Skip to the content
Reply

Ĉu skribi "pli da" kaj "plu da" same kiel " plua" kaj " plia"

by Nala_Cat15, July 28, 2019

Messages: 9

Language: Esperanto

Nala_Cat15 (User's profile) July 28, 2019, 12:12:37 AM

Ĉu skribi "pli da" kaj "plu da" same kiel "plua" kaj " plia"

Ĉu ĉi tiuj aferoj esence estas la samaj?

sergejm (User's profile) July 28, 2019, 2:16:57 AM

"pli" rilatas al kvanto, "pli da" signifas "pli multe da".
"plu" rilatas al daŭro de ago en tempo kaj/aŭ spaco.
"plu da" estas malofte uzata, en tekstaro.com mi trovis nur "ne plu da", ekz. "ne plu da mono"
Ofte la diferenco estas malgrand, vi povas uzi ambaŭ:
"plua manĝaĵo": la kelnero alportos jam menditan manĝaĵon laŭ ordo.
"plia manĝaĵo": vi volas manĝi ion pli.

Nala_Cat15 (User's profile) July 28, 2019, 3:31:32 AM

Mi demandis ĉu pli da estas same kiel plua, kaj ĉu plu da estas same kiel plua. Mi bedaŭras pro la konfuzo

Ĉu Plu da = plua? Kaj
Ĉu Pli da= plia?

Nala_Cat15 (User's profile) July 28, 2019, 4:39:53 AM

Klarigante plu, ĉu diri

“ mi volas pli da manĝaĵo“ same kiel “ mi volas plian manĝaĵon” ???

kaj

“Mi volas plu da manĝaĵo” same kiel “ mi volas pluan manĝaĵon”???

sergejm (User's profile) July 28, 2019, 8:01:09 AM

"Mi volas plu da manĝaĵo" sonas strange. "Plu" rilatas al "volas", ne al "manĝaĵo". Diru "mi plu volas manĝaĵon".
En tekstaro.com mi trovis nur negativajn ekzemplojn de "plu da". "Ne plu da manĝaĵo" estas mallongigo de "ne estas plu eĉ iom da manĝaĵo".
"Plu" rilatas al ago, do "pluan manĝaĵon" vi devas manĝi tuj, sed "plian manĝaĵon" vi povas kunpreni kaj manĝi poste.
"Pli da" ofte estas ekvivalenta al "plia" (sed la lasta povas havi akuzativon, post "da" akuzativo neniam estas).

Nala_Cat15 (User's profile) July 28, 2019, 10:58:15 PM

The message is hidden.

Nala_Cat15 (User's profile) July 28, 2019, 10:58:39 PM

dankegon.

Metsis (User's profile) July 29, 2019, 9:48:53 AM

Ankaŭ mi ofte miksas "pli" kaj "plu", sed kiel Sergejm jam diris, "pli" rilatas al kvanto kaj "plu" al tempo aŭ spaco.

Kvankam teorie oni povas formi adjektivajn vortojn "plia" kaj "plua", miasperte en praktiko ili ne estas tre ofte uzataj. Kelkaj uzoj de ili laŭ Tekstaro.com:
  • Se oni bezonas nenion plian,…
  • …kun ia plia sento
  • …tamen li ne povis memori pri io plia
  • Ni transiru nun al la pluaj faktoj.
  • Sed post plua pripensado…
  • …en la tempo de la plua veturado…

sudanglo (User's profile) July 29, 2019, 2:55:55 PM

Ni atendu ankoraŭ pliajn 5 minutojn (au 5 pliajn minutoj) . Eble ŝi maltrafis la buson.

(Bone! Sed ni ne atendu pli ol 5 minutojn. Mi timas ke ni maltrafos la komencon de la filmo, se ni atendos pli longe)

Mi pensas ke oni ne dirus 'ni atendu ankoraŭ pli 5 da minutoj (aŭ 5 pli da minutoj)'.

Se mi pravas, almenaŭ en tiu imagita dialogo 'pliaj' ne estas anstataŭigebla per 'pli da'.

Back to the top