Poruke: 13
Jezik: Esperanto
vitorlranjos (Prikaz profila) 6. svibnja 2008. 23:59:41
iu amiko mia skribis tiun supran frazon kaj, laŭ li, la signifo egalas al "kiel vi nomiĝas?"
ĉu li pravas ?
kiujn demandojn li povus fari anstataŭ "kiel estas via nomo?" ?
mi pensas, ke li malpravas, sed mi serĉas novajn eblojn por demandi "kiel vi nomiĝas?"
dankon pro viaj komentoj
amike,
Vitor
mnlg (Prikaz profila) 7. svibnja 2008. 07:35:06
vitorlranjos:ĉu li pravas ?Jes, eble mi mismemoras, sed Z mem proponis aŭ uzis tiun formon.
kiujn demandojn li povus fari anstataŭ "kiel estas via nomo?"Estas delikata afero (vi povas legi ekz. ĉi tiun fadenon). Eblas certe diri "kiel vi nomiĝas?", kiel vi ĝuste mencias, kaj krom ĝi, mi opinias ke "kiu estas via nomo?" nur bonas. Multaj, ĉefe anglalingvanoj, ankaŭ uzas "Kio estas via nomo?". Mi trovas ke tiu formo estas nepreferinda, sed vi estas bonvena trovi viajn proprajn konkludojn el tiu jam ligita fadeno kaj el via sperto.
awake (Prikaz profila) 7. svibnja 2008. 12:10:28
vitorlranjos:saluton al ĉiuj !Laŭ mi, li malpravetas. Ŝajnas al mi, ke "kiel estas via nomo" pli similas je "KIA estas via nomo" ol "kiu estas via nomo"
iu amiko mia skribis tiun supran frazon kaj, laŭ li, la signifo egalas al "kiel vi nomiĝas?"
ĉu li pravas ?
kiujn demandojn li povus fari anstataŭ "kiel estas via nomo?" ?
mi pensas, ke li malpravas, sed mi serĉas novajn eblojn por demandi "kiel vi nomiĝas?"
dankon pro viaj komentoj
amike,
Vitor
"Kiel estas via nomo?" Mia nomo estas malfacile elparolebla. Aŭ, mia nomo estas longa. ktp.
Kia estas via nomo? Mia nomo (McPherson) estas skota.
Kompreneble, tiu ĉi estas nur mia opinio. Aliuloj eble malkonsentas.
vitorlranjos (Prikaz profila) 12. svibnja 2008. 15:53:03
la dubo ankoraŭ restas, sed ŝajnas al mi, ke la respondo al "kiel estas via nomo?" estus: "mia nomo estas tiel:..." kaj oni raportas pri la maniero aŭ grado.
simile, "kia estas via nomo?" "mia nomo estas tia:...", kaj oni raportas pri la stato.
"kio estas via nomo?" "mia nomo estas tio:..." kaj oni raportas pri la difino.
pro tio, mi preferas:
kiel vi nomiĝas ?
kiu estas via nomo ?
kiun nomon vi havas ?
mnlg (Prikaz profila) 12. svibnja 2008. 15:57:38
vitorlranjos:pro tio, mi preferas:Tiuj estas ankaŭ miaj preferoj.
kiel vi nomiĝas ?
kiu estas via nomo ?
kiun nomon vi havas ?
Mi ankaŭ diras, ĉefe se dum manpremo, "kaj via nomo estas...?"
Sxak (Prikaz profila) 13. svibnja 2008. 01:38:47
mnlg:, mi opinias ke "kiu estas via nomo?" nur bonas. Multaj, ĉefe anglalingvanoj, ankaŭ uzas "Kio estas via nomo?". Mi trovas ke tiu formo estas nepreferinda,Male. "kiu estas via nomo?" estas eĉ eraro, sed "Kio (aŭ kia) estas via nomo?" estas ĝusta frazo
mnlg (Prikaz profila) 13. svibnja 2008. 07:24:17
Ŝak:Male. "kiu estas via nomo?" estas eĉ eraro, sed "Kio (aŭ kia) estas via nomo?" estas ĝusta frazoLa konsultejo de la akademio de esperanto (kiun mi kontaktis antaŭ jaro) komplete malsamopinias de vi. Tamen, vi tenu vian opinion
Miland (Prikaz profila) 13. svibnja 2008. 08:57:53
Ŝak: "kiu estas via nomo?" estas eĉ eraro..Se oni montrus al vi kartojn sur kiu estus skribita respektive 'Ŝak', 'Zam' kaj 'Mazi' kaj dirus al vi 'Kiu de ĉi tiuj estas via nomo? Kiu estas via nomo?', ĉu ne estus ĝuste?
Laŭ mi, efektive, estas pli ol unu demando povante igi al homoj diri siajn nomojn. Ne gravas kiun oni uzas.
Sxak (Prikaz profila) 14. svibnja 2008. 13:02:06
mnlg:La konsultejo de la akademio de esperanto (kiun mi kontaktis antaŭ jaro) komplete malsamopinias de vi. Tamen, vi tenu vian opinionHm. Ĉu vi private kontaktis ilin aŭ povas doni iun ligon? Mi tre volas vidi tion.
Miland:Se oni montrus al vi kartojn sur kiu estus skribita respektive 'Ŝak', 'Zam' kaj 'Mazi' kaj dirus al vi 'Kiu de ĉi tiuj estas via nomo? Kiu estas via nomo?', ĉu ne estus ĝuste?Jes ĝute, Kiun nomon [el la proponitaj] vi havas estas ĝusta frazo. Mi kontraŭas nur la frazon "kiu estas via nomo"
mnlg (Prikaz profila) 14. svibnja 2008. 13:22:45
Ŝak:Hm. Ĉu vi private kontaktis ilin aŭ povas doni iun ligon? Mi tre volas vidi tion.Private. Mia demando estis pli-malpli "Ĉu 'kio estas via nomo?' estas ĝusta demando, aŭ ĉu 'kiu estas via nomo?' estas ĝusta, aŭ ĉu ambaŭ?"
La respondo estis, el mia memoro,
"La nura ĝusta formo estas 'kiu'".
La Konsultejo de la Akademio ne donas lingvajn leĝojn, do mi certe ne povas uzi tiun respondon por silentigi tiujn kiuj ne samopinias kiel mi. Tamen, tio kion vi diris certe ne ĝustas.
Aliflanke, mi ankoraŭ ne trovis konvinkigan kialon kiu montru ke "kio estas leono?" (kaj ĉiu alia demando kiu komenciĝas per "kio estas") devas doni klarigan respondon (= "leono estas besto"), dum "kio estas via nomo" devas doni determinan respondon. Tiun taskon pronomo "kiu" perfekte plenumas en ĉiu demando kiu komenciĝas per "kiu estas", do mi ne vidas kial ĝi ne povu teni la saman konduton en ĉi tiu kazo.