Homoj, kiuj uzas poŝton, telefonon aŭ interreton: amikoj aŭ malamikoj?

Foje amikoj, foje malamikoj. Per ĉio tio eblas esprimi amikecon kaj solidarecon, interkonsenti pri komerco kaj tiel plu. Kaj ankaŭ eblas ofendi, fari ultimaton kaj proklami militon. Kaj tio estas normale kaj bone. Instrumentoj de komunikado ne faras nin amikoj aŭ malamikoj.

Ankaŭ Esperanto, kiel ankoraŭ unu komunikilo, plenumas sian funkcion de plifaciligo de komunikado. Sed ĝi ne faras nin amikoj aŭ malamikoj, kaj ĝi ja ne devas tion fari. Per bona ilo eblas amiki kaj eblas militi, kaj tio estas normale kaj bone.