Přejít k obsahu
Odpovědět

Kial -n kun "en" en "La Espero"?

od uživatele Ote ze dne 23. listopadu 2009

Příspěvky: 8

Jazyk: Esperanto

Ote (Ukázat profil) 23. listopadu 2009 17:55:27

Ĝi estas mia unua mesaĝo en la forumo, do bonvolu rimarkigi al mi la erarojn (mi estas komencanto).

Saluton!

Se oni ni legas la parolojn vortojn de la himno "La Espero", ni vidas "En la mondon venis nova sento". Mi kredis, ke la akuzativo ne estis estas bezona post prepozicio. Ĉu mi eraras?
Krome, kiam oni uzas komon? "Mi pensis, ke…" aŭ "Mi pensis ke…"?

Dankon!

tommjames (Ukázat profil) 23. listopadu 2009 17:58:27

La finaĵo "n" tie signifas ke la nova sento venis al pozicio ene de la mondo. Tiel la akuzativo montras direkton.

Vi povas legi pri tio en ĉi tiu paĝo de PMEG.

Ote (Ukázat profil) 23. listopadu 2009 18:05:55

Via paĝo estas klara kaj nun mi komprenas. Dankon.

Rogir (Ukázat profil) 23. listopadu 2009 19:40:08

Kvankam mi tre provis, mi nur trovis unu eraron en via mesaĝo: 'Mi kredis, ke la akuzativo ne estis' devas esti 'Mi kredis, ke la akuzativo ne estas'. Bonvenon ĉe lernu!

sergejm (Ukázat profil) 24. listopadu 2009 6:00:10

Oni kutime diras "vortoj de la himno".
Ankaŭ, se vi uzis "oni" en se-subfrazo, uzu
"oni" en la ĉefa subfrazo:
Se oni legas la vortojn de la himno "La Espero", oni vidas "En la mondon venis nova sento".
Anstataŭ "oni" vi povas uzi "ni" aŭ "vi" laŭplaĉe, sed la saman pronomon en ambaŭ subfrazoj.
"Ne estis bezona" signifas pasintecon, sed ĉu tempon kiam oni skribis la himnon "La Espero" aŭ kiam vi "kredis"?
"Ne estas bezona" signifas ĉi tie ajnan tempon - nunan, pasintecon aŭ estontecon.

En rusa lingvo oni uzas komojn pli ofte, ol en Esperanto, en la franca malpli ofte ol en la rusa. Certaj reguloj ne uzado de komo en Esperanto ne estas, uzu ĝin proksimume same kiel en la franca.
PMEG:Komo estas uzata ene de frazoj en lokoj, kie povas esti nature iom paŭzi, ekz. antaŭ subfrazo, kaj anstataŭ la vortoj kaj kaj aŭ en elnombrado de pluraj aferoj. Komo estas iafoje uzata anstataŭ punkto inter ĉeffrazoj, kiuj iel kunapartenas. Komo estas ankaŭ uzata antaŭ decimaloj en nombroj: 3,14 (= tri komo unu kvar).

Rogir (Ukázat profil) 24. listopadu 2009 14:25:06

Certaj reguloj ne uzado de komo en Esperanto ne estas
Vi malpravas. Ili estas en la PMEG, ekzemple tie, tie kaj tie. Sed vere malmultaj, nek mi, senerare regas ilin.

Ote (Ukázat profil) 24. listopadu 2009 14:53:43

sergejm:Ankaŭ, se vi uzis "oni" en se-subfrazo, uzu "oni" en la ĉefa subfrazo:
Se oni legas la vortojn de la himno "La Espero", oni vidas "En la mondon venis nova sento".
Anstataŭ "oni" vi povas uzi "ni" aŭ "vi" laŭplaĉe, sed la saman pronomon en ambaŭ subfrazoj.
Fakte, ĝi estas eraro france ankaŭ.

sergejm:"Ne estis bezona" signifas pasintecon, sed ĉu tempon kiam oni skribis la himnon "La Espero" aŭ kiam vi "kredis"?
"Ne estas bezona" signifas ĉi tie ajnan tempon - nunan, pasintecon aŭ estontecon.
Mi konsentas, dankon.

Rogir (Ukázat profil) 24. listopadu 2009 15:34:08

ĝi estas eraron
ĝi estas eraro

Zpět na začátek