본문으로
댓글 쓰기

Rekrutigi aŭ varbi?

글쓴이: Chainy, 2009년 11월 29일

글: 7

언어: Esperanto

Chainy (프로필 보기) 2009년 11월 29일 오후 6:33:34

Mi havas denove demandon... Laŭ mi, oni kutime uzas la verbon 'varbi' sed en ReVo mi ne vidas diferencon inter tiuj verboj... Ambaŭ verboj havas jenajn signifojn:

1. Fari per siaj instigoj, ke iu soldatiĝu.

2. Fari per siaj instigoj, ke iu aniĝu al grupo, partio, doktrino.

Interese, kial oni malofte uzas 'rekrutigi'? Ĉu vi uzas tiun ĉi verbon?

Chainy (프로필 보기) 2009년 11월 29일 오후 7:07:20

En tekstaro.com entute ne troviĝas la verbo 'rekrutigi'. La vorton 'rekruto' oni uzas tie nur en kunteksto de armeo. Ŝajnas, mi jam trovis la respondon al mia demando! ridulo.gif Sed estas strange, ke se oni legas nur ReVo oni povus pensi ke tiuj verboj havas la saman signifon...

Kaj, se 'rekruto' estas ĉefe por soldatoj, kial oni ne uzas pli ofte 'rekrutigi'?!

Miland (프로필 보기) 2009년 11월 29일 오후 7:17:50

Kruta priskribas la malfacilecon de kiu oni grimpas deklivon; la vorto indikas ĝian proksimecon al la vertikala. Tial rekrutigi miaopinie povas esti ambigua, kaj varbi eble pli taŭgas por "igi personojn aliĝi movadon". Tamen mi ne kontraŭas la uzadon de rekrutigi.

Rogir (프로필 보기) 2009년 11월 29일 오후 8:42:58

Rekrutigi venas de la vorto rekruto, nova militisto sen rango.

Chainy (프로필 보기) 2009년 11월 29일 오후 9:15:10

Rogir:Rekrutigi venas de la vorto rekruto, nova militisto sen rango.
Ĉu vere?! ridulo.gif
Miland:Kruta priskribas la malfacilecon de kiu oni grimpas deklivon
Tio estas interesa, mi ne pensis pri tio - kiel la rusa vorto 'krutoj'

Min interesas, kiel oni plej bone uzu tiujn verbojn. Mia ĝisnuna konkludo:

Rekruto - plejofte oni uzas ĉi vorton por 'ameaj rekrutoj'.

Varbito - Ĉi vorto varŝajne pli taŭgas, kiam oni aliĝas al grupoj, partioj aŭ doktrinoj.

En ĉiuj kuntekstoj, ŝajnas ke oni kutime uzas la verbon 'varbi'. La verbo 'rekrutigi' ŝajnas ne tre populara...

Sed, povas esti, ke mi ne pravas....

horsto (프로필 보기) 2009년 11월 29일 오후 11:01:13

La plej grava Esperanto-germana vortaro de Krause proponas la transitivan verbon "rekruti". La signifo estas "voki al la armeo" (germane: einberufen).

tommjames (프로필 보기) 2009년 11월 29일 오후 11:57:54

Chainy:Ĉu vi uzas tiun ĉi verbon?
Mi mem preferas varbi/varbito ol rekrutigi/rekruto, nur pro tio ke mi trovas ilin pli belaj kaj facile prononceblaj. La diferenco en signifo inter la vortoj ŝajnas al mi pli malpli nedetektebla, do mi neniam uzas rekrutigi.

다시 위로