Al la enhavo
Respondi

Nekonata vorto: "enmaŝi"

de Holli, 2018-marto-12

Mesaĝoj: 10

Lingvo: Esperanto

Holli (Montri la profilon) 2018-marto-12 16:24:29

En la rakonto kiun mi legas nun troviĝas la vorto "enmaŝi". Mi ne povis trovi tiun vorton nek en la vortaro nek en la reto. Ĉu iu konas ĝin kaj povas klarigi, kio ĝi signifas? Dankon, amikoj!

sergejm (Montri la profilon) 2018-marto-12 17:19:15

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (Montri la profilon) 2018-marto-12 17:19:31

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (Montri la profilon) 2018-marto-12 17:19:50

Ruse tio estus "лезть в петлю" Mi elektas la trian sencon de PIV. Ankaŭ mi aldonus -igi aŭ -iĝi

thyrolf (Montri la profilon) 2018-marto-12 20:06:21

Ĉu povas estis, ke la vorto fakte skribiĝas "enmarŝi" ?

sergejm (Montri la profilon) 2018-marto-13 04:45:21

Jen estas ekzemplo el tekstaro.com:
Monato:Vilaĝanino estis Katja, junulino, kiu enmaŝiĝis en la homkomercista reto.
Sed tie estas "enmaŝiĝis", kun "-iĝi".
Eblas, ke en la teksto de Holli estas mistajpo, li donu al ni la kuntekston.

amigueo (Montri la profilon) 2018-marto-13 23:11:20

laŭ mi, "enmaŝi" havas similan sencon al "enliti" (esti lite; pli ofte, enlitiĝi), aŭ "enami" (esti en amo, pli ofte, enamiĝi/enamigi), aŭ "ennodi", aŭ "enmaĉi". do "fiŝo enmaŝis kaj ne kapablis fuĝi la reton"

sergejm (Montri la profilon) 2018-marto-14 01:27:00

'ami' kaj 'maĉi' estas verbaj radikoj kaj tio estas tute alia afero, 'en-' estas aldonata al verbo.
Pri 'enliti', mi pensas, vi pravas: 'enliti'='esti en lito', 'enlitiĝi'='veni (estiĝi) en liton', simile pri 'nodo'.
Pri 'enmaŝi': same, sed 'maŝo' estas multsignifa, necesas vidi la kuntekston.

thyrolf (Montri la profilon) 2018-marto-14 06:44:59

la fiŝo enretiĝas kaj ne enmaŝiĝas, ĉu ne? (Mi ne estas fiŝisto, cetere)

sergejm (Montri la profilon) 2018-marto-14 17:36:24

Laŭ la ekzemplo de PIV, enretiĝinta fiŝo povas tramaŝi por liberiĝi. (signifo 2)
Bovisto povas enmaŝigi bovon, sed lian instrumenton oni kutime nomas 'lazo' ('lasso'). (signifo 3)
Oni povas maŝi teksaĵon per trikiloj (signifo 1)
Kaj oni povas enmaŝigi ampermetron kaj voltmetron (signifo 4)

Reen al la supro