redoni Krimeon al Rusio?

Kaj ne forgesu ke Rusio estas iama donaco de Volodimir Velikij.

Fuzzy:sed en tiu kazo mi ne komprenas kiel vi klarigas al vi mem, kial Rusio prosperas tiom pli bone ol Ukrainio?

Eĉ se nivelo de vivo en Rusio estos 10 foje pli alta ol nun, mi persone ne prenos de ĝi ekzemplon. Ja absolutaj ciferoj ne tiel gravas kiel tendencoj (ekz. kvanto da jaroj sen veraj elektoj, aŭ ekonomia kaj aliaj liberecoj). Se paroli pri Ukrainio, do sufiĉos ke Ukrainio diversflanke kresku je 0,1 (aŭ 1) % jare, kaj ke la sekva generacio vivu en pli demokratia, libera, ekologia, malfermita, prospera... lando. Tio vere sufiĉos.

Kaj dum sekvaj ~ 10-15 jaroj de alproksimiĝo de Ukrainio al EU kaj regado de Putin en Rusio mi ne kredas ke Rusio estos amiko de Ukrainio - mi eĉ pensas male.

Sunjo:Laŭ mia opinio demokratia popolo rajtas ribeli se elektita prezidanto fuŝegas kaj pli bona alternativo ekzistas. Do kun la celo ke okazu novaj balotoj. Alikaze ja ne estus demokratio sed prezidanta diktaturo. Mi ne scias ĉu la plejmultaj Ukrainoj vere dezirus alian prezidanton. Sed ankaŭ tio plej facile eltroveblas per demokratiaj balotoj.

Mi tute konsentas.
Kaj laŭ sociaj esploroj plajparte ukrainoj subtenas EU, kaj Dogana Unieto de Moskvo tute ne estas populara.

Bildoj:
Kliĉko
Janukoviĉ + Putin

Sunjo:Laŭ mia opinio demokratia popolo rajtas ribeli se elektita prezidanto fuŝegas kaj pli bona alternativo ekzistas. Do kun la celo ke okazu novaj balotoj. Alikaze ja ne estus demokratio sed prezidanta diktaturo. Mi ne scias ĉu la plejmultaj Ukrainoj vere dezirus alian prezidanton. Sed ankaŭ tio plej facile eltroveblas per demokratiaj balotoj.

Vidu, ke Ukrainio ne estas solida lando. Ĝi konsistas el du tre malsamaj partoj havantaj tre malsamajn interesojn. Do ĉiu ajn prezidanto ĉiukaze "fuŝegus" laŭ vidpunkto de unu el la partoj.
Se ukrainanoj deziras savi sian landon de disfalo kaj eventuala civita milito, ili plej bone klopodu akuratege sekvi demokratiajn procedurojn, por ne rompi la balancon.

Mi komprenus la ribelon, se Janukoviĉ rompus leĝon, dispelus la parlamenton ktp. Sed li faras nenion kontraŭleĝan. Li tute rajtas subskribi ian ajn kontrakton kun EU aŭ kun Rusio. Se la popolo vere volus lin elpostenigi, por tio ekzistas la parlamento, ĉu ne? Sed la parlamento demisiigis nek Janukoviĉ'on, nek lian premieron.

Sunjo:

Fuzzy:Tion, kion Ukrainio povas lerni de ĝi, estas tio, ke Rusio estas la sola vera amiko de Ukrainio.

Ŝtatoj ne havas amikojn, ŝtatoj havas interesojn.

Hmm, kiam Germanujo estis dividita je du landoj, ĉu unu el la landoj rigardis la alian konsiderante nur siajn proprajn interesojn, tute sen amikaj sentoj?

Verdire, mi ne komprenas, por kio Putin donis la monon al Ukrainio, se ne pro pura amikeco kaj kompato al la mizera ukraina popolo. La populareco de Putin verŝajne malaltiĝos post tiu ago. Ja Ukrainio havas nenion valoran, preskaŭ ĉio tie jam estas eluzita kaj ruinigita.
EU ja konsentas preni Ukrainion nur tute senpage. Eĉ ne preni, sed nur malfermi al si la ukrainan merkaton. Kaj eĉ por tio la eŭropanoj ne pretas pagi.

