Tästä sisältöön
Vastaa

Ĉu skajpi aŭ skajpumi?

haydn :lta, 19. elokuuta 2014

Viestejä: 7

Kieli: Esperanto

haydn (Näytä profiilli) 19. elokuuta 2014 6.04.14

Ĉu "skajpi" aŭ "skajpumi"?

PMEG: Superfluaj UM

Krome estas aliaj simile firmaaj neologismoj. Ekz. "gugli" - ĉu kun aŭ sen UM? Mi preferas la senan, ĉar estas evindente, kion oni faras per Skajpo, tamen mi iom hezitas. Ĉu estiĝos rigoraj opinioj ĉi-rilate?

Alkanadi (Näytä profiilli) 19. elokuuta 2014 14.54.31

haydn:Ĉu "skajpi" aŭ "skajpumi"?

PMEG: Superfluaj UM

Krome estas aliaj simile firmaaj neologismoj. Ekz. "gugli" - ĉu kun aŭ sen UM? Mi preferas la senan, ĉar estas evindente, kion oni faras per Skajpo, tamen mi iom hezitas. Ĉu estiĝos rigoraj opinioj ĉi-rilate?
Mi estas nur komencanto sed mi kredas ke ĝi devus esti:
Skajpo = Programo
Skajpi = Nomi iun uzante Skajpo

Ĉi tiu estas mia fonto

Se mia posteno havas gramatikajn erarojn, diru al mi. Dankon

tommjames (Näytä profiilli) 19. elokuuta 2014 15.36.29

Ŝajnas al mi ke Skajp' estas sufiĉe nova aldono al la lingvo ke la signifo de la verbformo verŝajne ne estas firme fiksita. Tial oni rajtas uzi "skajpi" por la plej oportuna signifo, kaj laŭ mi tio estas "uzi Skajpon por komuniki kun homoj". Tio ankaŭ kongruas kun la kutima senco de verbigita ilo en Esperanto, kiu estas "uzi tiun ilon".

Se la verbo jam havus alian fiksan signifon tio necesigus uzi -um, sed ĉar tia alia signifo ne ekzistas, laŭ mi oni ne devas uzi -UM kaj sekve oni ja povus nomi tion iom "superflua". Sed mi feliĉe uzus ambaŭ formojn.

haydn (Näytä profiilli) 21. elokuuta 2014 17.58.57

Mi iom cerbumis la aferon. Jen rezulto:

Skajpo ja estas nur unu ilo por rete telefoni. Eble oni prefere verbigu ĝeneralan pri reta interparolado terminon. Do kia nomiĝus tia aplikaĵo, se ĝi nomiĝus logike? Mm... Eble rettelefonilo, retinterparolilo aŭ retbabililo.

Aliflanke...
rettelefonil(um)i
retinterparolil(um)i
retbabilil(um)i
...aĉ, tro komplike!

Bonvolu komenti mian vanetan cerbumadon. ridego.gif

nigrarozo (Näytä profiilli) 21. elokuuta 2014 18.06.58

Por ne tro cerbumi mi konsilas "skajpumi". ridulo.gif

Rugxdoma (Näytä profiilli) 21. elokuuta 2014 21.04.26

Skajp-paroli, skajpdiskuti,... Mi preferus pli ĝeneralajn terminojn, sed "retinterparoli" estas tro ĝenerala. Ĝi povas enhavi en si ankaŭ retposton, skribitan tujmesaĝilon k.t.p.

haydn (Näytä profiilli) 24. elokuuta 2014 6.57.05

nigrarozo:Por ne tro cerbumi mi konsilas "skajpumi". ridulo.gif
ridulo.gif

Baldaŭ versioj ŝajnas sufiĉe disvastiĝintaj... Mi pensas, ke mi mem venonttempe tamen uzu "skajpi".
Jen interesaĵo: Neceso kaj sufiĉo

Takaisin ylös