ورود به محتوا
پاسخ دادن

pri akuzativo kaj aliaj kazoj en aliaj lingvoj

از mac69, 2 آوریل 2014

پست‌ها: 10

زبان: Esperanto

mac69 (نمایش مشخصات) 2 آوریل 2014،‏ 19:44:06

Saluton al cxiuj.
Mi scivolus en kiuj lingvoj oni uzas akuzativon. Cxu ekzistas akuzativo en via denaska lingvo? Aldone, ĉu vi uzas aliajn kazojn (ekz., dativon, genitivon, ablativon, k.t.p.)en via lingvo?

Bonvolu ne heziti rimarkigi min pri eraroj de ajna speco en tiu mesaĝo.

Mi antaŭdankas viajn respondojn.

Terurĉjo (نمایش مشخصات) 2 آوریل 2014،‏ 20:21:39

ĉiuj slavaj lingvoj havas akuzativon kaj aliajn kazojn (plejofte 6-7)
escepto estas la bulgara lingvo, kiu nune ne havas kazojn

iqlight (نمایش مشخصات) 2 آوریل 2014،‏ 21:10:16

Mia hungara gramatiko mencias 24 hungarajn kazojn.

Mattacchione4 (نمایش مشخصات) 2 آوریل 2014،‏ 21:53:14

En la itala lingvo ne estas kazoj (escepte de kelkaj pronomoj). Mi studadis la germanan lingvon kaj konstatis ke ĝi havas kvar kazojn: nominativan, genitivan, akuzativan, dativan (la germanaj povas korekti min, se mi eraras).
En la slovena lingvo estas sep kazojn, kiuj inkluzivas la akuzativon.

Gxis

Duko (نمایش مشخصات) 3 آوریل 2014،‏ 12:29:58

La rumana lingvo havas akuzativon oficiale, sed ĝi kutime ne estas markita. Foje ĝi estas markita naisme, pere la prepozicio "pe". La pronomoj havas apartajn formojn por akuzativo.
Simile, la pronomojn en la bulgara/makedona lingvo havas akuzativon, sed krome la akuzativo malaperis.

Rugxdoma (نمایش مشخصات) 3 آوریل 2014،‏ 18:57:20

Mia denaska lingvo, la sveda, havas akuzativon nur por pronomoj. Substantivoj kaj adjektivoj nur havas genetivon.
En la finna lingvo estas cirkaŭ 15 kazojn. La finna akuzativa sufikso estas -n, same kiel la esperanta.

michaleo (نمایش مشخصات) 3 آوریل 2014،‏ 19:07:31

En la pola oni uzas 7 kazojn (nominativon, genitivon, dativon, akuzativon, instrumentalon, lokativon kaj vokativon).

antoniomoya (نمایش مشخصات) 3 آوریل 2014،‏ 21:16:11

michaleo:En la pola oni uzas 7 kazojn (nominativon, genitivon, dativon, akuzativon, instrumentalon, lokativon kaj vokativon).
Vi estas vere distraj. ridulo.gif

Nu, por uloj kiel mi, kiuj ne scias proprasperte kio estas tiuj gramatikaj kazoj, ĉar nia gepatra lingvo ne posedas tiujn komplikaĵojn, mi eĉ ne kapablas ekvidi kiel vi povas elturniĝi por paroli senerare kaj senprobleme. Tio estas vera mistero por mi.

Amike.

michaleo (نمایش مشخصات) 4 آوریل 2014،‏ 2:10:52

antoniomoya:
michaleo:En la pola oni uzas 7 kazojn (nominativon, genitivon, dativon, akuzativon, instrumentalon, lokativon kaj vokativon).
Vi estas vere distraj. ridulo.gif

Nu, por uloj kiel mi, kiuj ne scias proprasperte kio estas tiuj gramatikaj kazoj, ĉar nia gepatra lingvo ne posedas tiujn komplikaĵojn, mi eĉ ne kapablas ekvidi kiel vi povas elturniĝi por paroli senerare kaj senprobleme. Tio estas vera mistero por mi.

Amike.
Probable niaj hindeŭropaj prauloj uzis 8 kazojn (7 kazojn kiel en la pola kaj ablativon).

Terurĉjo (نمایش مشخصات) 4 آوریل 2014،‏ 4:18:24

antoniomoya:Nu, por uloj kiel mi, kiuj ne scias proprasperte kio estas tiuj gramatikaj kazoj, ĉar nia gepatra lingvo ne posedas tiujn komplikaĵojn, mi eĉ ne kapablas ekvidi kiel vi povas elturniĝi por paroli senerare kaj senprobleme. Tio estas vera mistero por mi.
Amike.
mia du-jara nepino jam senerare uzas ses kazojn de la rusa lingvo.

bedaŭrinde, kelkajn sonojn ŝi misproponcas lango.gif

بازگشت به بالا