Messages : 16
Langue: Esperanto
StefKo (Voir le profil) 29 novembre 2020 09:48:49
Mi priskribas kiel estas en la Pola:
1) Se listigo (elnombrado) ne estas antaŭita per ĝenerala specifo (ekz. jenaj, sekvantaj), oni ne uzas dupunkton. La listo aspektas tiel:
Mi volas krajonojn verdan, bluan kaj ruĝan
Kiel en Esperanto (sed la komplemento estas alie).
2) Kiam ni nur mencias du vortojn aŭ esprimojn ligitajn per la konjunkcio „kaj”, ni skribas same:
Mi volas krajonojn verdan kaj ruĝan
Do kiel en Esperanto (sed la komplemento estas alie).
3) Kiam listigo estas markita en ĝenerala formo, ekz. „jenaj”, „sekvantaj”, oni uzas dupunkton:
Mi volas jenajn krajonojn: verdan, bluan kaj ruĝan.
Tiun ĉi manieron oni uzas prefere por pli longaj listigoj (3 kaj pli elementoj). Tio estas evidenta.
Metsis (Voir le profil) 8 décembre 2020 09:10:18
Eble la logiko estas jena:
Ĉar oni povas skribi kunmetitajn vortojn per tri manieroj en la espa
- vaporŝipo
- vapora ŝipo
- ŝipo de vaporo
la frazo "Mi volas verdan kaj ruĝan krajonon" signifas, ke oni parolas pri unu krajono kun du koloroj. Por montri ke temas pri du koloroj, oni uzas la esprimon "Mi volas verdan kaj ruĝan krajonojn".
Pri la demando de Stefko
en la finna
1) Mi volas bluan, ruĝan kaj verdan krajonon.
sen dupunkto, unu el ĉiuj koloroj, koloroj en alfabeta ordo
2) Mi volas ruĝan kaj verdan krajonon
kun "kaj", koloroj en alfabeta ordo
3) Mi volas sekvajn krajonojn: bluan, ruĝan kaj verdan.
tri aŭ pli elementoj, unu el ĉiuj koloroj, koloroj en alfabeta ordo kaj same kiel en la pola evitu en la ordinara teksto, havas ankaŭ nuancon de ordono
Altebrilas (Voir le profil) 8 décembre 2020 11:28:05
Unu krajono kaj duono estas ruĝa? aŭ ruĝaj?
Metsis (Voir le profil) 9 décembre 2020 08:57:37
Altebrilas:Tri kvaronoj da krajono estas ruĝaj.Laŭ mi tiu esprimo estas sensencaĵo, ĉar ne temas pri entjeroj.
Unu krajono kaj duono estas ruĝa? aŭ ruĝaj?
Altebrilas (Voir le profil) 9 décembre 2020 11:39:22
Tri kvaronoj da pomo estas sufiĉaj.Kial oni bezonas entjerojn?
Unu pomo kaj duono estas sufiĉa? aŭ sufiĉaj?
Kompreneble oni povas diri "sufiĉas". Sed ĉu oni malpermesu tiukaze adjektivojn pri aferoj po ne-entjeraj kvantoj?
Metsis (Voir le profil) 10 décembre 2020 08:20:39
• Tri kvaronoj da krajonoj/pomoj estas ruĝaj.
Temas pri multaj krajonoj/pomoj, el kiuj la difinita kvanto estas ruĝaj. En esprimo
• Tri kvaronoj da krajono/pomo estas…
temas pri unu krajono/pomo, el kiu la difinita parto estas… ja, mi aŭtomate diras per singulara "ruĝa", ĉar temas nur pri unu.