讯息： 21
语言: Esperanto
Grenade (显示个人资料) 2019年5月8日下午1:11:51
Mi ĵus rimarkis, ke en la tria ĉapitro de la kurso, estas skribita: "Estas laŭta bruo. La brŭo venas de la granda ŝranko, kiu straras en la ĉambro". Kial "de la ŝranko", kaj ne "el la ŝranko" ?
Dankon por via helpo.
(Se mi male skribis Esperanton, bonvolu ankaŭ korekti min.)
Metsis (显示个人资料) 2019年5月9日上午6:57:42
"De" estas tre (kaj tro) plursenca prepozicio. Unu el ĝiaj signifoj estas veno el iu malferma spaco. Do "de la ŝranko" povas signifi "de la flanko de la ŝranko", kiel Sergejm diris, sed pli bona estus uzi formon "de ĉe la ŝranko". kial ĉi tiu esprimo estas pli preciza.
Legu la klarigojn kaj ekzemplojn de la du prepozicioj en PIV: de kaj el.
sudanglo (显示个人资料) 2019年5月9日下午3:58:36
Grenade:Mi ĵus rimarkis, ke en la tria ĉapitro de la kurso, estas skribita: "Estas laŭta bruo. La brŭo venas de la granda ŝranko, kiu straras en la ĉambro". Kial "de la ŝranko", kaj ne "el la ŝranko" ?Mi preferus 'la bruo venas de la ŝranko' por indiki la fonton de la bruo
Se io venas el io, la implico estas ke tio ne plu estas ene.
Ĉu la bruo estis iam en la ŝranko kaj nun estas ekster ĝi?
StefKo (显示个人资料) 2019年5月9日下午4:34:54
veni
(...)
2 Moviĝi de la loko, kie oni estis, ĝis alia loko: mi venas de la avo, k iras nun al la onklo; li venas de Usono; greno, kiu venas de Siberio; la vento venas de nordo(...)
el
I- Prep. montranta:
1 La limigitan spacon aŭ la objekton, de kies interno io sin movas eksteren: forpeli iun el la domo; eliri el la urbo; flago pendis el la fenestro; depost lia reveno el Hispanujo
(...)
III- Pref. montranta:
1 Direkton de la interno eksteren: elveturi; eltiri karbon el minejo; elbati najlon el tabulo; elveni; (...)
Do veni el la ŝranko malsimilas veni de la ŝranko. Por esti pli preciza oni povas uzi elveni el la ŝranko por precizigi ke bruo venas el interno de la ŝranko. Ja estas diferenco ĉu la bruo venas el ekster la ŝranko (ekz. kato malantaŭ la ŝranko), ĉu el interno de la ŝranko (kato en la ŝranko). En ĉiutaga parolo, ŝajnas ke sufiĉas diri venas el la ŝranko.
Certe en viaj lingvoj estas same. En la pola de=od, el=z (ze), ekz. de domo=od domu, el domo=z domu.
Metsis (显示个人资料) 2019年5月11日下午1:47:08
1) "La bruo venas el la ŝranko" ne estas korekta, ĉar ĝi implicas, ke bruo estas unuo, kiu povas forlasi la ŝrankon. Ĉi tial "la bruo venas de la ŝranko" estas korekta.
2) "La bruo venas el la ŝranko" estas mallongigita de "la bruo elvenas el la ŝranko" kaj signifas, ke la bruo havas originon ene de la ŝranko.
3) "La bruo venas de la ŝranko" signifas, ke la bruo havas originon proksime sed ekstere de la ŝranko.
Nun mi konfuziĝis.
