Sadržaj
Odgovori

Ĉu vi uzas la pronomon "ci"?

od Jxusteno, 2. prosinca 2019.

Poruke: 42

Jezik: Esperanto

Jxusteno (Prikaz profila) 2. prosinca 2019. 14:30:00

En la Universala Vortaro estas la pronomo "ci", sed tiu ĉi pronomo kredeble preskaŭ neniam estas uzata, ĉu vi iam ajn estas uzinta ĝin?

Jxusteno (Prikaz profila) 2. prosinca 2019. 14:32:28

Cetere, ĉu vi pli ofte renkontas la oficialan pronomon "ci" aŭ la neoficialan pronomon "ri"?

Nala_Cat15 (Prikaz profila) 3. prosinca 2019. 19:55:33

Mi uzas ĝin. Precipe kun homoj kiujn mi ne komprenas kiel serioza aŭ kun mia hundo. Ĝi estas neformala versio de "vi"tial laŭ mi, mia uzo de "ci" havas sencon, sed eble ne laŭ aliuloj. Mi uzas la vorton "Ci" pli ol "ri". Mi neniam havas kialon por uzi "ri". Kutime, mi ne ŝatas reformojn kaj mi ŝatas Esperanton kiel ĝi estas nune. Senrilate, mi ankaŭ uzas la sufikson "-ul-" kun mia hundo.

Metsis (Prikaz profila) 5. prosinca 2019. 08:53:41

Nala,

Supozu,m ke via hundo nomiĝas Alfie, esperante Alfo. Ĉu vi alvokas ĝin per "Ci, Alfulo, ne mordu miajn pantoflojn!"? ridulo.gif

Ĉu vi ne antaŭe havis katon kiel profilbildo? Ĉu vi ankaŭ havas katon?

Metsis (Prikaz profila) 5. prosinca 2019. 08:56:49

Pri ci…

Mi volus uzi ci en neŭtrala senco, sed mi scias, ke multaj esperantistoj ne konas la vorton aŭ la vorto ne estas neŭtrala por tiuj, kiuj konas ĝin. Do mi ne uzas la vorton.

Zam_franca (Prikaz profila) 5. prosinca 2019. 17:59:29

Mi estas kontraŭ la uzado de tiu vorto. En la franca, "ci" estas "tu", "vi" estas "vous". Se oni diras "vous" al oniaj amikoj, estas mokinda. Sed uzi "tu" parolante al nekonatuloj aŭ respektenduloj (ekzemple onia ĉefulo) estas nefarenda.
La angla sistemo estas pli universala kaj tial pli bona laŭ mi. Unu pronomo por ĉiu

Iru en la paĝon "pronomo" en vikipedio. Vi vidos, ke identigeblaj SAT-anoj skribis "burĝan movadon" al cele nomigi la Universalan Esperanto-Asocion!

Jxusteno (Prikaz profila) 5. prosinca 2019. 18:39:21

Zam_franca:Mi estas kontraŭ la uzado de tiu vorto. En la franca, "ci" estas "tu", "vi" estas "vous". Se oni diras "vous" al oniaj amikoj, estas mokinda. Sed uzi "tu" parolante al nekonatuloj aŭ respektenduloj (ekzemple onia ĉefulo) estas nefarenda.
La angla sistemo estas pli universala kaj tial pli bona laŭ mi. Unu pronomo por ĉiu

Iru en la paĝon "pronomo" en vikipedio. Vi vidos, ke identigeblaj SAT-anoj skribis "burĝan movadon" al cele nomigi la Universalan Esperanto-Asocion!
La vorto "ci" estas en la Fundamento, sed estas preferinde laŭeble eviti tiun ĉi pronomon.
Nu, oni povas diri ci al Dio, se oni volas uzi koncerne Lin ununombran pronomon. Sed tute ne uzi la pronomon ci, uzante anstataŭ ĝin la pronomon vi, ankaŭ estas laŭgramatike tute ĝuste (eble eĉ preferinde).

Jxusteno (Prikaz profila) 5. prosinca 2019. 18:45:05

Ekzemple, la angla thou ("ci") kredeble estas uzata preskaŭ nur, kiam oni preĝas.

Jxusteno (Prikaz profila) 5. prosinca 2019. 18:49:31

Ĉu la vilaĝanoj kaj nobeloj ne povas iĝi membroj de UEA? Ĉu ĝi estas nur por la burĝoj?

Jxusteno (Prikaz profila) 5. prosinca 2019. 18:53:37

Metsis:Pri ci…

Mi volus uzi ci en neŭtrala senco, sed mi scias, ke multaj esperantistoj ne konas la vorton aŭ la vorto ne estas neŭtrala por tiuj, kiuj konas ĝin. Do mi ne uzas la vorton.
La pronomo ci estas ununombra duapersona pronomo, dum la pronomo vi jen estas ununombra, jen multenombra depende de la kunteksto.
Mi ne komprenas, pri kiu neŭtraleco temas.

Natrag na vrh