Zum Inhalt
Antworten

Nekonata vorto: "enmaŝi"

von Holli, 12. März 2018

Beiträge: 10

Sprache: Esperanto

Holli (Profil anzeigen) 12. März 2018 16:24:29

En la rakonto kiun mi legas nun troviĝas la vorto "enmaŝi". Mi ne povis trovi tiun vorton nek en la vortaro nek en la reto. Ĉu iu konas ĝin kaj povas klarigi, kio ĝi signifas? Dankon, amikoj!

sergejm (Profil anzeigen) 12. März 2018 17:19:15

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (Profil anzeigen) 12. März 2018 17:19:31

PIV:
*maŝ/o
1 Ĉiu el la nodoj, kiun formas la lanaj, silkaj ks fadenoj en trikita teksaĵo aŭ en reto: rekta, inversa maŝo; kuntriki du maŝojn; aldoni maŝon; surmetu 84 maŝojn; ŝi komencis preterlasi maŝojn, por ke la ŝtrumpo pli mallarĝiĝuB. ➞ maŝtenilo.
2 Ĉiu el la aperturoj, kiujn tiuj nodoj lasas inter si: la fiŝoj sin ŝovis tra la maŝoj de la reto.
3 Buklo, laŭvole streĉebla aŭ malstreĉebla, formita per ŝnuro k povanta servi por ĉirkaŭkapti, ĉirkaŭlaĉi, premsufoki kc. ☞ lazo.
4 Aro da branĉoj, kiuj interkonektiĝas ĉe nodoj k formas fermitan cirkviton.
maŝaro. Tuto da interkonektitaj aparatoj, stacioj aŭ homgrupoj: maŝaro de radiotelefonio; maŝaro da spionoj, da rezistantoj. ☞ reto.
dismaŝigi. Malstreĉi aŭ malfari la maŝojn de io: dismaŝigi malnovamodan trikaĵon.
nedismaŝiĝa. Tia, ke ĝiaj maŝoj ne malnodiĝas aŭ rompiĝas: nedismaŝiĝaj nilonaj ŝtrumpoj.

sergejm (Profil anzeigen) 12. März 2018 17:19:50

Ruse tio estus "лезть в петлю" Mi elektas la trian sencon de PIV. Ankaŭ mi aldonus -igi aŭ -iĝi

thyrolf (Profil anzeigen) 12. März 2018 20:06:21

Ĉu povas estis, ke la vorto fakte skribiĝas "enmarŝi" ?

sergejm (Profil anzeigen) 13. März 2018 04:45:21

Jen estas ekzemplo el tekstaro.com:
Monato:Vilaĝanino estis Katja, junulino, kiu enmaŝiĝis en la homkomercista reto.
Sed tie estas "enmaŝiĝis", kun "-iĝi".
Eblas, ke en la teksto de Holli estas mistajpo, li donu al ni la kuntekston.

amigueo (Profil anzeigen) 13. März 2018 23:11:20

laŭ mi, "enmaŝi" havas similan sencon al "enliti" (esti lite; pli ofte, enlitiĝi), aŭ "enami" (esti en amo, pli ofte, enamiĝi/enamigi), aŭ "ennodi", aŭ "enmaĉi". do "fiŝo enmaŝis kaj ne kapablis fuĝi la reton"

sergejm (Profil anzeigen) 14. März 2018 01:27:00

'ami' kaj 'maĉi' estas verbaj radikoj kaj tio estas tute alia afero, 'en-' estas aldonata al verbo.
Pri 'enliti', mi pensas, vi pravas: 'enliti'='esti en lito', 'enlitiĝi'='veni (estiĝi) en liton', simile pri 'nodo'.
Pri 'enmaŝi': same, sed 'maŝo' estas multsignifa, necesas vidi la kuntekston.

thyrolf (Profil anzeigen) 14. März 2018 06:44:59

la fiŝo enretiĝas kaj ne enmaŝiĝas, ĉu ne? (Mi ne estas fiŝisto, cetere)

sergejm (Profil anzeigen) 14. März 2018 17:36:24

Laŭ la ekzemplo de PIV, enretiĝinta fiŝo povas tramaŝi por liberiĝi. (signifo 2)
Bovisto povas enmaŝigi bovon, sed lian instrumenton oni kutime nomas 'lazo' ('lasso'). (signifo 3)
Oni povas maŝi teksaĵon per trikiloj (signifo 1)
Kaj oni povas enmaŝigi ampermetron kaj voltmetron (signifo 4)

Zurück nach oben