К содержанию
Ответить

Esti Esperantisto - kion ĝi signifas?

от tomasoavro, 5 января 2008 г.

Сообщений: 38

Язык: Esperanto

Babusxka (Показать профиль) 22 января 2008 г., 20:32:56

mi daŭros nomante lin de Zamĉjo, ĉar "Sinjoro" ŝajnas al mi ke li estas ia dio
Rodrigoo, ĉu vi estas religia fanatiko? - ĝi sonas tiel. Forumanto tomasoavro ne skribis "sinjoro" kun granda "S" do vi aliformigis sencon. Se konsciante - kial?
Mi iam estis instruistino de E-o kaj mi povas diri ke neniam E-o estis nur la lingvo por mi. Sen tiu "pli" nia lingvo ne povus kompariĝi eĉ kun la mongola (mi konas ĝin iomete). Laŭ mi, la lingvo estas por bonaj homoj, helpantaj aliajn, ne pensantaj pri ĉi-mondo kiel: ĉi ĉio estas mia kaj mi rajtas ne zorgi pri tio. Simple kaj banale.
Ĝis.

tomasoavro (Показать профиль) 23 января 2008 г., 5:36:03

Simple ni ne nomigu pere de grandaj vortoj ion malgrandan - kvazaŭ ni ne konscius malfortecon de nia lingvo. Tie ĉi ne estas kongreso. Oni ne povas mensogi statistikojn - des pli si mem.

Claude Piron forpasis... Li havis forton por diri veron...

airpath (Показать профиль) 26 января 2008 г., 12:21:23

Do mi scias la esperantan abocon, la gramaron kaj la ĝustan sonaraĵon sed mi ne pensas ke mi estas esperantisto ĝis mi scias bongrandan numeron da vortojn. Mi scias multajn esperantvortojn ke uziĝas komune sed mi ofte trovas ke ekzistas novan parlgrupon ke mi ne scias.

Rodrigoo (Показать профиль) 26 января 2008 г., 22:33:44

Kara Tomasoavro, mi ne daŭrigos ĉi tiun diskuton. Ni malsame opinias kaj ne estas diskutenda/diskutinda diskuto, ne por mi.

Mi estas unu el tiuj esperantistoj kiujn Piron menciis. Mi uzis, uzas kaj uzos la lingvon kiel ilo por la komunikado. Sed faru kion vi volas esperante, preĝu, kantu, dancu, verku, diskutu gramatikaĵon, ktp. La lingvo permesas ke ni eluzu ĝin.

Amike kaj sammondane,
Ĥod

tomasoavro (Показать профиль) 27 января 2008 г., 11:18:59

Sed faru kion...
Laŭ via opinio nur vi mem faras ion esperante? Iaj homoj faras, la aliaj (nur) laŭdas sin. Ĉu vere Piron menciis fifierulojn kiel nova pozitiva forto en la Movado? Mi dubas.

Amike,
Tomaso Avro

Rodrigoo (Показать профиль) 28 января 2008 г., 11:38:22

Hahaha. Preĝadon en Esperanto mi lasas al vi. Laŭ via opinio nur vi mem faras ion esperante? Iaj homoj faras, la aliaj (nur) laŭdas sin. Ĉu vere Piron menciis fifierulojn kiel nova pozitiva forto en la Movado? Mi dubas. Bildeto en mia profilo estas nur mi kiel avatoro en Dua Vivo - bonvolu ne pritaksi infane aliajn homojn laŭ iliaj aspektoj, sinjoro mentoro. Eble tio estas via maniero por havi amikojn - certe ne mia.

