Fenris_kcf:Starigu vian propran, apartan blogon, ul'…

Fenris, al vi ne plaĉas miaj skribaĵoj, ĉu? Se tiu ĉi fadeno estas senbezona, do mi haltos, certe.

Lakiro:

Fenris_kcf:Starigu vian propran, apartan blogon, ul'…

Fenris, al vi ne plaĉas miaj skribaĵoj, ĉu? Se tiu ĉi fadeno estas senbezona, do mi haltos, certe.

Nu, laŭ mi la forumoj estas por konversacioj, diskutoj, k.t.p. Tiu ĉi fadeno ne estas tia, ĉu?

Mi kreis tiun ĉi fadenon, ĉar multaj homoj tute ne scias pri teruroj de pasinta milito. Multaj eĉ ne scias kiu partoprenis en tiuj eventoj. Obama kaj Schetyna decidis, ke usonanoj kaj poloj batalis kontraŭ Stalin.
Demandu pri la milito iun en Usono. Ja ili nenion respondos. Ili simple ne konas historion. Kaj nova eŭropa kaj usona generacio sankte kredas fabelojn de modernaj reviziistoj de la historio.
Mi volis iomete konatigi homojn kun oficialaj dokumentoj de tiu epoko.
Kaj viajn komentojn oni aklamas.
Celo de tiu ĉi fadeno estas alia - konatigi junajn esperantistojn kun teruta periodo de 20-a jarcento kaj devigi pensi pri la rezultoj de la milito kaj pri la prognozoj de nia agresemeco.

Lakiro:Kaj nova eŭropa kaj usona generacio sankte kredas fabelojn de modernaj reviziistoj de la historio.

Vi pravas. La prihistoria falsado estas abomeninda afero sed estas bedaŭrinde ĉiea en la Okcidento. Ekz. antaŭ nelonge en la plej grava germana novaĵo Jazenjuk povis disvastigi la mensogon, ke Germanio kaj Ukrainio estis atakitaj de la Sovetunio dum la dua mondmilito. Kaj la moderatorino ne kontraŭis lin...

Ial mi sciis, ke ankaŭ tiu ĉi fadeno iĝus "flamewar" pri la orient-okcident-konflikto …

Lakiro:Demandu pri la milito iun en Usono. Ja ili nenion respondos. Ili simple ne konas historion.

Multaj (ne ĉiuj) Usonanoj scias kvazaŭ nenion pri la resto de la mondo. Tiu ne estas novaĵo.

Lakiro:Kaj nova eŭropa kaj usona generacio sankte kredas fabelojn de modernaj reviziistoj de la historio.

Certe kelkaj da ili faras tion. Sed mi dubas, ke vi atingas tiujn per fadeno en lernu-forumo …

Lakiro:Celo de tiu ĉi fadeno estas alia - konatigi junajn esperantistojn kun teruta periodo de 20-a jarcento kaj devigi pensi pri la rezultoj de la milito kaj pri la prognozoj de nia agresemeco.

Tre nobla. Bedaŭrinde mi dubas, ke tiu estas la sola celo.

ustra:Vi pravas. La prihistoria falsado estas abomeninda afero sed estas bedaŭrinde ĉiea en la Okcidento.

Kaj ĉiu scias, ke la orientaj komunikiloj ĉiam pri ĉio diras la tutan veron.

ustra:Ekz. antaŭ nelonge en la plej grava germana novaĵo Jazenjuk povis disvastigi la mensogon, ke Germanio kaj Ukrainio estis atakitaj de la Sovetunio dum la dua mondmilito. Kaj la moderatorino ne kontraŭis lin...

Em… Do kiu armeo liberigis diversajn koncentrejojn kiel na Auschwitz kaj venkis la trupojn en Berlin?
Feliĉe la Soveta armeo atakis la Germanan Reich!

Bonvolu ĉesi tiun absolut-pensadon ("aŭ ĉio aŭ nenio" / "Schwarz-Weiß-Malerei" )!
La mondo estas pli kompleksa ol vi emas prezenti ĝin.

Fenris_kcf:

ustra:Vi pravas. La prihistoria falsado estas abomeninda afero sed estas bedaŭrinde ĉiea en la Okcidento.

Kaj ĉiu scias, ke la orientaj komunikiloj ĉiam pri ĉio diras la tutan veron.

Mi ne skribis tion. Firme apogu vin, mi nur povas skribi el okcidenta vidpunkto.

Fenris_kcf:

ustra:Ekz. antaŭ nelonge en la plej grava germana novaĵo Jazenjuk povis disvastigi la mensogon, ke Germanio kaj Ukrainio estis atakitaj de la Sovetunio dum la dua mondmilito. Kaj la moderatorino ne kontraŭis lin...

Em… Do kiu armeo liberigis diversajn koncentrejojn kiel na Auschwitz kaj venkis la trupojn en Berlin?
Feliĉe la Soveta armeo atakis la Germanan Reich!

Gratulon, vi pli bone konas la historion ol la ukraina ĉefministro kaj la moderatorino. Ĉu vi ne pensas, ke tio estas menciinda?

Fenris_kcf:Bonvolu ĉesi tiun absolut-pensadon ("aŭ ĉio aŭ nenio" / "Schwarz-Weiß-Malerei" )!
La mondo estas pli kompleksa ol vi emas prezenti ĝin.

La motivo de tiu ĉi fadeno estas la lastatempe okazanta prihistoria falsado pri la dua mondmilito. Simple ne legu ĝin se tio ne plaĉas al vi. Kaj neniu prezentas la mondon kiel malkompleksa.

ustra:

Fenris_kcf:

ustra:Vi pravas. La prihistoria falsado estas abomeninda afero sed estas bedaŭrinde ĉiea en la Okcidento.

