Aportes: 13
Idioma: Esperanto
Simon_Gauvain (Mostrar perfil) 1 de agosto de 2015 14:34:40
HaleBopp:En PIV, aŭ Revo, oni trovas frazojn kiel 'li aspektas pale', sed tiaj frazoj ŝajnas strangaj al mi (sed ne strangePIV difinas "aspekti" jene: Prezentiĝi al la vido kun ia(j) ekstera(j) eco(j).), kaj mi emas pensi, 'Kia li aspektas pale?'.
Konsekvence, "aspekti pale" signifas "prezentiĝi al la vido kun paleco" kaj metas nenian problemon...
Mi pensas ke oni ne uzu tiujn du verbojn "aspekti" kaj "ŝajni" kvazaŭ ili funkcius same. "ŝajni" priskribas, ofte pere de predikativo, kion perceptas aŭ opinias iu rolanto rilate al la subjekto, kaj siaflanke "aspekti" bezonas adverbon por diri kiel (tio estas, en kia maniero) montriĝas la subjekto.
raffadalbo (Mostrar perfil) 6 de agosto de 2015 07:02:59
michaleo:Simila diferenco:+1
Mi sentas min bona = Mi sentas, ke mi estas bona
Mi sentas min bone = Mi fartas bone
Mi pensas ke la plej simpla regulo estas: provu anstataŭi "aspekti" per "esti".
Ĉu la lampo aspektas malnova? Jes, ĉar oni dirus ankaŭ: la lampo estas malnova. La adjektivo (a-vorto) rilatas al o-vorto (la lampo aspektas kvazaŭ ĝi estas malnova --> la lampo aspektas malnova).
Ĉu la lampo aspektas bona? Ne, ĉar la lampo ne "estas bona" (tio ne gravas); bona estas ĝia lokado en la ĉambro, do bona estas ĝia aspekto. La adverbo (e-vorto) rilatas al verbo (la lampo havas bonan aspekton --> la lampo aspektas bone).
ab7 (Mostrar perfil) 19 de agosto de 2015 00:37:04
Multajn dankojn al ĉiuj. La informo kaj konsilo helpis min.