Kwa maudhui
Kujibu

Ĉu skribi "pli da" kaj "plu da" same kiel " plua" kaj " plia"

ya Nala_Cat15, 28 Julai 2019

Ujumbe: 9

Lugha: Esperanto

Nala_Cat15 (Wasifu wa mtumiaji) 28 Julai 2019 12:12:37 asubuhi

Ĉu skribi "pli da" kaj "plu da" same kiel "plua" kaj " plia"

Ĉu ĉi tiuj aferoj esence estas la samaj?

sergejm (Wasifu wa mtumiaji) 28 Julai 2019 2:16:57 asubuhi

"pli" rilatas al kvanto, "pli da" signifas "pli multe da".
"plu" rilatas al daŭro de ago en tempo kaj/aŭ spaco.
"plu da" estas malofte uzata, en tekstaro.com mi trovis nur "ne plu da", ekz. "ne plu da mono"
Ofte la diferenco estas malgrand, vi povas uzi ambaŭ:
"plua manĝaĵo": la kelnero alportos jam menditan manĝaĵon laŭ ordo.
"plia manĝaĵo": vi volas manĝi ion pli.

Nala_Cat15 (Wasifu wa mtumiaji) 28 Julai 2019 3:31:32 asubuhi

Mi demandis ĉu pli da estas same kiel plua, kaj ĉu plu da estas same kiel plua. Mi bedaŭras pro la konfuzo

Ĉu Plu da = plua? Kaj
Ĉu Pli da= plia?

Nala_Cat15 (Wasifu wa mtumiaji) 28 Julai 2019 4:39:53 asubuhi

Klarigante plu, ĉu diri

“ mi volas pli da manĝaĵo“ same kiel “ mi volas plian manĝaĵon” ???

kaj

“Mi volas plu da manĝaĵo” same kiel “ mi volas pluan manĝaĵon”???

sergejm (Wasifu wa mtumiaji) 28 Julai 2019 8:01:09 asubuhi

"Mi volas plu da manĝaĵo" sonas strange. "Plu" rilatas al "volas", ne al "manĝaĵo". Diru "mi plu volas manĝaĵon".
En tekstaro.com mi trovis nur negativajn ekzemplojn de "plu da". "Ne plu da manĝaĵo" estas mallongigo de "ne estas plu eĉ iom da manĝaĵo".
"Plu" rilatas al ago, do "pluan manĝaĵon" vi devas manĝi tuj, sed "plian manĝaĵon" vi povas kunpreni kaj manĝi poste.
"Pli da" ofte estas ekvivalenta al "plia" (sed la lasta povas havi akuzativon, post "da" akuzativo neniam estas).

Nala_Cat15 (Wasifu wa mtumiaji) 28 Julai 2019 10:58:15 alasiri

Ujumbe umefichwa.

Nala_Cat15 (Wasifu wa mtumiaji) 28 Julai 2019 10:58:39 alasiri

dankegon.

Metsis (Wasifu wa mtumiaji) 29 Julai 2019 9:48:53 asubuhi

Ankaŭ mi ofte miksas "pli" kaj "plu", sed kiel Sergejm jam diris, "pli" rilatas al kvanto kaj "plu" al tempo aŭ spaco.

Kvankam teorie oni povas formi adjektivajn vortojn "plia" kaj "plua", miasperte en praktiko ili ne estas tre ofte uzataj. Kelkaj uzoj de ili laŭ Tekstaro.com:
  • Se oni bezonas nenion plian,…
  • …kun ia plia sento
  • …tamen li ne povis memori pri io plia
  • Ni transiru nun al la pluaj faktoj.
  • Sed post plua pripensado…
  • …en la tempo de la plua veturado…

sudanglo (Wasifu wa mtumiaji) 29 Julai 2019 2:55:55 alasiri

Ni atendu ankoraŭ pliajn 5 minutojn (au 5 pliajn minutoj) . Eble ŝi maltrafis la buson.

(Bone! Sed ni ne atendu pli ol 5 minutojn. Mi timas ke ni maltrafos la komencon de la filmo, se ni atendos pli longe)

Mi pensas ke oni ne dirus 'ni atendu ankoraŭ pli 5 da minutoj (aŭ 5 pli da minutoj)'.

Se mi pravas, almenaŭ en tiu imagita dialogo 'pliaj' ne estas anstataŭigebla per 'pli da'.

Kurudi juu