Skip to the content
Reply

Neniuj trafoj

by Roberto12, June 14, 2014

Messages: 8

Language: Esperanto

Roberto12 (User's profile) June 14, 2014, 9:57:41 AM

Se oni alklakas vorton ĉi tie kaj ekzistas nenio en la vortaro, ĝi diras "neniuj trafoj". Ĉu pli precize estus diri "neniom da trafoj"?

m_v (User's profile) June 14, 2014, 2:35:43 PM

Laŭ mi, “neniuj” kaj “neniom da” estas sinonimaj, kiel ankaŭ “multaj” kaj “multe da”.

Roberto12 (User's profile) June 14, 2014, 7:11:30 PM

"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"

m_v (User's profile) June 14, 2014, 8:16:48 PM

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Mi samopinias, ke, se oni demandas, estas pli bone elekti la analogan respondon (kiom? -> neniom & kiuj? -> neniuj). Sed sen kunteksto de demando la esprimoj “neniuj trafoj” kaj “neniom da trafoj” havas pli-malpli la saman signifon. Do mi pensas, ke estas tute ĝuste kaj bone uzi “neniuj trafoj” en la lernu!-vortaro.

sergejm (User's profile) June 15, 2014, 4:38:57 AM

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Kiam oni klakas sur la vorto, oni volas scii ĝiajn tradukojn, sed ne kvanton de tradukoj.
Do "neniuj trafoj" pli taŭgas.

Roberto12 (User's profile) June 15, 2014, 9:30:58 AM

Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"

Urho (User's profile) June 16, 2014, 9:28:27 AM

Eble la kompleta frazo povus esti jena:

[En la serĉo troviĝis] neniuj trafoj.

horsto (User's profile) June 18, 2014, 10:55:37 PM

Roberto12:Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"
Mi ne komprenas vian problemon.
Se oni klakas sur vorton oni ne volas scii kiom da trafoj estas trovitaj.
La respondo:
4 trafoj
certe mirigus vin.
Do la respondo:
neniuj trafoj
certe estas ĝusta.

Back to the top