Kwa maudhui
Kujibu

Interlingvao

ya MarCin83, 6 Juni 2009

Ujumbe: 10

Lugha: Esperanto

MarCin83 (Wasifu wa mtumiaji) 6 Juni 2009 4:34:36 alasiri

Saluton gesamlingvanoj!

Hodiaŭ mi legis artikolon pri Interlingvao en Vikipedio. La aŭtoro de la artikolo skribas, ke “en la komenco de la 21a jarcento ĝi [Interlingvao] estas la ĉefa konkuranto de Esperanto inter la planlingvoj”. (jen la ligilo:
http://eo.wikipedia.org/wiki/Interlingvao)

Mi mem ne konsentas kun la opinio de la aŭtoro. Sed kiel pensas vi pri Interlingvao? Ĉu laŭ via opinio Interlingvao estas vera konkuranto por Esperanto inter la planlingvoj?

AlfRoland (Wasifu wa mtumiaji) 6 Juni 2009 6:35:28 alasiri

MarCin83: Sed kiel pensas vi pri Interlingvao? Ĉu laŭ via opinio Interlingvao estas vera konkuranto por Esperanto inter la planlingvoj?
Iasence, kompreneble ĉiuj aliaj planlingvoj estas konkurantoj al Esperanto. Sed en la praktiko apenaŭ ne. La nombro de esperantoparolantoj estas tro malgranda, sed parolantoj de aliaj planlingvoj estas multe malpli. La motivo lerni planlingvon tre varias, la pioniroj devas esti forte konvinkitaj pri la utileco de sia lingvo kaj ni estu dankemaj ke Esperanto havis multajn pionirojn. Plej multo de ni, tamen lernas Esperaton por, per unu sola lingvo, ĝui interparolon kun homoj en tre diversaj landoj. Por ni nek Interlingvao nek alia, konkuranta al Esperanto, planlingvo estas alternativo.

richardhall (Wasifu wa mtumiaji) 6 Juni 2009 6:46:51 alasiri

Mi ankaŭ ne kredas ke interlingvao estas la ĉefa konkuranto de Esperanto. Fakte, mi konvinkiĝas ke ne alia planlingvo estas serioza konkuranto de Esperanto.

horsto (Wasifu wa mtumiaji) 6 Juni 2009 8:52:45 alasiri

vikipedio ankaŭ:Teorie, Interlingvaon povas pli-malpli kompreni sen studo la parolantoj de ĝiaj fontlingvoj : 1240 milionoj da homoj, unu kvinono de la homaro. Fakte komprenas ĝin kleraj homoj parolantaj la latinidajn lingvojn, t.e. verŝajne ĉirkaŭ 100 aŭ 150 milionoj de homoj.
Mi ne scias, kiam mi legas tiajn frazojn, tiam mi scias kiu skribis la artikolon kaj kiom serioza ĝi estas.

Rogir (Wasifu wa mtumiaji) 6 Juni 2009 9:49:58 alasiri

Nu, iuj diras ke esperanto 'ne estas lingvo', sed pli rajtas diri tion pri interlingvao. Laŭ mia scio, ĉiu vorto de interlingvao estas la vorto plej ofta en la latinidaj lingvoj. Sed, ĉu iu povas kaj volas diri pli?

EL_NEBULOSO (Wasifu wa mtumiaji) 7 Juni 2009 7:28:20 asubuhi

Mi ne opinias ke Interlingvao estas vera konkuranto de Esperanto, sed la lingvo estas facile legebla.

Gerald

sinjoro (Wasifu wa mtumiaji) 7 Juni 2009 11:24:43 asubuhi

"Por ke lingvo estu internacia, ne sufiĉas nomi ĝin tia" - la regulon interlingvaistoj neglektas.

EL_NEBULOSO:sed la lingvo estas facile legebla
... por vi ridulo.gif

Senegaùlo:En esperanto oni diras "interlingvao" !!!
Ĉar oni kreis jam tiom da "interlingvoj", uzataj plej ofte de nur unuopuloj, ke oni devis iom diferencigi iliajn nomojn.

Paulinho (Wasifu wa mtumiaji) 8 Juni 2009 12:52:53 asubuhi

Esperanto estas ĝuo sin mem tenanta: utila efektive, sed ankaŭ mirinda kial bela.

gyrus (Wasifu wa mtumiaji) 17 Juni 2009 10:26:19 asubuhi

Mi trovas Interlingvaon interesa, ĉar ĝi havas malregulecojn en sia literumado, do oni povas rekoni vortojn pli bone. Mi pensas ke tio ĉi estas bona ideo, sed ne funkcias bonege. Mi certe pensas ke Esperanto estas pli popola ol Interlingvao. Laŭ mi, Volapuko estas pli bona konkuranto al Esperanto ol Interlingvao.

Bennon (Wasifu wa mtumiaji) 29 Juni 2009 11:42:56 alasiri

Interligvao ŝajnas povi esti legita pli facile ol scribita, kaj se oni ne scias aŭ Interlingvaon aŭ Esperanton, mi pensas ke Interlingvao estas pli facile legita ol Esperanto estas facile legita. Interlingvao estas utila in sciencia literaturo, sed tio estas nur bona usadon. Kaj ne, mi ne konsentas Vikipedion.

Kurudi juu