Mergi la conținut
Răspunde

Neniuj trafoj

de Roberto12, 14 iunie 2014

Contribuții/Mesaje: 8

Limbă: Esperanto

Roberto12 (Arată profil) 14 iunie 2014, 09:57:41

Se oni alklakas vorton ĉi tie kaj ekzistas nenio en la vortaro, ĝi diras "neniuj trafoj". Ĉu pli precize estus diri "neniom da trafoj"?

m_v (Arată profil) 14 iunie 2014, 14:35:43

Laŭ mi, “neniuj” kaj “neniom da” estas sinonimaj, kiel ankaŭ “multaj” kaj “multe da”.

Roberto12 (Arată profil) 14 iunie 2014, 19:11:30

"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"

m_v (Arată profil) 14 iunie 2014, 20:16:48

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Mi samopinias, ke, se oni demandas, estas pli bone elekti la analogan respondon (kiom? -> neniom & kiuj? -> neniuj). Sed sen kunteksto de demando la esprimoj “neniuj trafoj” kaj “neniom da trafoj” havas pli-malpli la saman signifon. Do mi pensas, ke estas tute ĝuste kaj bone uzi “neniuj trafoj” en la lernu!-vortaro.

sergejm (Arată profil) 15 iunie 2014, 04:38:57

Roberto12:"Neniu(j)" estas respondo al demando de "kiu(j)?", kaj "neniom (da...) estas respondo al demando de "kiom (da...)?"
Kiam oni klakas sur la vorto, oni volas scii ĝiajn tradukojn, sed ne kvanton de tradukoj.
Do "neniuj trafoj" pli taŭgas.

Roberto12 (Arată profil) 15 iunie 2014, 09:30:58

Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"

Urho (Arată profil) 16 iunie 2014, 09:28:27

Eble la kompleta frazo povus esti jena:

[En la serĉo troviĝis] neniuj trafoj.

horsto (Arată profil) 18 iunie 2014, 22:55:37

Roberto12:Tio kion vi ambaŭ diras estas racia, do la granda demando estas: kio estas la implicata demando al la vortaro? Mi ne scias ekzakte. Estas la uzo de la vorto "trafoj" kio gvidas min al "kiom" anstataŭ "kiuj", ĉar mi ne kredas ke "kiuj trafoj?" estas parto de la demando. Eble "kiuj radikoj?" aŭ "kiuj signifoj?"
Mi ne komprenas vian problemon.
Se oni klakas sur vorton oni ne volas scii kiom da trafoj estas trovitaj.
La respondo:
4 trafoj
certe mirigus vin.
Do la respondo:
neniuj trafoj
certe estas ĝusta.

Înapoi mai sus