Messaggi: 11
Lingua: Esperanto
Altebrilas (Mostra il profilo) 27 ottobre 2021 16:50:36
Tio estas stranga. (subjekto, do adjektivo)
Tio aspektas strange.
Tio ŝajnas stranga.
Kial?
En la franca, la tradukoj de tiuj du lastaj verboj estas sinonimaj, kaj obeas al la sama gramatika regulo.
StefKo (Mostra il profilo) 28 ottobre 2021 05:44:52
subjekto
1 Sintaksa funkcio k frazelemento kun tia funkcio, esprimanta la aferon, pri kiu oni asertas, ke ĝi plenumas ian agon aŭ estas en ia stato
adverbo Vortospeco, dependanta de verbo, adj. aŭ alia adverbo k esprimanta ideon pri eco, maniero, loko, tempo, kvanto ks, ekz. «bele», «fuŝe», «hejme», «ĉiutage», «multe».
aspekti (ntr) Prezentiĝi al la vido kun ia(j) ekstera(j) eco(j):
ŝajni (ntr)Substrekoj estas miaj.
I -
Ekstere aspekti simile al io alia, tiel ke povas okazi aŭ efektive okazas interkonfuzo aŭ eraro
Tiel estas ankaŭ en la pola. Estas multaj sinonimaj vortoj de tiuj ĉi vortoj. Malgraŭ iam tanĝaj sencoj povas estadi. Ĉu la franca, malgraŭ sia precizeco, ĉi tie ne estas preciza? Ĉu ne estas io diferenca se iu dirus al vi:
1. Li aspektas stulte.
2. Li ŝajnas stulta.
En 1. Li estas tia, ĉiuj vidas tion. En 2. Li nur ŝajnas stulta sed li ne estas tia kiel li aspektas (interkonfuzo kaj eraro!).
PS. Kial francoj ne tradukas la vorton ŝajni kiel sambler aŭ être semblable? (el Google translate)
amigueo (Mostra il profilo) 28 ottobre 2021 08:38:37
Mi pensas kompreni ke
"Tio" povas esti pli abstrakta ol "tio".
-e implicas pliabstraktecon.
Komprenite?
2. Aspekto kaj sxajno?
Origine vidaj, sed cxiuj aliaj sensoj kaj gxenerala percepto aplikigxas al Sxajni kaj Aspekti.
En Eo mankas tiu gxenerala verbo de Percepto:
Mi perceptas vin mola.
Mi perceptis vin, sed mia amiko perceptis alian.
Cxar normale du perceptoj de "sama" afero diferencas, perceptoj cxiam suspektindas, ecx tiuj sciencaj.
Pliutile krei percepton per kombino de multaj perceptetoj. Kiam ni agnoskas ke nia percepto suspektindas pro simplo, Sxajni kaj Aspekti aperas. Atentu ke tiu trezorkaso povus esti nur miragxo, ke la fumilo povus esti nur desegnajxo.
3. Tute nenecesas verboj Aspekti kaj Sxajni.
Mi vidas kukon.
Kuko vidigxas.
Kuko vidigxas blanka kaj mordigxas tenera.
Kuko perceptigxas blanka kaj tenera kaj kostega.
Pano vidigxas kuko.
Karlo auskultigxas Petro
Matteo vidigxigis/sxajnigis sin Karlo.
Rezulte, Matteo perceptigxas/sxajnas Karlo.
"Mi aspektas Karlo"
Prave,
Aspekti fakas econ dum Sxajni fakas miragxon!
Ni dokte pravu kaj agnosku ke cxio sxajnigxas.
Cxio aspektigxas...
Nu, pli sagxus diri ke preskaux cxio ne perceptigxas, ne konigxas, ne eksciigxis.
Oni perceptus/pensus min Sokrato.
4. Estas mirinde ke cxiu vorto inspiras legendon!
Altebrilas (Mostra il profilo) 29 ottobre 2021 16:55:32
Mi povas imagi frazojn kiel:
La frenezulo strange ŝajnas ordinara.
Sed dubas pri:
La frenezulo strange aspektas ordinare (?)
Frazo kun du adverboj havantaj malaj signifojn!
Pri la reglo a/e pri abstrakteco, el kie ĝi fontas? Mi neniam vidis ĝin antaŭe.
StefKo (Mostra il profilo) 30 ottobre 2021 07:57:11
Evidente. Sed tio pro la vortoj strange kaj ordinare kaj ne pro du adverboj. Se vi uzus la vortojn, ekz. iafoje kaj ordinare, ĉu vi ankaŭ dubus? Tiel:
La frenezulo iafoje aspektas ordinare
Aliamaniere vi povas uzi la vorton strange, kiel la frazo enmiksita. Tiel:
La frenezulo, strange, aspektas ordinare
amigueo (Mostra il profilo) 30 ottobre 2021 09:22:45
1. Li aspektas stulte.
2. Li ŝajnas stulta.
Cxio venas el nuancoj cxe verbo "esti"
(cxar "sxajni" kaj "aspekti" estas verbo "esti" vestita dumaniere:
sxajni = sxajne esti;
aspekti = aspekte esti).
Jen nuancoj:
Sxi estas bela vs Sxi estas bele.
En la hispana oni tradukus:
Es hermosa vs Está hermosa.
amigueo (Mostra il profilo) 30 ottobre 2021 09:41:52
alaspekta. Donanta al iu ian, bonan aŭ malbonan, aspekton: nova ĉapelo, kiu estis al li tiel bone alaspekta Z; bone alaspektaj vestoj Z.
Surprizo! Bela rimedo al!!
Cxu iu komprenas gxin?.
StefKo (Mostra il profilo) 30 ottobre 2021 10:38:22
Mi ne scias ĉu tia konstruaĵo estas en la rusa (ja ĝi ankaŭ influis sur Esperanton) kaj en aliaj lingvoj. Povas esti aliaj forumanoj scias tion.
Altebrilas (Mostra il profilo) 02 novembre 2021 15:15:17
"Kion mi ne ALdiros, tion mi ALaspektos"Mi ne estas certa kompreni tiun frazon. Post relegado, mi supozas, ke tio signifas ke ŝia beleco kompensas aĉan paroladon aŭ aktoradon. Sed kio povas esti la kromsignifo? Ĉu la frazo signifas:
"Ne gravas, ke mi aĉe (aŭ malmulte) parolas, ĉar mi estas bela"
aŭ:
"mi devas esti bela kaj silenti, ĉar tion atendas la viroj" ?
Altebrilas (Mostra il profilo) 02 novembre 2021 15:18:23
Sxi estas bele.Mi nek scias pri tiu formo: ĉu ĝi signifas "ŝi vivas bele" aŭ "ŝia ekzisto estas bela" ?