Kwa maudhui
Kujibu

Kiel voki specialiston pri teo?

ya Kriketo, 31 Oktoba 2017

Ujumbe: 8

Lugha: Esperanto

Kriketo (Wasifu wa mtumiaji) 31 Oktoba 2017 8:45:08 asubuhi

Mi akceptas la Esperantaj vortoj, do, kompreneble, mi ne volas ŝanĝi ilin.
Sed foje mi havas problemojn: Oni scias ke "teologo" estas specialisto pri metoda studo pri Dio kaj diaj aferoj. Bone.
Nun, vinologo estas specialisto pri scienco pri la farado de vinoj. Sed kial voki specialisto pri scienco pri la farado de teo? Devas ekzisti iuj teo-specialistoj en Ĉinio ĉu ne?
Hieraŭ ni babilis pri tio dum renkontiĝo de nia Esperanto-klubo, legante paĝon de La Bona Lingvo de Claude Piron. Pri "kombini elementojn el la baza provizo por esprimi ideojn", iu proponis voki specialiston pri dio per la vorto "pridioteoristo".
Kion vi pensas?

amigueo (Wasifu wa mtumiaji) 31 Oktoba 2017 3:11:57 alasiri

teologo kaj theologo.
teismo kaj theismo.
precedenco: budhisto.

avantaĝo? theo kaj teo! elektu kiun vi preferas trinki!
por la kristanoj estus inovaĵo kaj sensolva solvo dilemon: la thea sango iĝis teo anstataŭ vino

noelekim (Wasifu wa mtumiaji) 1 Novemba 2017 3:18:59 asubuhi

'teologo' kaj 'teologio' jam estas kombinaĵoj el la baza provizo, nome la radikoj teolog' kaj teologi' kun -o. Ambaŭ radikoj oficiale eniris nian lingvon en 1909 kaj mi ne komprenas kial oni volus ilin anstataŭigi.

Por specialisto pri teo, mi dirus 'tefakulo' (te-fak-ul-o). Ankaŭ 'teologo' (te-ologo) - konvenas se, en la kunteksto, la leganto verŝajne ne miskomprenos

nornen (Wasifu wa mtumiaji) 1 Novemba 2017 5:49:29 asubuhi

noelekim:Por specialisto pri teo, mi dirus 'tefakulo' (te-fak-ul-o). Ankaŭ 'teologo' (te-ologo) - konvenas se, en la kunteksto, la leganto verŝajne ne miskomprenos
Tefakulo estas tre taŭga vorto. Tamen kion signifu "teologo"? Te'o'log'o? Bedaŭrinde "olog" ne estas oficiala vorto, kaj tial ne taŭga por ĝenerala kaj publika interparolado.

StefKo (Wasifu wa mtumiaji) 1 Novemba 2017 3:19:16 alasiri

noelekim:'teologo' kaj 'teologio' jam estas kombinaĵoj el la baza provizo, nome la radikoj teolog' kaj teologi' kun -o. Ambaŭ radikoj oficiale eniris nian lingvon en 1909 kaj mi ne komprenas kial oni volus ilin anstataŭigi.

Por specialisto pri teo, mi dirus 'tefakulo' (te-fak-ul-o). Ankaŭ 'teologo' (te-ologo) - konvenas se, en la kunteksto, la leganto verŝajne ne miskomprenos
Simple: "telogo"

nornen (Wasifu wa mtumiaji) 1 Novemba 2017 3:55:32 alasiri

Telogo? Mi timas ke "log" ne signifas kion vi celas. Telogo estas la karesa altirforto de teo.

noelekim (Wasifu wa mtumiaji) 2 Novemba 2017 3:02:21 asubuhi

nornen:
noelekim:Por specialisto pri teo, mi dirus 'tefakulo' (te-fak-ul-o). Ankaŭ 'teologo' (te-ologo) - konvenas se, en la kunteksto, la leganto verŝajne ne miskomprenos
Tefakulo estas tre taŭga vorto. Tamen kion signifu "teologo"? Te'o'log'o? Bedaŭrinde "olog" ne estas oficiala vorto, kaj tial ne taŭga por ĝenerala kaj publika interparolado.
Jes, neoficiala, kiel ankaŭ granda parto de la vortprovizo de Esperanto (omleto, origamio, ostaĝo ...). Sed ĉu ekzistas unu sperta Esperantisto kiu ne scias ke -ologo signifas "scienculo, fakulo pri la koncerna temo"? www.reta-vortaro.de/revo/art/olog.html

Kriketo (Wasifu wa mtumiaji) 8 Novemba 2017 10:10:10 alasiri

Dankon!
Mi tre ŝatas la vorton "tefakulo". Kompreneble, mi neniam volis anstataŭiĝi vorton el la baza vortaro!

Kurudi juu