K vsebini
Odgovori

Enigmo: promenadaj renkontoj

od Miland, 19. november 2009

Sporočila: 7

Jezik: Esperanto

Miland (Prikaži profil) 19. november 2009 20:56:20

Johan kaj Katja loĝas ĉe kontraŭaj finoj de strato. Ili estas amikoj, kaj do ili decidas samtempe iri al la domo de la alia kaj liveri festan salutkarton.

Ambaŭ piediras laŭ la sama strato rekte al la domo de la alia, kaj rekte revenas. Kompreneble ili renkontas dufoje, unue irante al la domo de la alia, kaj due revenante.

Kiam la unua renkonto okazas, ili estas 300m for de la domo de Johan. Je dua renkonto, ili estas 400m for de la domo de Katja.

Kiel longa estas la strato?

Verda stelo por la unua ĝusta solvo!

fizikisto (Prikaži profil) 19. november 2009 23:11:38

Estas bona enigmo, ne eblas kalkuli la rapidecojn aŭ la tempojn. Sed la longeco de la strato oni povas kalkuli: 500m.
Pruvo estas tre facila per pozicio-tempo-diagramo de ambaŭ geamikoj.

Miland (Prikaži profil) 19. november 2009 23:29:27

fizikisto:.. la longeco de la strato oni povas kalkuli: 500m..
Gratulon! Vi pravas, kaj gajnis la verdan stelon:
★

sergejm (Prikaži profil) 20. november 2009 06:54:04

Mi opinias ke pli logike estus demandi
"Kiom longa estas la strato?"

Sed en tekstaro.com mi trovis 4 trafojn de "kiom longa" kaj 15 de "kiel longa", el la lastaj 8 "kiel" estas kun ne kvanta signifo.

fizikisto (Prikaži profil) 20. november 2009 08:13:03

sergejm:Mi opinias ke pli logike estus demandi
"Kiom longa estas la strato?"
Kaj germane kaj angle oni diras "kiel longa". Tamen, mi konsentas ke "kiom longa" estus pli logike.

Miland (Prikaži profil) 20. november 2009 11:16:26

Gramatike kiel povas respondas al ambaŭ demandojn En kiu maniero? kaj En kiu grado?. Vidu la PMEG (4a skatolo, 5a ekzemplo).

Kiom respondas al la demando Kiel multe? Kia nombre?. Jen la PMEG (unua skatolo, 6a ekzemplo).

fizikisto (Prikaži profil) 20. november 2009 13:22:43

Dankon pro la klarigo. Do "kiom" oni uzas por montri gradojn nur se oni volas forte emfazi la gradon.

Nazaj na začetek