En la helppaĝo Pri supersignoj estis jene:

Kiam vi skribas en lernu! ni rekomendas al vi uzi la "x-stilon" (ekzemple ”sx” por ”ŝ”). Tiu metodo estas la plej klara kaj krome la sistemo de tiu ĉi paĝaro subtenas ĝin en la tujmesaĝilo, forumoj, ekzercoj ktp. […]

Miakomprene, tio estas tre bona rekomendo por skribi supersignojn en lernu! (kaj ankaŭ en aliaj paĝaroj kiuj uzas la saman sistemon).

Tamen, estas bone scii, ke:

• Se vi deziras tajpi literon kun ”x” (Bordeaux, Linux, Oxford ktp.), bv. tajpi literon ”x” dufoje.
  
• Se vi transportas tutan tekston al lernu!, la literoj kun ”x” ne ŝanĝiĝos al la veraj esperantaj literoj; ili videblas kiel ”cx”, ”hx” ktp. Do – bv. tajpi vian tekston rekte en la tekst-kampon en lernu!, por ke literoj kun ”x” konvertus ĝuste.

_ _ _ _ _
ĝisdatigita: 2016-07-29

Dankon pro la konsiletoj.

Urho:
Se vi deziras tajpi literon kun ”x” (Bordeaux, Linux, Oxford ktp.), bv. tajpi literon ”x” dufoje.

Anatŭe eble mi nur unue tajpas la x kaj uzas la sagoklavojn por tajpi literon antaŭ x hehe.

Urho:
Se vi transportas tutan tekston al lernu!, la literoj kun ”x” ne ŝanĝiĝos al la veraj esperantaj literoj; ili videblas kiel ”cx”, ”hx” ktp. Do – bv. tajpi vian tekston rekte en la tekst-kampon en lernu!, por ke literoj kun ”x” konvertus ĝuste.

Do ĉu ne estas automata maniero por konverti la kopi-gluitajn tekstojn? Mi mem nur konvertas ilin.

Urho:
Kiam vi skribas novan mesaĝon en la ne-esperanta forumo, la x-metodo ne funkcias, sed kiam vi redaktas vian malnovan mesaĝon, x-metodo funkcias. Tio estas tre strange. – Estus interese scii, kial tiel okazas?

Mi pensas ke tiu estas bona maniero. Ni ne uzu la x-sistemon por la fremdalingvaj forumoj ĉar malsamas la skribo. Sed se oni vere volus montri la supersignajn literojn ili povus nur redakti ĝin kaj ili disponeblos.

Dakila_Sidhi:

Urho:
Se vi transportas tutan tekston al lernu!, la literoj kun ”x” ne ŝanĝiĝos al la veraj esperantaj literoj; ili videblas kiel ”cx”, ”hx” ktp. Do – bv. tajpi vian tekston rekte en la tekst-kampon en lernu!, por ke literoj kun ”x” konvertus ĝuste.

Do ĉu ne estas automata maniero por konverti la kopi-gluitajn tekstojn? Mi mem nur konvertas ilin.

Vi povas ĉiam uzi ekzemple Unikodan konvertilon ĉe la paĝaro de Komputeko. Mi iam uzas ĝin por klarigi tekstojn de aliaj uzantoj – ekz. en lernu!.

Utilaj ligiloj en Interreto, kiuj koncernas la temon:

• Signokodoj (ĉe la paĝaro de Bertilo Wennergren)
  
• ReVo > ktp. > Alfabetoj (por redaktantoj)
  
• Kio estas Unikodo?
  
• Kiel uzi ĉapelitajn literojn en via komputilo (ĉe la retejo de Komputeko)
  
• Unikoda konvertilo – paĝo por konverti al veraj literoj de Esperanto
  
• Kiel tajpi en Esperanto -paĝoj ĉe la retejo de Nov-Zelanda Esperanto-Asocio

Fadenoj ĉe la lernu!-forumo:

• Kiel estas via klavaro? (en Esperanto)
  
• Esperanton hattukirjaimet (en la finna)
  
• Tajpado en Esperanto per Android (en Esperanto)
  
• Tajpado en Esperanto per iOS (en Esperanto)

Kelkaj retpaĝaroj, kiuj uzas X-metodon:

• lernu! – plurlingva paĝaro, kiu celas helpi al retemuloj informiĝi kaj lerni la internacian lingvon Esperanto, senpage kaj en facila maniero
  
• Duolingo – Learn Esperanto Online (Lernu Esperanton en reto)
  
• Esperanto en 12 tagoj – laŭ la Zagreba Metodo
  
• Edukado.net – la paĝaro, celitan por instruistoj, kursgvidantoj kaj memlernantoj
  
• Plena Ilustrita Vortaro de Esperanto (PIV) en reto
  
• Reta Vortaro (ReVo)
  
• Akademia Vortaro
  
• Большие словари Бориса Кондратьева — (eo–ru–eo)

_ _ _ _ _ _
ĝisdatigita: 2020-05-04

Ŝajnas, ke ĉi tiu fadeno estas ankoraŭ aktuala.

Provoj:
• gxi sxi jxurnalo cxe hxaoso aux ( ← el tekstilo)
• ĝi ŝi ĵurnalo ĉe ĥaoso aŭ ( ← per X-metodo en fadeno)
• ĝi ŝi ĵurnalo ĉe ĥaoso aŭ ( ← per veraj Esperanto-literoj en fadeno)

Jen la konsilo de lernu! por tajpi per X-metodo en la nova lernu!-paĝaro:

lernu.net:Por skribi la ĝustajn Esperanto-literojn kun la supersignoj aktivigu la butonon "Klavaro" supre de la paĝo, se ĝi ankoraŭ ne estas aktivigita, kaj tajpu laŭ la ikso-metodo: cx → ĉ, gx → ĝ, hx → ĥ, jx → ĵ, sx → ŝ kaj ux → ŭ. La iksoj aŭtomate konvertiĝos dum via tajpado al la koncernaj literoj kun supersignoj.

Eta rimarko ĉe la vortaro de lernu! : Vi ne nepre devas uzi X-metodon (aŭ ĉapelitajn literojn) kiam vi serĉas vortojn. Vi do povas tajpi ekz-e "serci" por serĉi vortojn ŝerci kaj serĉi.