去目錄頁

关闭的

Kiel vi uzas 'ne devi'?

从 ito, 2017年11月16日

讯息： 12

语言: Esperanto

ito (显示个人资料) 2017年11月16日上午7:36:40

Kiel vi uzas 'ne devi'?

1. ekzistas devo eviti ion
2. mankas devo fari ion
3. ne uzas 'ne devi' por eviti konfuzon

La rilata artikolo estas tie en PMEG.
Mi mem ne intencas aliĝi en diskuto ĉi tie, mi nur volas scii, lasttempe kiel nia-lingvanoj uzas 'ne devi' aŭ ne uzas ĝin.

Metsis (显示个人资料) 2017年11月16日上午8:32:50

2.

sudanglo (显示个人资料) 2017年11月16日上午11:43:30

Instru-plena estas kion diras PMEG pri tiu temo.

Principe estas granda diferenco inter ne devi kaj devi ne.

Ne devi logike signifas, ke mankas devo fari ion, ke regas libereco.
Devi ne logike signifas, ke ekzistas devo eviti ion, ke mankas libereco.

Tamen Zamenhof uzis ne devi kaj devi ne sendistinge. Normale li uzis ne devi, iafoje devi ne. La efektiva signifo estas tamen preskaŭ ĉiam “devi ne”......

------------------------

Normale oni ankoraŭ sekvas la Zamenhofan uzadon de ne devi, sed multaj nun efektive uzas ne devi kaj devi ne laŭ iliaj logikaj signifoj. Tio povas iafoje eventuale estigi konfuzon kaj miskomprenon.

En la parolo oni ofte distingas per elparola emfazado. Se temas pri manko de devo, oni emfaze emfazas je devi. Alie oni emfazas alian vorton:

•Vi ne devas iri tien. Emfazo je devas. = Ne ekzistas devo por vi iri tien.
•Vi ne devas iri tien. Emfazo je iri. = Vi devas ne iri tien.

sudanglo (显示个人资料) 2017年11月16日下午12:38:30

Mi supozas ke sufiĉe ofte la celata signifo estas evidenta.

Vi ne devas forgesi ŝlosi la pordon - vi devas ŝlosi la pordon (vi devas ne forgesi)

Feliĉe, ni ne devis tranokti en tiu hotelo (ne estis bezono tranokti tie)

amigueo (显示个人资料) 2017年11月16日下午4:24:13

nu, ne estas por disputi ridulo.gif

mi rimarkas ke pri NE VOLI kaj VOLI NE estas simila konfuzo al tiu de DEVI NE kaj NE DEVI, kaj ne nur en esperanto.

nornen (显示个人资料) 2017年11月16日下午9:45:00

ito:Kiel vi uzas 'ne devi'?

1. ekzistas devo eviti ion
2. mankas devo fari ion
3. ne uzas 'ne devi' por eviti konfuzon

Mi ne intencas diskuti ĉi tie, mi nur volas scii, lasttempe kiel nia-lingvanoj uzas 'ne devi' aŭ ne uzas ĝin.
Mi persone uzas ĝin kun la unua signifo: Mi ne devas paroli pri ĝi. = Mi ne rajtas paroli pri ĝi. = Al mi estas malpermesata paroli pri ĝin. = Ekzistas devo por mi eviti paroli pri ĝi.

Tamen mi ne scias ĉu tia uzo estas ĝenerale akceptebla.

tommjames (显示个人资料) 2017年11月16日下午10:10:16

ito:Kiel vi uzas 'ne devi'?

1. ekzistas devo eviti ion
2. mankas devo fari ion
3. ne uzas 'ne devi' por eviti konfuzon

Mi ne intencas diskuti ĉi tie, mi nur volas scii, lasttempe kiel nia-lingvanoj uzas 'ne devi' aŭ ne uzas ĝin.
Mi uzas 2, ĉar tiu estas la plej logika, kaj mi inklinas al logiko. La ŝanco de miskompreno ne multe ĝenas min, kaj mi ne memoras okazon kiam tia miskompreno okazis en parolo inter mi kaj iu alia, do mi ne emas ĉirkaŭnavigi la aferon per 3. Kaj kiel diris sudanglo, la kuntekso ofte sufiĉas por klargi la sencon.

ito (显示个人资料) 2017年11月16日下午10:23:09

Dankegon kaj antaŭdankegon al ĉiuj almesaĝintoj kaj almesaĝontoj, kaj mi pardonpetas pri mia neĝentila ago ke malgraŭ mi faris tiun ĉi fadenon, mi mem ne aliĝas en diskuto.

sergejm (显示个人资料) 2017年11月17日上午4:35:53

Vi povas uzi 'ne devi' por ne tro severa devo, kiun vi volis scii en alia fadeno, sed nur por nea formo.
Kaj povas esti plia senco de 'ne devi': ne estas devo por agi aŭ ne agi, sed oni atendas ke vi ne agos.
Por esprimi ne severan positivan devon vi povas uzi 'Vi ne devas eviti ...' aŭ trovi pli taŭgan vorton anstataŭ 'eviti'.

amigueo (显示个人资料) 2017年11月17日上午10:44:54

sendube, se vi dubis pri DEVI vi dubos pri VOLI:

por eviti konfuzon, pli bone rondiri:

mi devmankas ĉeesti = mi sendevas ĉeesti
mi maldevas/malbezonas ĉeesti = mi senrajtas ĉeesti

kaj pri VOLI

mi volmankas ĉeesti = mi senvolas ĉeesti
mi malvolas ĉeesti = mi volas manki

回到上端