Beiträge: 6
Sprache: Esperanto
KamiloEspero (Profil anzeigen) 27. Dezember 2013 01:37:08
La modernan loĝkubaron disduigis larĝa vojo, kondukanta foren al la Minejo. (Ĉu li bremsis sufiĉe?, Johan Valano)
Se foren estas derivaĵo de fore (tiel ŝajnas al mi),
kaj se E-vorton oni ne akuzativigas (ĉu ne?),
kial foren aperas en Reta Vortaro?
noelekim (Profil anzeigen) 27. Dezember 2013 03:51:49
KamiloEspero:Helpu min, saĝaj kaj lertaj esperantistoj:Prave, oni ne akuzativigas e-vortojn, kaj ankaŭ Johan Valano ne akuzativigis "foren".
La modernan loĝkubaron disduigis larĝa vojo, kondukanta foren al la Minejo. (Ĉu li bremsis sufiĉe?, Johan Valano)
Se foren estas derivaĵo de fore (tiel ŝajnas al mi),
kaj se E-vorton oni ne akuzativigas (ĉu ne?),
kial foren aperas en Reta Vortaro?
Kiel Plena Ilustrita Vortaro de Esperanto informas, -n havas alian rolon (krom la akuzativan), nome ĝi povas signifi "lokon celatan de movo" ... "estas tempo iri domen", "flanken, sinjoro!".
PIV rimarkas: "Pro historiaj kaŭzoj, Zamenhof donis al tiu finaĵo la nomon «akuzativo», sed ĝia funkcio en Esperanto estas multe pli vasta, ol tiu de la hindeŭropa akuzativo."
antoniomoya (Profil anzeigen) 27. Dezember 2013 07:00:19
KamiloEspero:Helpu min, saĝaj kaj lertaj esperantistoj:Claude Piron regis tiel bone la lingvon, ke li estis majstro el tiuj elpensaĵoj (mi ja scias pri kio mi parolas, ĉar mi trovas ilin senĉese en lia verko "Vere aŭ fantazie" )
La modernan loĝkubaron disduigis larĝa vojo, kondukanta foren al la Minejo. (Ĉu li bremsis sufiĉe?, Johan Valano)
En via frazo, la vorto "for" adverbiĝas (fore) por montri kie kondukis la vojon, kaj krome ricevas la n-finaĵon (foren) kiu ĉi tie signifas movon (malproksimen, domen, flanken, urben, ktp., kiel jam diris Noelekim).
Legu la Regulon nº 13 de Fundamento de Esperanto.
Amike.
Tjeri (Profil anzeigen) 27. Dezember 2013 08:28:16
Legi realajn vortarojn kaj realajn gramatikojn ofte helpas lerni realan lingvon.
KamiloEspero (Profil anzeigen) 27. Dezember 2013 11:41:48
Amike
Francestral (Profil anzeigen) 27. Dezember 2013 13:09:17
-Mova for montras moviĝon de unu loko al alia (normale malproksima) loko.
Ekz.: Ŝi demetis la tukon for de la kapo.
-Senmova for montras troviĝon en alia (malproksima) loko.
Ekz.: Marta staris jam kelke da paŝoj for de ŝi.
Fore = senmova for
Foren = mova for