Kaj ĉiu scias, ke la orientaj komunikiloj ĉiam pri ĉio diras la tutan veron.

Mi ne skribis tion.

Ha, jes. Vi faris ion pli malbonan: Vi indiketis ĝin.

ustra:Gratulon, vi pli bone konas la historion ol la ukraina ĉefministro kaj la moderatorino. Ĉu vi ne pensas, ke tio estas menciinda?

Menciinda, sed ne mencienda, ĉar tiu ne estis la temo de la interparolado. Ĉu vi timas, ke la popolo aŭdas tian eldiron de politikisto kiel Jazenjuk kaj poste kredas, ke la Sovetunio komencis la duan mondmiliton?

ustra:La motivo de tiu ĉi fadeno estas la lastatempe okazanta prihistoria falsado pri la dua mondmilito.

Bonvolu listigi kelkajn ekzemplojn (aŭ eĉ nur unu)!

ustra:Simple ne legu ĝin se tio ne plaĉas al vi.

Se al oni ne plaĉas propagando, oni simple ignoru ĝin — saĝa konsilo.

Fenris_kcf:Ha, jes. Vi faris ion pli malbonan: Vi indiketis ĝin.

Ke vi al mi imputas ion certe estas nobla kaj bona afero.

Fenris_kcf:Menciinda, sed ne mencienda, ĉar tiu ne estis la temo de la interparolado. Ĉu vi timas, ke la popolo aŭdas tian eldiron de politikisto kiel Jazenjuk kaj poste kredas, ke la Sovetunio komencis la duan mondmiliton?

Ne, min ĝenas, ke la ŝtata germana TV disvastigas histori-reviziismon. Ĉu vin tio ne ĝenas ĉar tiu ja "ne estis la temo de la interparolado"?

Fenris_kcf:Bonvolu listigi kelkajn ekzemplojn (aŭ eĉ nur unu)!

Eh? Ĉu ni ne ĵus temigis Jazenjuk en la germana TV?
Aŭ ekz. la pola ministro pri eksteraj aferoj asertis, ke estis ukrainoj kiuj liberigis Auschwitz.

Fenris_kcf:Se al oni ne plaĉas propagando, oni simple ignoru ĝin — saĝa konsilo.

Bonvolu listigi kelkajn ekzemplojn (aŭ eĉ nur unu)!

ustra:… min ĝenas, ke la ŝtata germana TV disvastigas histori-reviziismon. Ĉu vin tio ne ĝenas ĉar tiu ja "ne estis la temo de la interparolado"?

Nu, kelkaj Germanaj komunikiloj ĝenas min, sed mi apenaŭ vidas histori-reviziismon en ili. Elsendi interparoladon kun Jazenjuk, kiu ne menciis koncentrejojn, kiam temis pri la Ukrainio-konflikto, ne estas reviziismo laŭ mi.

ustra:

Fenris_kcf:Bonvolu listigi kelkajn ekzemplojn (aŭ eĉ nur unu)!

Eh? Ĉu ni ne ĵus temigis Jazenjuk en la germana TV?

Kiel mi estas skribinta: Nevalida ekzemplo laŭ mi.

ustra:Aŭ ekz. la pola ministro pri eksteraj aferoj asertis, ke estis ukrainoj kiuj liberigis Auschwitz.

Hmm, mi ne konas fonton per kiu mi povas scii la ekzaktajn faktojn pri tio. Ĉu vi? Ukrainio estis parto de la Sovetunio; do ja eblas, ke la plej granda parto da Auschwitz-liberigintoj estis Ukrainoj. Mi ne scias. Kial eĉ rolas kiuj Sovetaj soldatoj liberigis na Auschwitz? Mi ne vidas gravan "prihistorian falsadon pri la dua mondmilito".

ustra:

Fenris_kcf:Se al oni ne plaĉas propagando, oni simple ignoru ĝin — saĝa konsilo.

Bonvolu listigi kelkajn ekzemplojn (aŭ eĉ nur unu)!

Volante:

• „Demandu pri la milito iun en Usono. Ja ili nenion respondos. Ili simple ne konas historion. Kaj nova eŭropa kaj usona generacio sankte kredas fabelojn de modernaj reviziistoj de la historio.“ — Kruda ĝeneraligado; la eldiro indiketas, ke (preskaŭ) ĉiu nov-generacia Usonano kaj Eŭropano estus sencerbulo
  
• „Ekz. antaŭ nelonge en la plej grava germana novaĵo Jazenjuk povis disvastigi la mensogon, ke Germanio kaj Ukrainio estis atakitaj de la Sovetunio dum la dua mondmilito.“ — La eldiro de Jazenjuk ne estis mensogo; jes, li estu espriminta siajn pensojn alie, sed taksi sian eldiron kiel mensogon estas "Sith-eca"

Lakiro:
Demandu pri la milito iun en Usono. Ja ili nenion respondos. Ili simple ne konas historion. Kaj nova eŭropa kaj usona generacio sankte kredas fabelojn de modernaj reviziistoj de la historio.

Mi povas diri la samon pri la rusaj "sciantoj" de la historio. Iu ĉi tie, antaŭ eble nur semajno komparis la batalon por la domo de Pavlov kun "batalo" por Parizo en 1940, kiu neniam okazis, ĉar Parizo estis malferma urbo.
Ĉe multaj forumoj de la reto mi ofte vidas similajn primokindajn asertojn. Ekzemple iu legas pri iu veterano, kalkulas lian aĝon en 1945 kaj komencas ion stultegan aserti (ke li ne povas esti veterano) eĉ sen provi ekscii la rekrutan aĝon en tiu tempo.