Mergi la conținut
Răspunde

krom akuzativo

de alonsososo, 3 decembrie 2015

Contribuții/Mesaje: 6

Limbă: Esperanto

alonsososo (Arată profil) 3 decembrie 2015, 21:48:28

Du frazoj el la Reta Vortaro: ... la pioniroj de novaj ideoj renkontas nenion krom mokoj kaj atakoj (Z);
... la garnizono ne konas ian glavon krom la kuirejan trapikilon (Z);

Mi ne komprenas, kial unu frazo enhavas akuzativon kaj la alia ne.

nornen (Arată profil) 3 decembrie 2015, 22:03:14

Ŝajnas ke la uzo de "krom" ne estas tute stabila.

PMEG eldiras, ke oni povas enŝovi i-vorton en la duan ekzemplon por pravigi la akuzativon. "La garnizono ne konas ian glavon krom koni la kuirejan trapikilon". Tamen tio sonas malbone kaj estas miaopinie nur fuŝa peno trovi pravigon de la kontraŭdirantaj uzoj de la vorto "krom".

En la fundamento Z ĝin uzas kiel prepozicion sekvatan de nominativo, eĉ kiam la krom-aĵo estas akuzativa:
FE:ekzemple rusoj aŭ poloj, kiuj ne scias alian lingvon krom sia propra
Mi persone uzus ĝin tiel.

sudanglo (Arată profil) 5 decembrie 2015, 11:11:02

Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).

DuckFiasco (Arată profil) 6 decembrie 2015, 01:39:56

sudanglo:Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).
+1. Same kiel laŭbezona akuzativo post "kiel".

alonsososo (Arată profil) 7 decembrie 2015, 21:51:24

Tiu afero estas efektive tro granda por mia malgranda kapo.
Dankon pro viaj komentoj.

Altebrilas (Arată profil) 13 decembrie 2015, 17:20:56

sudanglo:Ĉiuj virinoj portis ĉapelon krom la plej belaj

(nur la plej belaj virinoj lasis nudaj siajn harojn

La virinoj prenis ĉiujn ĉapelojn de mia stoko krom la plej malbelajn.

(Ili lasis ne-prenitaj la plej malbelajn ĉapelojn).
Sudanglo, via analizo ŝajnas prava. Krom la plej (mal)belaj(n) estas komplemento ne de la verbo, sed de la nomo: ili precizigas la aron kiu estas subjekto aŭ objekto.

Oni povas bedaŭri, ke la sama regulo ne validu pri la esprimoj kiel "iom da", post kiu akuzativo mistere malaperas, eĉ kaze de objekto.

Înapoi mai sus