Til innholdet
Svare

Enigmo por la semajnfino: kiel diamantoj malaperis?

fra Miland,2008 12 26

Meldinger: 13

Språk: Esperanto

Miland (Å vise profilen) 2008 12 26 19:20:56

Imperiestrino Kleopatra tenas diamantaron en skatolo kun glitanta kovrilo. Por malhelpi ŝtelistojn, ŝi havas etan dorlotbeston en la skatolo: venena aspo!

Kiam ŝi iras for al la palaca banĉambro, ŝia sklavo sukcesas ŝteli kelkajn diamantojn sen tuŝi aŭ eligi la serpenton. Li ne surportas protektilon. Kiel li faras tion?

Verda stelo por la unua ĝusta solvo!

Frankouche (Å vise profilen) 2008 12 26 19:48:54

Tre simple:

1- Li metas la ganton de Kleopatro, kaj la serpento flarante kredas ke tiu estas Kleopatro.
2- Li metas serpentinon en la skatolo, tiel la serpento forgesas sian sakran mision pro siaj viraj instinktoj...huhu okulumo.gif
3- Li estis ĉarmisto de serpentoj antaŭ sklaviĝi.

Miland (Å vise profilen) 2008 12 26 22:34:51

Gantoj estas protektiloj. Li ne uzis nek gantojn nek ĉarmilojn kontraŭ le serpento. Krome, Kleopatro estis for kiam li ŝtelis la juvelojn.
Ne tiel simple!

Filu (Å vise profilen) 2008 12 26 22:48:56

Sciante pri la serpento, li antaŭ ol kapti la diamantojn fortege skuis la skatolon kaj eĉ ensendis dormigan fumon en ĝi (per tre malgranda aperturo kreita kiam la kovrilon oni glitetas) por trankviligi la serpenton. demando.gif

Frankouche (Å vise profilen) 2008 12 26 23:07:03

Li reversas malrapide la skatolon. Reflekse la terura serpento kroĉas sin en la skatolo dum la diamantoj falas surgrunde.

Miland (Å vise profilen) 2008 12 27 10:51:22

Li ne malutilas la serpenton. Do li nek skuas la skatolon perforte, nek enigas gason.
Krome, la serpenton ne havas kroĉilojn en la skatolo.

Frankouche (Å vise profilen) 2008 12 27 11:25:35

Li malfermas la skatolon sed lasas la kovrilon sure. Kiam li sentas la beston, li kaptas ĝin tra la kovrilon kiel la ĉarmistoj kutime faras.

horsto (Å vise profilen) 2008 12 27 12:43:59

Eble li malfermas la (glitantan) kovrilon nur tiel vaste ke kelkaj diamantoj povas eliri, sed ne la serpento. Li tiam renversas la skatolon kaj la (pli malgrandaj) diamantoj elfalas.

Miland (Å vise profilen) 2008 12 27 17:41:20

horsto:..Li tiam renversas la skatolon kaj la (pli malgrandaj) diamantoj elfalas.
Gratulon! La kerna ideo estas renversi la skatolon. Vi pravas, kaj gajnas la verdan stelon:

★

horsto (Å vise profilen) 2008 12 27 17:56:25

Miland:
Gratulon! La kerna ideo estas renversi la skatolon. Vi pravas, kaj gajnas la verdan stelon:
Dankon!
Sed se renversi la skatolon estas la kerna ideo tiam ankaŭ Frankouche meritas la verdan stelon, li ja ankaŭ havis tiun ideon.
Li ankaŭ havis la bonegan ideon kun la serpentino. Parenteze, kiel oni distingas serpento de serpentino?

Tibake til toppen