去目錄頁
回应

Kiel transformi rektan parolon

从 ohojiro, 2019年3月25日

讯息： 12

语言: Esperanto

ohojiro (显示个人资料) 2019年3月25日上午3:11:37

Karaj forumejanoj

Mi demandas al vi rlate al vola modo. Ĉu oni povas transformi jenan frazon en rekta parolo en nerektan?

1) Li diris al mi: "Laboru plu." → 2) Li diris al mi, ke mi laboru plu.

Al mi la frazo 2) sonas strange, ĉar dum la "Laboru" en 1) esprimas volon de li, la "laboru" en 2) esprimas volon de mi.

Ĉu frazo 2) taŭgas? Kiel transformi 1) ?

sergejm (显示个人资料) 2019年3月25日上午4:33:16

Imperativo per si mem indikas nenies volon.
3) Li venis de la estro kaj diris al mi: "Laboru plu!"
4) Li venis de la estro kaj diris al mi, ke mi laboru plu.
Ni vidas ke ĉi tie tio estas volo de la estro, kvankam li diris la samon.
5) Li diris al mi: "La laboro estu finita hodiaŭ"
Ĉu li ordonis al la laboro?

Metsis (显示个人资料) 2019年3月25日上午7:27:44

Vidu ankaŭ la ĉapitron pri nerekta parolo en PMEG.

StefKo (显示个人资料) 2019年3月25日上午8:55:20

ohojiro:Karaj forumejanoj

Al mi la frazo 2) sonas strange, ĉar dum la "Laboru" en 1) esprimas volon de li, la "laboru" en 2) esprimas volon de mi.
Por ke la frazo 2) ne sonus strange oni povas precizigi KE per POR: Li diris al mi POR KE mi laboru plu.
Subjunkcio KE fakte estas multesignifa, do malmulte preciza kaj duba.

ohojiro (显示个人资料) 2019年3月25日上午11:45:29

Mi estadus miskomprenanta la aferon ĝis nun. Dankon al ĉiuj konsilintoj.

sudanglo (显示个人资料) 2019年3月28日上午11:40:48

Stefko, post 'por ke' oni kutime uzas la u-formon - por ke la frazo ne sonu strange.
Mi estadus miskomprenanta la aferon ĝis nun
Ohojiro, tio estas iom tro komplika.

Mi miskomprenis la aferon ĝis nun, aŭ, dum longa tempo mi miskomprenis

StefKo (显示个人资料) 2019年3月28日下午12:06:23

sudanglo:Stefko, post 'por ke' oni kutime uzas la u-formon - por ke la frazo ne sonu strange.
Mi estadus miskomprenanta la aferon ĝis nun
Ohojiro, tio estas iom tro komplika.

Mi miskomprenis la aferon ĝis nun, aŭ, dum longa tempo mi miskomprenis
El Vortaro.net:

Por ke principe sekvigas la u-modon, krom en maloftaj okazoj, kie ĝi montras ne la celadon, la intencon, sed nur la efektivan aŭ neintencitan rezulton: (...) multe mankas, por ke li estus sukcesinta.

amigueo (显示个人资料) 2019年3月28日下午4:09:34

1/ " mi longis/estadis miskomprenanta la aferon ĝis nun. (ho, bela frazo. dankon, ohojiro, pro via inspira stilo).

2/
a) hi pagis pli, kontraŭ ke ŝi laboris pli.
b) hi pagis pli, kontraŭ ke ŝi laboru pli.

ohojiro (显示个人资料) 2019年3月29日上午4:09:55

ohjiro:Mi estadus miskomprenanta la aferon ĝis nun
sudanglo:Ohojiro, tio estas iom tro komplika.

Mi miskomprenis la aferon ĝis nun, aŭ, dum longa tempo mi miskomprenis
Dankon, sudanglo.

Mia esprimo estas tradukaĵo el la japana. Mi ankoraŭ ne povas libere fari frazojn rekte en Esperanto. Bonvolu gvidi min plu, mi petas.

sudanglo (显示个人资料) 2019年3月31日下午12:26:43

Por ke principe sekvigas la u-modon, krom en maloftaj okazoj, kie ĝi montras ne la celadon, la intencon, sed nur la efektivan aŭ neintencitan rezulton: (...) multe mankas, por ke li estus sukcesinta.
Bone, Stefko, sed ĉu vi ne sentas ke via rekomendo (por ke ĝi ne sonu strange) ja estas cel-orientita.

回到上端