Til indholdet
Svare

interesa kaj amuza (*osced*)

af thyrolf, 1. jul. 2016

Meddelelser: 5

Sprog: Esperanto

thyrolf (Vise profilen) 1. jul. 2016 14.35.59

Priskribante eventojn aŭ aliajn aferojn inter homoj, oni diras ekzemple:

"La prelego estis tre interesa" aŭ "La grupvespero estis amuza".

Ili aperas tiom ofte en iuj artikoloj, ke oni emas oscedi je vidi ilin.

Ĉu ne ekzistas aliaj bone uzeblaj vortoj por ilin priskribi? Kiujn vortojn uzadas vi? ekzemple:

- La prelego estis tre kleriga kaj multe utilos por mi.
- la grupvespero okazis en familieca etoso kaj ofte montrigis ridiga.

Ĉu taŭga?

Eble skribu artikoleton pri iu okazaĵo SEN UZI "AMUZA" AŬ "INTERESA":

Bernadox (Vise profilen) 4. jul. 2016 19.00.17

thyrolf:"interesa"
aktuala, alloga, altira, gusto-plena, apetit-veka, diskutiga, diskutinstiga, eksterordinara, emociveka, facilmana, fluvorta, inda, informriĉa, instiga, interesoveka, lerta, ne ĉiutaga, ne lasis iun indiferenta, malmonotona, maltriviala, nebagatela, neordinara, originala, pensdanciga, profunda, scivolonveka -instiga, taŭga, utila, valora

amuza: bonetosa, bunta, distra, gaja, gajetosa, gajmieniga, ĝoj(ig)a, komika, korvarmiga, kurioza, ludiga, magia, malseka, malstreĉiga, plezura, ridiga, simpatia, simpativeka, sprita, suka, sukoplena, ŝercoplena, zorgoforprena, zorgoforsorĉa

Kaj certe ankoraŭ aliaj.

dbob (Vise profilen) 6. jul. 2016 14.09.15

Estus tre utile, se ekzistus enreta sinonima vortaro kiel tiu de Jaan Ojalo: Esperantaj sinonimoj.

SPadern (Vise profilen) 6. jul. 2016 16.13.20

Mi konsentas! Mankas al mi ankaŭ vortoj por esprimi "bona" aŭ "bonega" aliemaniere. Ekzemple mi povas en la angla elpensi multajn vortojn por tio. Kelkfoje "mirinda" taŭgas.

Bernadox (Vise profilen) 6. jul. 2016 16.48.16

Mi trovis la (partajn) sinonimojn / similsencajn vortojn per http://esperanto.mond.jp/eo/index.html#espvortaroj. Elŝutu, instalu, uzadu.

Tilbage til start