Kwa maudhui
Kujibu

Enigmo: promenadaj renkontoj

ya Miland, 19 Novemba 2009

Ujumbe: 7

Lugha: Esperanto

Miland (Wasifu wa mtumiaji) 19 Novemba 2009 8:56:20 alasiri

Johan kaj Katja loĝas ĉe kontraŭaj finoj de strato. Ili estas amikoj, kaj do ili decidas samtempe iri al la domo de la alia kaj liveri festan salutkarton.

Ambaŭ piediras laŭ la sama strato rekte al la domo de la alia, kaj rekte revenas. Kompreneble ili renkontas dufoje, unue irante al la domo de la alia, kaj due revenante.

Kiam la unua renkonto okazas, ili estas 300m for de la domo de Johan. Je dua renkonto, ili estas 400m for de la domo de Katja.

Kiel longa estas la strato?

Verda stelo por la unua ĝusta solvo!

fizikisto (Wasifu wa mtumiaji) 19 Novemba 2009 11:11:38 alasiri

Estas bona enigmo, ne eblas kalkuli la rapidecojn aŭ la tempojn. Sed la longeco de la strato oni povas kalkuli: 500m.
Pruvo estas tre facila per pozicio-tempo-diagramo de ambaŭ geamikoj.

Miland (Wasifu wa mtumiaji) 19 Novemba 2009 11:29:27 alasiri

fizikisto:.. la longeco de la strato oni povas kalkuli: 500m..
Gratulon! Vi pravas, kaj gajnis la verdan stelon:
★

sergejm (Wasifu wa mtumiaji) 20 Novemba 2009 6:54:04 asubuhi

Mi opinias ke pli logike estus demandi
"Kiom longa estas la strato?"

Sed en tekstaro.com mi trovis 4 trafojn de "kiom longa" kaj 15 de "kiel longa", el la lastaj 8 "kiel" estas kun ne kvanta signifo.

fizikisto (Wasifu wa mtumiaji) 20 Novemba 2009 8:13:03 asubuhi

sergejm:Mi opinias ke pli logike estus demandi
"Kiom longa estas la strato?"
Kaj germane kaj angle oni diras "kiel longa". Tamen, mi konsentas ke "kiom longa" estus pli logike.

Miland (Wasifu wa mtumiaji) 20 Novemba 2009 11:16:26 asubuhi

Gramatike kiel povas respondas al ambaŭ demandojn En kiu maniero? kaj En kiu grado?. Vidu la PMEG (4a skatolo, 5a ekzemplo).

Kiom respondas al la demando Kiel multe? Kia nombre?. Jen la PMEG (unua skatolo, 6a ekzemplo).

fizikisto (Wasifu wa mtumiaji) 20 Novemba 2009 1:22:43 alasiri

Dankon pro la klarigo. Do "kiom" oni uzas por montri gradojn nur se oni volas forte emfazi la gradon.

Kurudi juu