Closed
Max. 500 messages.
Messages: 835
Language: Esperanto
sergejm (User's profile) April 29, 2019, 5:12:16 AM
"-eg-" ofte estas tradukata per adjektivo "огромный" - "grandega", "-ищ-" ofte havas negativan impreson.
StefKo (User's profile) April 29, 2019, 11:38:24 AM
sergejm:"Peco" ofte signifas "manĝaĵpeco" - do jes.Pola ekvivalento estas -isk- , ekz. dom - domisko
"-eg-" ofte estas tradukata per adjektivo "огромный" - "grandega", "-ищ-" ofte havas negativan impreson.
sergejm (User's profile) April 29, 2019, 1:54:51 PM
"домище" - "domego" (sen negativo)
StefKo (User's profile) April 29, 2019, 3:21:04 PM
Lerneja diskoteko. Joĉjo aliras al unu knabino kaj demandas:
– Vi dancos?
– Jes! – respondas kontenta knabino.
– Bonege! Ĵus mankas al mi ia sidloko.
StefKo (User's profile) April 30, 2019, 7:44:42 AM
Rendevuis grupo da 50-jaraj abiturientoj de unu edukejo.
– Kien ni iros? – demandas unu.
– Plej bona estos la restoracio „Sub Ora Leono” – diras dua. – Tie estas belfiguraj, belformmamaj, longkruraj kelnerinoj…
La cetero konsentis kaj ĉiuj iris al la restoracio…
Pasis dek jaroj… La abiturientoj rendevuis refoje. Refoje aperas ankaŭ la sama problemo: „Kien turni sin?”.
– Povas esti la restoracio „Sub Ora Leono”? – proponas unu. Tie oni donas bongustan facile digisteblan manĝaĵon...
Ĉiuj konsentis kaj iris al la restoracio…
Pasis sekva deko da jaroj… La abiturientoj rendevuis refoje. Refoje aperas ankaŭ la sama problemo: „Kien turni sin?”.
– Povas esti la restoracio „Sub Ora Leono”? – proponas unu. – Tie estas oportuna alpaŝejo…
Ĉiuj konsentis kaj iris al la restoracio…
Pasis sekva jardeko… Parto de la abiturientoj jam mortis. Kelkaj rendevuis refoje. Refoje aperas ankaŭ la sama problemo: „Kien turni sin?”.
– Povas esti la restoracio „Sub Ora Leono”? – proponas unu. – Ni neniam vizitis ĝin…
StefKo (User's profile) May 5, 2019, 5:01:39 PM
Instruisto demandas Joĉjon:
– Kiajn elementojn vi konas?
– Fajron, akvon kaj bieron.
– Bieron? Kion vi eldiras, Joĉjo?
– Jes. Ĉiam, kiam mia patro ebria revenas hejmen, mia patrino diras: „La patro refoje estas en sia elemento”.
StefKo (User's profile) May 6, 2019, 7:21:02 AM
Filino kun sia fraŭlo enfermiĝis en la cambro. Ŝia sciama patrino gluas sian okulon al la serurtruo kaj vidas… gejunulojn preĝantajn sur la planko. Kortuŝita eniras en la ĉambron kaj diras:
– Kiel laŭdecaj infanoj vi estas, kaj mi suspektas vin pri senhontaj agoj… Por kio vi preĝas, filinjo?
– Por la menstruo, panjo…
StefKo (User's profile) May 7, 2019, 7:18:43 AM
Leciono de gramatiko…
– Joĉjo, diru ian frazon en indikativo.
– Ĉevalo tiras ĉaron.
– Bone Joĉjo! Kaj nun diru ĝin en volitivo.
– Hot!
StefKo (User's profile) May 8, 2019, 7:36:22 AM
En preĝejo momente komencos edziga ceremonio. Gefianĉa paro paŝas al altaro…
– Patrinjo, kial la novedzino vestiĝis per tia bela blanka robo? – demandas knabineto observanta la ceremonion.
– Sciu, filinjo, ŝi volas montri al ĉiuj kiel ŝi estas feliĉa.
– Do kial la novedzo vestis sin nigre?
StefKo (User's profile) May 9, 2019, 7:01:50 AM
Edzino al sia edzo:
– Ĉu vi vidis iam ajn ĉifitan 100-zlotan banknoton? (zloto – pola mono)
– Ne – respondas la edzo per enuigita voĉo.
– Do rigardu ĝin – respondas la edzino kaj ĉifas la banknoton.
Post momento ŝi demandas:
– Kaj ĉifitan 200 zlotojn?
– Ne – respondas refoje la edzo per enuigita voĉo.
– Do rigardu ĝin – respondas la edzino kaj ĉifas la banknoton.
Post momento ŝi refoje demandas:
– Kaj ĉifitan 100000?
La edzo, sciema, respondas:
– Ne.
– Do iru kaj ekvidu ĝin, ĝi troviĝas en la garaĝo…