Sunjo:Pri Ukrainio kaj EU kaj Rusio havas sendube ekonomikajn interesojn.
Se ankaŭ por la Ukrainoj nur gravus ekonomiko ili laŭ mia opinio apenaŭ havus kialon por ribeli. Mi opinias ke Janukoviĉ tre ruze agas per paroli kaj kun EU kaj kun Rusio. Se ne estus la ribelantoj estus tute certa ke gajnus tiu kiu pagas/promesas pli al Ukrainio. Kaj pro la konkurenco unu flanko eble eĉ pagus pli ol sen la konkurenco.

Jes, Janukoviĉ estas granda ruzulo. Nu, ni vidos, ĉu li superruzis Putin'on, aŭ ne.

Andreo Jankovskij:Janukoviĉ kaj ĉefministro ĉiam parolis pri kresko de ekonomio kaj nivelo de vivo en Ukrainio, sed post ilia subaĉeto oni komencis deklari ke ili estas idiotoj, kaj nun la lando vere iris al bankrotiĝo... ))) Tre amuze, ĉu ne?

Jes, ŝajne Janukoviĉ ne atendis ke la eŭropanoj vere intencas doni neniom da mono. Kaj dum jaroj li propagandis Eŭropon inter la ukrainanoj. Kaj vi ekkredis kompreneble. Nun estas doloroza postebrio.

Andreo Jankovskij:Mi malamegas kiam Moskvo subaĉetas ukrainajn burokratojn. Kaj venis taŭga preteksto momento por fini tiun fiaferon.

Ĉu vi certas ke nome Moskvo subaĉetis Janukoviĉ'on, sed ne male? Kiel Janukoviĉ sukcesis finfine konvinki Putin'on doni tiom multege da mono? Tuta Ukrainio tiom ne valoras -- demandu la eŭropanojn, ili tion konfirmos.

Andreo Jankovskij:Kaj ne forgesu ke Rusio estas iama donaco de Volodimir Velikij.

Pri kiu temas, ĉu pri tiu? Li regis en la tempo, kiam ukrainanoj kaj rusoj estis unu rusa popolo. Do pri kiu donaco temas, donaco de kiu al kiu?

Andreo Jankovskij:Eĉ se nivelo de vivo en Rusio estos 10 foje pli alta ol nun, mi persone ne prenos de ĝi ekzemplon. Ja absolutaj ciferoj ne tiel gravas kiel tendencoj (ekz. kvanto da jaroj sen veraj elektoj, aŭ ekonomia kaj aliaj liberecoj). Se paroli pri Ukrainio, do sufiĉos ke Ukrainio diversflanke kresku je 0,1 (aŭ 1) % jare, kaj ke la sekva generacio vivu en pli demokratia, libera, ekologia, malfermita, prospera... lando. Tio vere sufiĉos.

Tio vere sufiĉos por VI persone. Sed kion vi dirus al aliaj ukrainanoj, kiuj ne sukcesinte trovi laboron devas veturi eksterlanden kaj vivi tie en kondiĉoj de brutaro? Ĉu vi kapablas diri al viaj samlandanoj ke por "vivi en pli demokrata, libera, ekologia, malfermita ktp lando" iliaj filinoj veturu Eŭropen por labori tie kiel prostituitinoj, ĉar enlande por ili mankas deca laboro?

Andreo Jankovskij:Kaj dum sekvaj ~ 10-15 jaroj de alproksimiĝo de Ukrainio al EU kaj regado de Putin en Rusio mi ne kredas ke Rusio estos amiko de Ukrainio - mi eĉ pensas male.

Vi mem estas malamiko de la ukraina popolo, ja vi deziras al ĝi dekojn da jaroj de stagnado kaj formortado.

Andreo Jankovskij:Kaj laŭ sociaj esploroj plajparte ukrainoj subtenas EU, kaj Dogana Unieto de Moskvo tute ne estas populara.

Oni nomas tion oĥlokratio

La kontraŭstaro en Ukrainio estas fakte ribelo inter rusfobiuloj kaj rusamikoj. Ĉiu alia argumentaro estas subordigita al tiu kriterio. Do estas vane konsideri la "oficialan" argumentaron de la partoj. Simpatio aŭ antipatio al rusoj estas en emocia nivelo kaj apenaŭ estas ŝanĝebla. Ĉio alio estas nur demagogio de ambaŭ flankoj.