Amike, Tomaso Avro
Ho ve! Ne miskomprenu min! Mi preferas pensi ke vi ne bone legis ol pensi ke vi klopodas por miskompreni min.senkulpa.gif

Ne, homo, mi ne volis diri ke nur mi faras ion esperante. Mi nur diris ke vi rajtas fari kion vi volas, tiel kiel mi ankaŭ rajtas fari kion mi volas.
Jes, mi estas fiulo! Dankon pro la laŭdo!rido.gif
Mi, laŭ mia vivprovaĵoj, rimarkis ke la fina venka parolado ne funkcias. Ne ĉi tie. Mi rimarkis ke kiam mi uzas esperanton la personoj pli interesiĝas. Sed bonvolu pardoni min por ne konseti kun vi.

Laboru por esperanto tiel kiel plej taŭgas por vi. (:

Sammondane,
Ĥod

tomasoavro (Показать профиль) 28 января 2008 г., 21:16:43

Mi nur diris ke vi rajtas fari kion vi volas...
rido.gif Verdire, ĉiam mi sentis ke mi havas tiun rajton...

Juna fizikisto estis demandita kiujn famajn fizikistojn li konas.
- Nu, estas ni kelkaj.[/b]

Neniam tro multe da pudoro, kara sammondano... Jes, simple laboru ni por la lingvo! sal.gif

Amike

PS. Fakte, ĉion oni scias: ESPERANTISTO

Maldormemo (Показать профиль) 10 февраля 2008 г., 2:55:30

ho, la fadeno iĝis iom stranga ;})

sed laŭ mi la respondo estas tre facila (kaj mankas en enketo!)

Neniu aliu rajtas juĝi ĉu mi estas esperantisto aŭ ne! En Kubo mi estis prezentita al pluraj esperantistoj iuj eĉ ne povis saluti esperante, sed ili fieris pri esti anoj de bela ideo. Nur stulte kontraŭi ilian emon!

Mi mem ŝatis esperanton ok jaroj antaŭ mi hazarde eklernis ... eble mi iam havos akcidenton kaj perdos la eblecon skribi kaj paroli - ĉu mi ĉesos esti esperantiston tiam?

Amike;

Miland (Показать профиль) 11 февраля 2008 г., 19:36:11

Amikoj, estas du tipoj de respondoj al la demando 'Kio estas esperantisto?' La serioza kaj oficiala estas, ke ĉiuj kiuj konas kaj uzas Esperanton estas esperantistoj - laŭ deklaracio ĉe la unua universala kongreso ĉe Bulonjo en 1905.

Sed verdire mi preferas la humoran respondon, mirinde esprimita en la poemo Estas mi esperantisto de Julio Baghy. Jen:

Verda stelo sur la brusto
iom palas pro la rusto.
Mi ne estas purigisto;
estas mi esperantisto.

Kuŝas ie sub tegmento
"Netuŝebla Fundamento".
Tuŝu ĝin nur la Mefisto;
estas mi esperantisto.

Polvkovrite sur bretaro
putras mia SAT-vortaro.
Tedas min la vorto-listo;
estas mi esperantisto.

Gramatikon mi ne konas
kaj gazeton ne abonas...
Librojn legu la verkisto;
estas mi esperantisto.

Mi parolas kun rapido:
"Bonan tagon! Ĝis revido!"
Ĝi sufiĉas por ekzisto;
estas mi esperantisto.

Pionirojn mi kritikas,
la gvidantojn dorne pikas
kaj konspiras kun persisto;
estas mi esperantisto.

Por la venko mi esperas,
sed neniom mi oferas.
Mi ne estas ja bankisto;
estas mi esperantisto.

Se baraktas en la krizo
la movado, organizo,
helpas mi nur per rezisto;
estas mi esperantisto.

Flugas per facila vento
el la buŝo Nova Sento.
Ĝi sufiĉas por sofisto;
estas mi esperantisto.

Post la mort' ĉe tombo mia
staros "rondo familia",
nekrologos ĵurnalisto:
estis li esperantisto.

stefanspaul (Показать профиль) 11 февраля 2008 г., 22:21:27

Multan dankon Miland! Bonege! Mi mem ne povus diri ĝin pli bone, ĉar estas mi komencanta esperantisto!... sal.gif

Наверх